योहान 10:32 - बारेली पावरी

³² इनापोरसी येसु तीनु काजे कोयू, “मी तुमु काजे मारा बासो जू गोथू जूदा सोवटा वारला कामे देखाळलु छे; तीनामा गोथा काहनला कामोसी तुमु मार पोर दोगळा दि रोया?”

योहान 10:32 ပူးပေါင်းရင်းမြစ်များ

मत्ती 11:5

कि आंदवा देखतेला एने लेंगळा चालतला एने फिरतेला, कुळावाक चुखा कोराय जातला एने बेहरा सोमवतेला, मोरलाक जीवता कोराय जातला, एने गोरीबोक वारली खोबर सोमवाळाय जातली.

योहान 10:25

येसु तीनु काजे जोवाब आप्यू, “मे तुमु काजे कोय देदू बाकीन तुमु भुरसू नि कोरतेला जो काम मी मारा बासोन नावसी कोरतेलू चेत मारो गोवा छे,

योहान 10:31

यहुदि तीना पोर दोगळा देनेन कोरता पोछा दोगळा चुट्या.

योहान 10:33

यहुदि माणसे जोवाब आप्या, “वारला कामोन कोरता आमु तार पोर दोगळा नि देता बाकीन परमेश्वरोन बुराई कोरनेन वोजेसी; एने इनान कोरता कि तू माणूस होयीन तू खुदो काजे परमेश्वर बोनावतलु.”

योहान 10:37

ओगर मे मारा बासोन काम नि कोरो, ती मार पोर भुरसू मा कोरु.

योहान 5:36

बाकीन मार जुवू जी गोवायी छे ची योहानोन गोवायी गोथी मोटी छे; काहाकि जो काम बास मेसेक पुरो कोरने आपलो छे, मतलब योत काम जो मी कोरतेलु छे, चे मारा गोवाह छे कि बास मेसेक मुकललु छे, चू मारी गोवायी आपलु छे.

प्रेषित 10:38

परमेश्वर काहना रितीसी येसु नासरी काजे पवित्र आत्मा एने ताकतसी अभिषेक कोऱ्यु चू भोलाई कोरतू एने आखा काजे भुतडान छुळावला होता, वारलो कोरतू फिरू काहाकि परमेश्वर तेरे साते होतु.

प्रेषित 2:22

हे मारा दोस्त इस्राईल जे वाते सोमवू, कि येसु नासरी माणूस होतु, जेरो परमेश्वरोनचा गोथू होयनेन सोबूत तीना ताकत वावा काम एने मोटला कामोन, एने निशाणीसी देखाळ देदू एने परमेश्वर तुमरे बिचमा तेरे लारे कोरीन देखाळ्यू, जीना काजे तुमु खुद जानतेला छे.

1 योहान 3:12

एने केनोन सारखो मा बोलू जू तिना पापोसी होतु, एने जू आपना भाशो काजे मार देदलु इनान कोरता कि तेरा कामे भुंडला होता, एने तेरा भाशोन काम धोरमीन होता.