योहान 10:12 - बारेली पावरी

¹² दाहळक्या जे नि गुवाव्या होय एने नि गाडरान मालिक होय, लेंड्याक आवतेलु देखीन गाडरा काजे छुळीन दोवळी पोळतेलु छे; एने लेंड्या तीनु काजे धोरतेला एने वेरा वेर कोर देतलो छे.

योहान 10:12 ပူးပေါင်းရင်းမြစ်များ

मत्ती 10:16

“देखू, मे तुमु काजे गाडरा सारखू कुल्यान इचमा मुकलो इनान कोरता घोळसा सारका बुद्धीवान एने पेरवा सारका भोला बोनू.”

मत्ती 7:15

“झुटा भविष्य कोरतासी हुशारीमा रोयू, जे गाडरान भेसमा तुमरेनचा आवता, बाकीन ओवतेन चे फाळनेवावा कुल्या छे.”

योहान 10:13

चू इनान कोरता दोवळी पोळतेलु कि चू दाहाळक्यू छे, एने तीनाक गाडरान चिंता नि होय.

योहान 10:2

बाकीन जू झोपलामा गोथू माही भोराये चू गाडरान राखवाव गुवाव्यू छे.

योहान 10:3

तिनान कोरता झोपलान राखवाव झोपलु उगाळ देदलु छे, एने गाडरा तेरी वात सोमवतला छे, एने चू आपना आखा गाडरा काजे नाव लीन बुलावतलु छे, एने बारथे लीन जातलू छे.

प्रेषित 20:29

मे जानतलु छे कि मारे जाणेन ओवतेन फाडनेवावू कुल्या तुमरेमा आवसे जे टूवा काजे नि छुळे.

1 तीमथी 3:3

दारकुट्यू या ठूकने वावू नि रोयनो जुवे; बाकीन सुवावू रोये, एने नी झगळावू, नी पोयशान लालची रोये.

1 तीमथी 3:8

तोसोत सेवक काजे भी वातळा होयनो जुवे, इमानदार सी चालन्यू, मोंदळ्यु एने भुंडला कामोन कोमाय कोरने वावू एने लालची नी जुवे;

2 तीमथी 4:10

काहाकि कि देमास इना संसार काजे मोंगावू जानीन मेसे काजे छुळ देदलु छे एने थेस्सलुनीकामा जात रोयलु छे. क्रेसकेस गलातियानचा एने तीतुस दलमतीया काजे जात रोयलू छे.

तीतुस 1:7

काहाकि पुढारी काजे परमेश्वरोन भंडारी होयनेन वजा निरदोष होयनो जुवे, नि जिद्दी, नि रीसावू, नि मोंदळ्यु, नि लोळाय कोरणे वावु, एने भुंडला कोमायीन लालच्यु नि रोयनो जुवे.

1 पतरस 5:2

कि आपना इचमा परमेश्वरोन टूवान राखवावी कोरो, एने जो कानला दोबावसी नि बाकीन परमेश्वरोन मोर्जीन अनसारे खुशीसी, गोलोत कोमायीन कोरता नि बाकीन मोन लागाळीन कोरु.

2 पतरस 2:3

चे लुबोन कोरता वाते गाळीन तुमु काजे आपना लाभोन कोरता बोनावसे, एने तिंदरा पोर पेहेलेसी होय रोई तेरे आवनेसी काहीन टेम नि होय, एने तिंदरा नाश सुवतलु नि.