योहान 10:15 - बारेली पावरी

¹⁵ जोसू बास मेसेक जानतलु छे एने मे बी बास काजे जाणलु-छे एने मे गाडरान कोरता मारू जीव आपतलु छे.

योहान 10:15 ပူးပေါင်းရင်းမြစ်များ

मत्ती 11:27

“मारू बास मेसेक आखो काहीन सोप देदलु छे; एने कुदू बासो काजे नी उवखतलु, निस्तु; पुऱ्या काजे; एने चू जीना पोर पुऱ्यु तीनाक देखाळने हिंडे.”

मत्ती 20:28

जोसो कि माणसोन पुऱ्यु चू इनान कोरता नि आव्यु कि तेरी सेवा कोरणे नि बाकीन सेवा कोरणे एने घोना सोवटा काजे छुटकारान कोरता आपनु जीव अरपण कोरे.

लुका 10:21

तिने टेमे चू पवित्र आत्मामा भोरायीन खुशीसी भोराय गोयू, एने कोयू, “हे बास, सोरगोन एने कोवीन प्रभू, मे तारो धन्यवाद कोरो कि तू इनी वातो काजे ग्यानवावा एने सोमोजदारी वावासी डूकाळीन मेक्यू, एने पुऱ्या पोर प्रगट कोऱ्यु होव, हे बास, काहाकि तुसेक योत वारलो लाग्यो.”

लुका 10:22

मारू बास मेसेक आखो काहीन आप देदलु छे; एने कुदु नि जानतलो कि पुऱ्यु कुन छे निस्तू बास, एने बास कुन छे ज्योबी कुदू नी जानतला निसतो पुऱ्यान तोरोफसी चू जीना पोर पुऱ्यु तीनाक प्रकट कोरतेलू.

योहान 1:18

परमेश्वर काजे कुदुबी कबी नि देख्यो, एखलुत पुऱ्यु जू बासोन खुवामा छे चू तीनाक सामने लाव्यू.

योहान 10:11

वारलु गुवाव्यू मे छे; वारलु गुवाव्यू गाडरान कोरता आपनु जीव आप देतलू छे.

योहान 15:13

एरे गोथो मोटो मोंग कुदान नि होय कि कुदू आपना दुस्तीदारोन कोरता आपनु जीव आपे.

योहान 17:25

हे धोरमी बासो, जोग मेसेक नि जान्यू, बाकीन मे तुसेक जान्यू; एने जेबी जान्या कि तूच मेसेक मुकेललु चे.

योहान 6:46

यो नि कि कुदु बासो काजे देखलो छे बाकीन यो परमेश्वर जुव गोथो छे, निसतू चू बासो काजे देखलू छे.

योहान 8:55

तुमु ते तीनाक नि जानतला बाकीन मे ते तीनाक जानतलु ओगर मी कोय कि मी तीनाक नि जानतलु ती मे तुमरेन तोसु झुटू ठेरायीस; बाकीन मे तीनाक जानतलु एने तेरा वचनोपोर चालतलु.

गलातियों 1:4

चू खुदो काजे आपना पापोन कोरता आप देदू, काहाकि आपनु परमेश्वर एने बासोन मोर्जीन अनसारे आपुक इनी भुंडला संसारसी छुळावे.

गलातियों 3:13

मसिह जू आमरेन कोरीन शापित बोन्यू, आमुक मुले लीन नियम शास्त्रान श्रापमा गोथू छुळाव्यू काहाकि लिखलो छे “जू कुदु ख्रुस पोर चोळावतला चू शापित छे.”

इफिसीयो 5:2

एने मोंगोमा चालू जोसू मसिह तुमरे पोर मोंग कोरलु, एने आमरेन कोरता खुदो काजे सुख आपने वावो सुगंधोन कोरता परमेश्वरोन ओगोव भेट चोळावीन बलिदान कोर देदू.

तीतुस 2:14

जू खुद काजे आमरेन कोरता आप देदू कि आमु होर एक भातीन पापोमा गोथू छुळाव लेय एने चुखा कोरीन आपनेन कोरता एक ओसी जात बोनाव लेये जे वारला-वारला कामोमा तीयार जुवे.

1 पतरस 2:24

चू खुद आपना पापो काजे, आपनी डील पोर लीन ख्रुस पोर चोळ गोयू, जेरेसी आमु पापोन कोरता मोरीन धारमिकतान कोरता जीवन जीवसु, तेरे मार खाणेसी तुमु वारला होया.

1 पतरस 3:18

एरेन कोरता मसिह भी, मतलब अधोरमीन कोरता धोरमी, पापोन वजेसी एक कावा दुख झेललु तेत्यार आमु काजे परमेश्वरोनचा पुगाळे, चू डीलोन भाव से ती माराव देदा, बाकीन आत्मान भावमा जीवतु होय जासे.

1 योहान 2:2

एने होयुत आमरे पापोन पश्चाताप छे, एने बोस आमरो ओतरो नि आखा जोगोन पापोन बी.