योहान 1:51 - बारेली पावरी

⁵¹ एने तीना काजे कोयू, “मे तुसे काजे छाचलीन-छाचलीन कोयो कि तुमु सोरग काजे उगळलो, एने परमेश्वरोन सोरग दूतो काजे माणसोन पुऱ्या पोर उतरतेलो एने उपोर जातलो देखसु.”

योहान 1:51 ပူးပေါင်းရင်းမြစ်များ

मत्ती 25:31

“जेतार माणसोन पुऱ्यु तेरा महिमामा आवसे एने आखा सोरग दूत तेरे साते आवसे ती चू महिमान सिहासन पोर बोससे.”

मत्ती 26:24

माणसोन पुऱ्यु ते जोसो तेरे बारामा लिखलो छे, जातलु छे; बाकीन तिना माणसोन कोरीन दुख छे जिनान लारे माणसोन पुऱ्यु धोराय जातलू छे; अगर तिना माणसोन जन्मो नि होयतो, तेरेन कोरता वारलो होयतो”

मत्ती 3:16

एने येसु बाप्तिस्मा लीन तेतारुत पाणीमा गोथू उपोर आव्यु, एने, तेरेन कोरीन सोरग खुल गोयो, एने चू परमेश्वरोन आत्मा काजे पेरवा सारखो उतेरलो एने आपने उपोर आवतेलो देख्यू.

मत्ती 4:11

तेत्यार भुतडू तेरे साते गोथू जात रोयू, एने देखू, सोरग दूत आवीन हेरी सेवा कोरणे बाज गोया.

मत्ती 8:20

येसु तीनाक जवाब कोयू, “कुल्यान कोरता दोरे एने सोरगोन चिल्लान कोरता पुतरा रोयतला बाकीन माणसोन पुऱ्यान कोरता मुनको टेकनेन बी जागा नि होय.”

मत्ती 9:6

बाकीन इनान कोरता कि तुमु जान लेयु कि माणसोन पुऱ्या काजे धोरती पोर पापोन माफी आपनेन होक छे तेत्यार चू लखवा बिमारी वावा काजे कोयू, “उठ तारो खाटलो चूट, एने तार घोर जात रोय.”

मरकुस 1:10

एने जेतार चू पाणीमा गोथू निकवीन उपोर आव्यु, ती तेत्यारूत चू सोरग उगेळतलो एने आत्मा काजे पेरवा सारको तेरेपोर उतरतेलु देख्यू.

मरकुस 14:62

येसु कोयू, “मे छे” एने तुमु माणसोन पुऱ्या काजे सर्वशक्तिमानोन जेवळे धोळे बोसीन, एने सोरगोन वादवा पुठी आवतेलु देखसु.

लुका 2:13

तेत्यार उचकालुन तिना सोरगो दूतो साते सोरगोन दूतोन टूवू परमेश्वरोन स्तुती कोरता जायीन एने यो कोयता देखाय पोळ्या,

लुका 2:9

एने प्रभून एक दूत तिंदरेनचा आवीन उबरोयू, एने प्रभून विजावो तिंदरे चारू धोळे चोमक्यो, एने चे घोना जुदा बिह गोया.

लुका 22:43

तेत्यार सोरगोमा गोथू एक दूत तीना काजे देखाय पोळ्यु चू तीनाक ताकत आपतू होतु.

लुका 22:69

बाकीन हिमी गोथू माणसोन पुऱ्यु आखामा ताकत वावू परमेश्वर जेवळे धोळे बोसलू रोयसे.”

लुका 24:4

जेतार चे इनी वातोसी शोंकामा होता ती देख्या, दुय माणसे चोमोकने वावा डोगला पेहेरीन तिंदरे साते आवीन उभा रोया.

लुका 3:21

जेतार आखा माणसे बाप्तिस्मा लेदा एने येसु बी बाप्तिस्मा लीन प्रार्थना कोरणे बाज रोयू होतु, ती सोरग उगळी गोयो,

योहान 1:50

येसु तीनाक जोवाब आप्यू, “मे जो तुसे काजे कोयलु कि मे तुसेक गुलोरोन झाडो तोवे देख्यू, काय तू इनान कोरता भुरसू कोरतेलू? तू एर गोथो बी मोटला-मोटला काम देखीस.”

योहान 10:1

“मे तुमु काजे छाचलीन-छाचलीन कोयो कि जू कुदु झोपले गोथू गाडरान वाडामा नि भोराये बाकीन दुसरे जागो गोथा चोळ जातला, चे चूटा एने डाखू छे.

योहान 10:7

तेत्यार येसु तीनु काजे ओवी कोयू, “मे तुमु काजे छाचलीन-छाचलीन कोयो कि गाडरान झोपलु मी छे,

योहान 13:16

मे तुमु काजे छाचलीन-छाचलीन कोयो कि सेवक आपना मालिक गोथू मोटू नि होय, एने मुकलायलु मुकलेनेवावा गोथू.

योहान 13:38

येसु जोवाब आप्यू, काय तू मारेन कोरता तारू जीव आपीस? मे तुसेक छाचलीन छाचलीन कोयो कि कुकळू वासे नि तेतार तोक तू तीन कावार मारु इनकार कोर दिस.

योहान 14:12

“मी तुमु काजे छाचलीन-छाचलीन कोयो कि जू मारे पोर भुरसू कोरे, जो काम मे कोरतेलू छे चू बी कोरसे, बाकीन इनू गोथा बी मोटा काम कोरसे, काहाकि मे बासोनचा जाम.

योहान 16:20

मे तुमु काजे छाचलीन-छाचलीन कोयो कि तुमु रोडसु एने दुख कोरसू, बाकीन जोग खुशी कोरसे; तुमुक दुख होयसे, बाकीन तुमरो दुख खुशीमा बदल जासे.

योहान 16:23

तिने दाहळे तुमु मेसेक काय नि पुछे मी तुमु काजे छाचलीन-छाचलीन कोयो, कोदि बासो जुव काहीन मांगसे, ती चू मारा नावोसी तुमुक आपसे.

योहान 21:18

मे तुसे काजे छाचलीन कोय, जेतार तू जुवान्यू होतु आपनो कोड्यो बांधीन जां जुवे चा फिरतू होतु; बाकीन जेतार तू दाहालू होयसे आपनु हात पोसारसे, एने दिसरा तारो कोड्यो बांधीन जा तुसेक नि जुवे चा तुसेक लीजासे.”

योहान 3:3

येसु तीनु काजे जोवाब आप्यू, “मे तुसेक छाचलीन-छाचलीन कोयो, ओगर कुदू नोवला रितीसी नि जन्म होये ती परमेश्वरोन राज देख नि सोकतलू,.”

योहान 3:5

येसु जोवाब आप्यू, मे तुमुक छाचलीन-छाचलीन कोयो कि जेतार तोक कुदू माणूस पाणी एने आत्मासी नि जन्म होये ती चू परमेश्वरोन राजमा जाय नि सोकतलु.

योहान 5:19

इनापोरसी येसु तीना काजे कोयु, “मे तुमु काजे छाचलीन-छाचलीन कोयो, पुऱ्यु तुमु काजे काय नी कोर सोकतोलू, नीस्तु चू यो बासो काजे कोरतेलू देखतलु छे; काहाकि जीना कामो काजे चू कोरतेलु तिना काजे पुऱ्यु बी तीना रितीसी कोरतेलु छे.”

योहान 5:27

बाकीन तीना काजे नियाव कोरनेन बी होक आपलु छे, इनान कोरता बी चू माणसोन पुऱ्यु छे.

योहान 6:26

येसु जोवाब आप्यू, “मे तुमु काजे छाचलीन-छाचलीन कोयो, तुमु मेसे काजे इनान कोरता नि हेरता कि तुमु मोटला कामे देख्या, बाकीन इनान कोरता कि तुमु रुटा खायीन आफरी गोया.

योहान 6:32

येसु तीनु काजे कोयू, “मे तुमु काजे छाचलीन-छाचलीन कोयो कि मुसा तुमु काजे चे रुटा सोरगोमा गोथू नि आप्यू, बाकीन मारू बास तुमुक खोरलू रुटू सोरगोमा गोथू आपतलु छे.

योहान 6:47

मी तुमु काजे छाचलीन-छाचलीन कोयो कि जू कुदू भुरसू कोरतेलू छे, ओमोर जीवन तेरोत छे.

योहान 6:53

येसु तीनु काजे कोयू, “मे तुमु काजे छाचलीन-छाचलीन कोयो कि जेतार तोक तुमु माणसोन पुऱ्यान मास नि खाय, एने तेरो लुय नि पिये, तुमरेमा जीवन नि.”

योहान 8:34

येसु तीनु काजे जोवाब आप्यू, “मे तुमु काजे छाचलीन-छाचलीन कोयो कि यु कुदू पाप कोरतेलू चू पापोन गुलाम छे.”

योहान 8:51

मी तुमु काजे छाचलीन-छाचलीन कोय कि “ओगर कुदू माणूस मारा वचनोपोर चालतलु, ती चू ओमोर काव तोक मोत नि देखे.”

योहान 8:58

येसु तीनु काजे कोयू, “मी तुमु काजे छाचलीन-छाचलीन कोयो, कि अब्राहामन पेहेले, मी छे.”

प्रेषित 10:11

एने चू देख्यू, कि सोरग उगळी गोयो; एने एक ठाहरु मोटला चादरान सारखो चारा खुनासी लोटकी रोयो, धोरती भूनी उतरणे बाज रोयो.

प्रेषित 7:56

कोयू, “देखू मी सोरग काजे उगाळलो एने माणसोन पुऱ्या काजे परमेश्वरोन जेवळे धोळे उबरोया देखणे बाज रोयू.”

2 थिस्सलुनीकियो 1:7

एने तुमु जे तोकलीत झेलतला, आमरे पुठी आराम आपे; तिने टेमे जेतार कि प्रभू येसु आपना ताकत वावा दूतो साते हुळू-हुळू धापतला आगठामा सोरगोमा गोथू प्रकट होयसे,

2 थिस्सलुनीकियो 1:9

चे प्रभून अगोव गोथा एने तेरी ताकतोन तेरा जोस सी नांबे होईन ओमोरकाईन विनाशोन दोंड जोळसे.

1 तीमथी 3:16

इनुमा शंका नी होय कि भोक्तीन फरक गंभीर छे, मतलब होयो जे डीलोमा प्रगट होयलो, आत्मामा धोरमी ठेरायू, सोरग दूत काजे देखायतू दिसरा जातीमा हेरा प्रचार होयलू, जोगोमा हेरे पोर भुरसू कोरलु होतु, एने महिमामा उपर चुटायलु होतु.

इब्रानियो 1:14

काय चे आखान सेवा चाकरी कोरणे वावी आत्मा नि होय? जे छुटकारू लेनेवावान कोरता सेवा कोरणेन कोरता मुकलाय गोयला छे.

यहुदा 1:14

हनोख बी जो आदोम सी सातवी पीडी मा होतु, इंदरा बारामा यी भविष्यवाणी कोऱ्यु, “देखू, प्रभू आपना लाखो चुखला साते आयु,

प्रकाशित वाक्य 19:11

पोछु मे सोरगोन राज उगाडलु देख्यू, एने देख्यू कि एक धोव्वु घुल्लु छे; एने तिना पोर एने तेरे पोर बोस रोयलू छे, जू भुरसान लायक एने खोरलू कोवायतलु छे एने चू धोरमोन पुठी नियाव एने लोळायी कोरतेलू छे.

प्रकाशित वाक्य 4:1

इनी वातोन ओवतेन जेतार मे नोजोर नाख्यू ती काय देख्यू कि सोरगोमा एक झोपलू उगेडलु छे, एने जीनाक मे पेहेला फेपाऱ्यान बुल सी आपने पुठी वात कोरतेलू सोमवलू होतु, चू कोये, “न्या उपोर आव लाग; एने मे चे वाते तुसेक देखाळीस, जेरो इनी वातोन ओवतेन पुरो होयनो जोरुरी छे.”