योहान 1:19 - बारेली पावरी

¹⁹ योहानोन गोवायी जी छे, कि जेतार यहुदि अगवा यरुशलेम गोथा पुजारू एने लेवीणूक यो पुछनेन कोरता मूकल्यु, “तू कून छे?”

योहान 1:19 ပူးပေါင်းရင်းမြစ်များ

योहान 1:7

चू गोवायी आपने आव्यु कि विजावान गोवायी आपे, काहाकि आखा तेरे लारे भुरसू लावे.

योहान 10:24

तेत्यार यहुदि माणसे आवीन घेरवी लेदा एने पुछ्या, “तू आमरा मोनो काजे कोत्यार तोक शंकामा राखीस? ओगर तू मसिह छे ती साफ कोय दे.”

योहान 10:31

यहुदि तीना पोर दोगळा देनेन कोरता पोछा दोगळा चुट्या.

योहान 11:19

घोणा सोवटा यहुदि मार्था एने मरीयमन साते तेरा भाशोन मोरनो पोर शांती आपनेन कोरता आवला होता.

योहान 2:18

इनापोरसी यहुदि अगवा तीना काजे कोया, “तू जो यो कोयतलू छे ती आमुक काहनलो चमत्कार देखाळतलु छे?”

योहान 2:20

यहुदि अगवा कोया, “इना मंदीर काजे बोनावनेमा चावीस ने छोव साल लागला छे, एने काय तू इनाक तीन दाहळामा उभो कोर दिस?”

योहान 5:10

चू हाप्तान पेहलू दाहळू होतु इनान कोरता यहुदि तीनाक जू वारू होयलु होतु, कोये बाज गोया, “आज ते शब्बाथोन दाहळू छे, तुसेक खाटलो हुचलने वारू नि होय.”

योहान 5:15

चू माणूस जायीन यहुदि काजे जायीन कोय देदु कि यु मेसेक वारू कोरलु छे यु येसु छे.

योहान 5:16

इनान वोजेसी यहुदि येसु काजे तोकलीत देणे बाज गोया, काहाकि चू ओसला काम शब्बाथोन दाहळे कोरतू होतु.

योहान 5:18

इनापोरसी यहुदि ओवी बी जादा तीनाक मार नाखनेन कोशिश कोरणे बाज गोया, काहाकि चू शब्बाथोन दाहळान नियम काजे ओतरु नि तुडतेलु, बाकीन परमेश्वर काजे आपनु बास कोयीन आपना खुदो काजे परमेश्वर बोराबोर कोयतु होतु.

योहान 6:41

इनान कोरता यहुदि तीना पोर कुरकुर कोरणे बाज गोया, काहाकि चू कोयलु होतु, “यु रुटू सोरगे गोथू उतऱ्यु चू मेत छे.”

योहान 6:52

इनापोरसी यहुदि यो कोयीन आपोसमा लोळायने बाज गोया, “यु माणूस कोसू आमुक आपनो मास खाणे आप सोकतलु छे?”

योहान 7:1

इनी वातोन ओवतेन येसु गलीलमा फिरतू रोयू; काहाकि यहुदि तीनाक मार नाखनेन कोरता होता, इनान कोरता चू यहुदियामा फिरनेन नि कोरतू होतु.

योहान 7:11

यहुदि तीहीवारोमा तीनाक यो कोयीन हेरने बाज गोया, “चू का छे?”

योहान 7:15

तेत्यार यहुदिया नोवलायी कोरता जायीन कोया, “इनाक बिना भोननेन ग्यान कां गोथो आव लाग्यो?”

योहान 8:22

इनापोरसी यहुदि माणसे कोया, “काय चू खुदो काजे मार नाखसे, जू कोयतलू, ‘जा मे जाणे बाज रोयू चा तुमु नी आव सोकतला?’”

योहान 8:48

यो सोमवीन यहुदि तीना काजे कोया, “काय आमु वारलो नि कोरतेला कि तू सामरी छे, एने तारेमा भुंडली आत्मा छे?”

योहान 8:52

यहुदि तीना काजे कोया, “हिमी जान लेदा कि तारेमा भुंडली आत्मा छे अब्राहाम मोर गोयू, एने भविष्य कोरता बी मोर गोयला छे; एने तू कोयतलू, ओगर कुदु मारा वचन पोर चालतलु चू मोतन सोवाद नि चाखे.”

योहान 8:57

यहुदि तीना काजे कोया, “हिमी तोक तू पोचास सालोन नि होयू, तीबी तू अब्राहाम काजे देख रोयू?”

प्रेषित 13:25

जेतार योहान आपनो काम पुरो कोरणे पोर होतु ती चू कोय रोयू होतु, तुमु मेसेक काय सोमजी रोया? मे चू नि होय बाकीन देखू मारे पोछोव एक आवने वावू छे तेरा पायोन खासळान बोंद बी छुळनेन मारी लायकी नि होय.

प्रेषित 19:4

पौलुस कोयू, “योहान यो कोयीन मोन फिरावनेन बाप्तिस्मा आप्यू कि जू मारे बादमा आवने वावू छे, तीना पोर मतलब येसु पोर भुरसू कोरजू.”

1 योहान 1:5

जी वारली खोबर आमु तीना जुव गोथा सोमव्या एने तुमु काजे सोमवाळ रोया, चो यो छे कि परमेश्वर विजावो छे एने तेरे सामने आंदारलो नि होय.