योहान 1:18 - बारेली पावरी

¹⁸ परमेश्वर काजे कुदुबी कबी नि देख्यो, एखलुत पुऱ्यु जू बासोन खुवामा छे चू तीनाक सामने लाव्यू.

योहान 1:18 ပူးပေါင်းရင်းမြစ်များ

मत्ती 11:27

“मारू बास मेसेक आखो काहीन सोप देदलु छे; एने कुदू बासो काजे नी उवखतलु, निस्तु; पुऱ्या काजे; एने चू जीना पोर पुऱ्यु तीनाक देखाळने हिंडे.”

लुका 10:22

मारू बास मेसेक आखो काहीन आप देदलु छे; एने कुदु नि जानतलो कि पुऱ्यु कुन छे निस्तू बास, एने बास कुन छे ज्योबी कुदू नी जानतला निसतो पुऱ्यान तोरोफसी चू जीना पोर पुऱ्यु तीनाक प्रकट कोरतेलू.

योहान 1:14

एने वचन देहधारी होयो; एने दया एने खोरलायसी पुरो होईन आमरे इचमा वस्ती कोऱ्यु, एने आमु तेरी ओसी महिमा काजे देख्या, जोसो बासोन एखला जून महिमा.

योहान 12:41

यशयाह ये वाते इनान कोरता कोयलु कि चू तेरी महिमा देखलू, एने चू तेरा बारामा वाते कोऱ्यु.

योहान 13:23

तेरा चेला माहीन एक जिना पोर येसु मोंग कोरतु होतु, येसुन छाती भूनी वाकू वोवीन बोस रोयू होतु.

योहान 14:9

येसु तिना काजे कोयू, “हे फिलीप, मे ओतरा दाहळासी तुमरे साते छे, एने काय तू मेसेक नि उवेखतू? जू मेसेक देखलू छे चू बासो काजे देखलू छे. तू काहा कोये कि बासो काजे मेसेक देखाळ?

योहान 17:26

“मी तारो नाव तीनु काजे कोयू एने कोयतू रोयीस जो मोंग तुसेक मार पोर होतो चो तिंदरेमा रोये, एने मे तिंदरेमा रोयो.”

योहान 17:6

“मे तारो नाव तीना माणसो पोर प्रगट कोरलु छे जीनाक तू जोगोमा गोथू मेसेक आपलु छे चे तारा होता एने तू मेसेक आप्यू, एने चे तारा वचन काजे मान लेदला छे.”

योहान 3:11

मी तुसेक छाचलीन कोयो कि आमु जानतला छे चोत कोयतेला एने जिनाक आमु देखला छे तेरी गोवायी आपला, एने तुमु आमरी गोवायी मानतला नी.

योहान 6:46

यो नि कि कुदु बासो काजे देखलो छे बाकीन यो परमेश्वर जुव गोथो छे, निसतू चू बासो काजे देखलू छे.

2 कुरीन्थियो 4:4

एने तीनु अविस्वासन कोरता जिंदरी बुद्धी इना संसारोन भोगवान आंदवी कोर देदलु छे, काहाकि मसिह जू परमेश्वरोन प्रतिरूप छे, तेरे विजावान वारली खोबरोन विजावो तीनु पोर चोमके.

कुलुस्सि 1:15

चू ते नि देखाये ओसलु परमेश्वरोन प्रतिरूप एने आखा जोगोमा पेहेलू छे.

1 तीमथी 1:17

हिमी कायमोन राजा मतलब अविनाशी, नी देखतला चे, एक मात्र परमेश्वरोन आदर एने महिमा पिढ्यान पिढ्या होयती रोये. आमेन.

1 तीमथी 6:16

एने ओमोरकाई निसतो तेरो छे एने चू लेके विजावामा रोयतलु छे, एने नि तीनाक काहनलु माणूस नि देख्यू एने नी कोदि देख सके, हेरी महिमा एने राज्य हमेशा रोयसे. आमेन.

1 योहान 4:12

बाकीन परमेश्वर काजे, कोबी कुदू नि देख्यो अगर आमु आपनेन इचमा मोंग कोरती, ती परमेश्वर आपनेमा रोयतलु एने तेरो मोंग आमरेमा सिद्ध होय गोयलो छे.

1 योहान 4:20

कोबी कुदू कोये, “मे परमेश्वर पोर मोंग कोरतेलू छे,” एने आपना भाशो पोर दुष्मोनी राखतला कि चू झुटू छे, काहाकि चू आपना भाश पुठी जिनाक चू देखलू छे मोंग नि कोरतेलू, ती चू परमेश्वर पोर बी जीनाक चू नि देख्यू नि कोर सोकतलु.

1 योहान 4:9

जो मोंग परमेश्वर आमरेपोर कोरलु छे, जो इनामा प्रकट होयो कि परमेश्वर तेरा एकुत पुऱ्या काजे जोगोमा मुकल्या, कि आमु तेरे लारे जीवन हासील कोरजे.

1 योहान 5:20

एने यो बी जाणेजे, परमेश्वरोन पुऱ्यु आव रोयू एने चू आमुक सोमज आपलु छे, हिमी तिनी खोराइ काजे जानजे, एने आमु तीना माइली जी खोराइ छे, मतलब परमेश्वरोन पुऱ्यु येसु मसिहमा रोयतला. खोरलू परमेश्वर ओमोरकाईन जीवाय यित छे.