याकुब 3:2 - बारेली पावरी

² कोरीन कि आमु आखा लेके कावा चूक जातला छे; जू कुदू वचनमा नी चुकतलु चू ते तीयार माणूस छे एने आखा डील पोर भी लगाम लागाळ सोकतलु छे.

याकुब 3:2 ပူးပေါင်းရင်းမြစ်များ

मत्ती 12:34

“हे घोळसान पीला, तुमु भुंडला होयीन बी कोसा वारलो वाते कोय सोकतला? काहाकि जो मोनोमा भोरलो छे, चोत मुयोमा आव लागतेलो.”

मत्ती 12:37

काहाकि तू आपनी वातोन वोजेसी निरदोष एने आपनी वातोन वोजेसीच गुणावू ठेराय जाश.

रोमी 3:10

भविष्य कोरतान लारे ओसो लिखलो छे, “कुदू धोरमी नी होय, एक बी नी होय.”

रोमी 7:21

इना रितीसी मे यो शास्त्रनियम मानो कि जेतार भोलाई कोरनेन मोर्जी कोरतेलू ती बुराई मारेंचा आवतेली छे.

1 कुरीन्थियो 9:27

बाकीन मे आपना डीलो काजे देतलु कुटतलु एने ताबामा लावतलु छे, ओसो नी होये कि दिसरा काजे प्रचार कोरीन मे खुद कानला रितीसी रिकामु ठेरायो.

गलातियों 3:22

बाकीन पवित्र शास्त्रामा आखा काजे पापोन ताबामा कोर देदु, काहाकि चू वायदान आधार येसु मसिह पोर भुरसू कोरनो छे, भुरसू कोरणे वावान कोरता पुरो होय जाय.

गलातियों 5:17

काहाकि डील आत्मान खिलापमा एने आत्मा डीलोन खिलापमा मोर्जी कोरतेला जे एक दिसरान खिलाप छे, इनान कोरता कि तुमु जो कोरनेन कोरतेला चो नी कोर सोकतला.

कुलुस्सि 1:28

जेरी वारली खोबर कोरीन आमु होसात माणसोक जोताळतला कि आमु हर एक माणसो काजे मसिहमा पाको कोरीन उबराखो.

कुलुस्सि 4:12

इपफ्रास जे तुमरेमा गोथा छे एने मसिह येसुन दास छे, तुमुक नमस्कार कोये एने हमेशा प्रार्थनामा कोशिश कोरतेला छे, काहाकि तुमु पाका होयीन पुरा भुरसा साते परमेश्वरोन मोर्जी पोर पाका रोयू.

इब्रानियो 13:21

तुमरा आखा वारला गुणोसी पुरो कोरे, जीनासी तुमु तेरी मोर्जी पुरी कोरु, एने जो काहीन तेरी नोजोरमा मोंगावू छे चू येसु मसिहन लारे आमरे महाय पुरा कोरे, तेरीत महिमा कायम होयती रोये. आमेन.

याकुब 1:26

ओगर कुदु खुदो काजे भक्त सोमजे एने आपनी जीब काजे लोगाम नि देये पुन आपनी मोन काजे धोकु देय, ती तेरी आराधना वायबार छे.

याकुब 1:4

पुन धीर काजे आपनो काम कोरणे देयू कि तुमु पुरा एने तीयार होय जाये, एने तुमरेमा कहानला वातोमा कोमी नि रोये.

याकुब 2:10

काहाकि जो कुदू पुरी नियमोन आग्या मानतेलू छे बाकीन एकुत वातोमा चूक जासे ती चू आखी वातोमा गुणावू कोवाय गोयलु छे.

1 पतरस 3:10

काहाकि जू कुदु जीवनोन आस राखतलु छे, एने वारला दाहळा देखनेन मोर्जी छे, चू आपनी जीब काजे भुंडली वातोसी, एने आपना हुठो काजे तोकलीतोन वाते कोरनेसी रुक रोये.

1 पतरस 5:10

तुमु इतरीक वार तोकलीत झेलीन आखो दयान परमेश्वर छे, जू तुमु काजे येसु मसिहमा तेरी ओमोरकाईन महिमान कोरता बुलावलु, चू खुद तुमु काजे सिद्ध, पाक्का ताकत वावा एने स्थिर कोरसे.