योहान 11:44 - बारेली पावरी

⁴⁴ जू मोर गोयलु होतु चू मोळवाट्याम गोथू हात पाय बांधायलू निकवीन आव्यु, एने तेरो मूय कापळासी वेटावलो होतो येसु तीनु काजे कोयू, “हिनाक छुळ देवू एने जाणे देवू.”

योहान 11:44 ပူးပေါင်းရင်းမြစ်များ

मरकुस 5:43

ओवतेन चू तीनु काजे जोताळीन आग्या आप्यू कि जो वात कुदाक मालम नि पोळनो जुवे एने कोयू, “इनी काजे काहीन खाणे आपु.”

लुका 19:20

तिसरू आवीन कोयू, हे माहाराज, देख तारी मोहर जी छे जीना रुमाल मा बांदीन मेकलु छे.

लुका 7:15

तेत्यार चू मोरलू उठीन बोस गोयू, एने बुलणे बाज गोयू. चू तीनाक तेरी आयान होवाले कोऱ्यु.

योहान 10:30

मे एने बास एकुत छे,”

योहान 11:39

येसु कोयू, “दोगळू छेटू कोरु” तिना मोरलान बहोनिश मार्था तीनाक कोयने लागी, “हे प्रभू, हिनामा गोथो हिमी ते गोंदायने बाज रोयो, काहाकि हिनाक मोरलू च्यार दाहळा होय गोयला होता.”

योहान 11:43

यो कोयीन चे मोटला आवाजसी आयळ्यु, “हे लाजर, निकवीन आव.”

योहान 19:40

तेत्यार चे येसुन धोळ लेदा, एने यहुदियान गाळनेन रितीसी तीनाक घोनो वारू इत्तर काजे कापळामा गुंडाव्यू.

योहान 20:5

एने वाकू वोवीन कापळा पोड रोयला देख्यू, ते बी चू माहाय नि गोयू.

योहान 20:7

एने चू फेटू यु तेरे मुंडका काजे बांदलू होतु, कापळा पुठी पोळलु नि बाकीन ओलोग एक जागे गुंडाविन मेकलु देख्या.

योहान 5:21

जोसू बास मोरला काजे उठाडतेलु एने जीवाळतलु छे, तोसुच पुऱ्यु बी जे गोवतेला तीनुक जीवाळतलु छे.

योहान 5:25

मे तुमु काजे छाचलीन-छाचलीन कोयो ची टेम आव रोयी, एने हिमी छे, जीनामा मोरला परमेश्वरोन पुऱ्यान बुल सोमोवसे, एने जे सोमोवसे चे जीवसे.

फिलिप्पि 3:21

चू आपनी ताकतोन तिना असर सी जिनान लारे चे आखा चीजो काजे आपना हातोमा कोर सकतला छे, आपनी कोमजोर डीलोन रूप बोदलावीन आपनी महिमान डीलो सारका बोनाव देसे.

प्रकाशित वाक्य 1:18

मे मोर गोयलु होतु, एने देख हिमी कायमोन जीवतलु छे; एने मरणे एने अधोलोक माणसोन कुच्या मारेत जुव छे.