30 मे एने बास एकुत छे,”
“मारू बास मेसेक आखो काहीन सोप देदलु छे; एने कुदू बासो काजे नी उवखतलु, निस्तु; पुऱ्या काजे; एने चू जीना पोर पुऱ्यु तीनाक देखाळने हिंडे.”
इनान कोरता तुमु जावू, आखा जात्यान माणसो काजे चेला बोनावू; एने तीनुक बास, एने पुऱ्यु, एने पवित्र आत्मान नावोसी बाप्तिस्मा आपु.
मारू बास, जू तीनु काजे मेसेक आपलु छे, आखा गोथू मोटलु छे एने कुदु तीनुक बासोन हातोमा गोथू हापकीन नी सोकतलु.
ती जीनाक बास चुखो ठेरावीन जोगमा मुकलु छे, तुमु तीनाक कोयतेला छे, “तू बुराई कोरतेलू छे,” इनान कोरता कि मे कोयू, “मे परमेश्वरोन पुऱ्यु छे?”
येसु तीनाक जोवाब आप्यू, “ओगर कुदु मार पोर मोंग कोरसे ती चू मारा वचन काजे माणसे, एने मारू बास तीना पोर मोंग कोरसे, एने आमु तेरेनचा रोयसू.”
येसु तिना काजे कोयू, “हे फिलीप, मे ओतरा दाहळासी तुमरे साते छे, एने काय तू मेसेक नि उवेखतू? जू मेसेक देखलू छे चू बासो काजे देखलू छे. तू काहा कोये कि बासो काजे मेसेक देखाळ?
जो काय बासोन छे, चो आखो मारो छे; इनान कोरता मी कोयू कि चू मारी वातोमा गोथू लीन तुमु काजे कोयसे.
एने जो काहीन मारो छे चो आखो तारो छे, एने जो तारो छे चो मारो छे, एने इनासी मारी महिमा देखायली छे.
इनापोरसी येसु तीनु काजे कोयू, “मारू बास हिमी तोक काम कोरणे बाज रोयू, एने मे बी काम कोरणे बाज रोयू.”
कि आखा माणसे जोसो बासोन मान राखतला छे तोसोच पुऱ्यान बी मान राखू. जू पुऱ्यान मान नि कोरे, चू बासोन जू तीनाक मुकललु छे, मान नि राखतलु.
येसु तीनु काजे कोयू, “मी तुमु काजे छाचलीन-छाचलीन कोयो, कि अब्राहामन पेहेले, मी छे.”
इनुमा शंका नी होय कि भोक्तीन फरक गंभीर छे, मतलब होयो जे डीलोमा प्रगट होयलो, आत्मामा धोरमी ठेरायू, सोरग दूत काजे देखायतू दिसरा जातीमा हेरा प्रचार होयलू, जोगोमा हेरे पोर भुरसू कोरलु होतु, एने महिमामा उपर चुटायलु होतु.
एने इनी सोयावा आसोन मतलब आपना मोटला परमेश्वर एने छुटकारू आपने वावु येसु मसिहन महिमा प्रगट होयनेन वाट जुवता रोयू.
एने यो बी जाणेजे, परमेश्वरोन पुऱ्यु आव रोयू एने चू आमुक सोमज आपलु छे, हिमी तिनी खोराइ काजे जानजे, एने आमु तीना माइली जी खोराइ छे, मतलब परमेश्वरोन पुऱ्यु येसु मसिहमा रोयतला. खोरलू परमेश्वर ओमोरकाईन जीवाय यित छे.
एने जू गोवायी देतलू छे, चू आत्मा छे; काहाकि आत्मा खोरली छे.
