योहान 10:14 - बारेली पावरी

¹⁴ वारलु गुवाव्यू मे छे; मे मारा गाडरा काजे जानतलु छे, एने मारा गाडरा मेसेक जानतेला छे.

योहान 10:14 ပူးပေါင်းရင်းမြစ်များ

योहान 10:11

वारलु गुवाव्यू मे छे; वारलु गुवाव्यू गाडरान कोरता आपनु जीव आप देतलू छे.

योहान 10:13

चू इनान कोरता दोवळी पोळतेलु कि चू दाहाळक्यू छे, एने तीनाक गाडरान चिंता नि होय.

योहान 10:27

मारा गाडरा मारू बुल सोमवतला छे; मी तीनु काजे उवखतलु एने चे मारा पोछोव-पोछोव आवतेला छे;

योहान 17:3

एने ओमोर जीवन यो छे कि चे तुसेक एक धोळ्या खोरला परमेश्वर काजे येसु मसिह काजे, जीनाक तू मुकेललु छे, जाणे.

योहान 17:8

काहाकि यो वचन तू मेसेक आप्यू, मी तीनुक तीनु काजे पुगाळ देदू; एने चे तीनु काजे ग्रहण कोऱ्या, एने खोरलो-खोरलो जान लेदला छे कि मे तारे जुव गोथू आवलु छे, एने भुरसू कोर लेदलु छे कि तूत मेसेक मूकल्यु.

2 कुरीन्थियो 4:6

इनान कोरता कि परमेश्वरुत छे, जू कोऱ्यु, “आंदारलामा गोथो विजावो चोमके, एने चू मोनोमा चोमक्यू कि परमेश्वरोन महिमान उवखनोन दिवू येसु मसिहन मुयो पोर विजावो होये.”

इफिसीयो 1:17

कि आमरा प्रभू येसु मसिहन परमेश्वर जू महिमान बास छे तुमु काजे आपनी उवखमा ग्यान एने विजावान आत्मा आपे.

इफिसीयो 3:19

एने मसिहमा तिना मोंगोकाजे ग्यानसी पुरो छे कि तुमु परमेश्वरोन आखो आखान पुठी होय जाय.

फिलिप्पि 3:8

नीती मे आपना प्रभू येसु मसिहन उवखनेन बारामा वारलान वजेसी मे आखा चीजोन नुकसान सोमोजतलु. जेरे कारण मे आखा चीजोन हानी उठावलु छे एने तीनुक कोचरू सोमजतेलु, जेरेसी मे मसिह काजे ली लेदू.

2 तीमथी 1:12

इनान वजेसी मे इना दुतो काजे झेल रोयू बाकीन लाजवायतू नी काहाकि मे भुरसू कोरलु छे, उवेखतलु एने मारू भुरसू से कि चू मारी रोकोमन तिने दाहळे तोक राखवावी कोर सोकतलु.

2 तीमथी 2:19

ते बी परमेश्वरोन पाकु पायु बोनतलु रोयतलु एने तीना पोर छापू लागलु रोयतलु “प्रभू आपनु काजे उवखतलु एने जो कुदू प्रभून नाव लेतलु चू अधोरमोन सी वाचीन रोये.”

1 योहान 5:20

एने यो बी जाणेजे, परमेश्वरोन पुऱ्यु आव रोयू एने चू आमुक सोमज आपलु छे, हिमी तिनी खोराइ काजे जानजे, एने आमु तीना माइली जी खोराइ छे, मतलब परमेश्वरोन पुऱ्यु येसु मसिहमा रोयतला. खोरलू परमेश्वर ओमोरकाईन जीवाय यित छे.

प्रकाशित वाक्य 2:13

मे जो जानतलु छे कि तू चा रोयतलु छे, जा भुतडान सिहासन छे; तू मारा नावो पोर चात रोयतलु छे, एने मार पोर भुरसू कोरणेसी तीनु दुयूमा बी पोछु नी होट्यु, जीनामा मारा भुरसान लायक गोवाह अन्तिपास, तुमरे इचमा तिना जागा पोर खुन कोराय गोयू, जा भुतडू रोयतलु छे.”

प्रकाशित वाक्य 2:19

मे तारा कामे, तारू मोंग एने भुरसू एने सेवा एने धीर, जानतलु छे, एने यो बी कि तारा पोछला कामे पेहेले गोथा बोढीन छे.”

प्रकाशित वाक्य 2:2

मे तारो काम, एने तारी मेहनत, एने तारा धीरो काजे जानतलु छे एने जो भी कि तू भुंडला माणसो काजे देख नी सोकतलु, एने जे आपना खुदो काजे प्रेषितोन कोयतेला छे, एने नी होय, तीनुक तू पारखीन झुटू देख्यू.

प्रकाशित वाक्य 2:9

‘मे तारा दुख एने गोरीबी काजे जानतलु छे (बाकीन तू धोन वावू छे,) एने जे माणसे आपना खुदो काजे यहुदि कोयतेला छे एने होय नी, बाकीन भुतडान मीटिंग छे, तिंदरे बुराई काजे बी जानतलु छे.’”

प्रकाशित वाक्य 3:1

सर्दीसोन मंडव्यान दूतो काजे यो लिख, “जेरे जुव परमेश्वरोन सात आत्मा एने सात चांदण्या छे, चू यो कोये कि मे तारा कामो काजे जानतलु छे तू जीवतलु ते कोवायतलु छे, बाकीन मोरलु छे.”

प्रकाशित वाक्य 3:15

मे तारा कामो काजे जानतलु छे कि तू ते सेवू छे एने नी तातलु, भोलो होयतो कि तू सेवू नीती तातलु रोयतू.”

प्रकाशित वाक्य 3:8

मे तारा कामो काजे जानतलु छे देख, मे तारे सामने एक झोपलू उगाळलु छे, जीनाक कुदू बोंद नी कोर सोकतलो; तार ताकत इतरोकुत छे, ते बी तू मारा वचन काजे पावलु छे एने मारा कामोक मोना नी कोऱ्यु.”