योहान 10:6 - बारेली पावरी

⁶ तेत्यार येसु तीनु काजे एने कोयू, बाकीन चे नि सोमजे कि जे काय वाते छे जू चू आमु काजे कोयतेलु छे.

योहान 10:6 ပူးပေါင်းရင်းမြစ်များ

मत्ती 13:34

ये आखा वाते येसु दाखलामा माणसो काजे कोयू, एने बिना दाखलान चू हीनु काजे काय नि कोयतू होतु,

मत्ती 13:51

“काय तुमु जे आखा वाते सोमज्या.” चे तीना काजे कोया, “होव”

मरकुस 4:34

एने बिगर दाखलू कोये चू तीनु काजे काहीन बी नी कोयतू होतु; बाकीन सुनलामा चू आपना प्रेषितोन चेला काजे आखा वातोन मतलब देखाळतू होतु.

योहान 16:25

“मे ये वाते तुमु काजे दाखलामा कोयलु छे, बाकीन जी टेम आव रोयी कि मे तुमु काजे एने दाखलामा नि कोयो, बाकीन उगाळीन तुमुक बासोन बारामा मे कोयीस.”

योहान 16:29

तेरा चेला कोया, “देख, हिमी ते तू उगाळीन कोये, एने कहाणलु दाखलू नि कोयतू.

योहान 6:52

इनापोरसी यहुदि यो कोयीन आपोसमा लोळायने बाज गोया, “यु माणूस कोसू आमुक आपनो मास खाणे आप सोकतलु छे?”

योहान 6:60

तेरा चेला मायला घोणा सोवटा यो सोमवीन कोया, “जी काठली वात छे; इना काजे कून सोमवी सोकतलो छे?”

योहान 7:36

जी काय वात छे जी चू कोयू, कि “तुमु मेसेक हेरसू, बाकीन नि जोळे; एने मे जा छे, चा तुमु नि आव सोकतला?”

योहान 8:27

चे यो नी सोमज्या कि आमुक बासोन बारामा कोय रोयू.

योहान 8:43

तुमु मारी वात काहा नि सोमोजतेला? इनान कोरता कि तुमु मारो वचन सोमवी नि सोकतला.

1 कुरीन्थियो 2:14

बाकीन डीलोन माणसे परमेश्वरोन आत्मान वाते स्वीकार नी कोरतेला, काहाकि चे हिंदरी नोजोरमा बीना दिमाक वावान वाते छे, एने नी चू हिनुक जान सोकतलु छे काहाकि हिंदरी चौकसी आत्मिक रितीसी होयतेली छे.

2 पतरस 2:22

तिंदरे पोर जी कोहावत बोराबोर बोसतली, कि कुत्रा आपनी उखवला भूनी एने उंगवावली सुवरीन कीचळमा घोसडायनेन कोरता पोछि जात रोयतली.

1 योहान 5:20

एने यो बी जाणेजे, परमेश्वरोन पुऱ्यु आव रोयू एने चू आमुक सोमज आपलु छे, हिमी तिनी खोराइ काजे जानजे, एने आमु तीना माइली जी खोराइ छे, मतलब परमेश्वरोन पुऱ्यु येसु मसिहमा रोयतला. खोरलू परमेश्वर ओमोरकाईन जीवाय यित छे.