9 सोयावू भाश आपना मोटला पोद पोर मोटाय कोरे,
दुख कोरणे वावान सारखो छे, बाकीन दाहळीन खुशी कोरतेला छे; भिकारी सारका छे, बाकीन जादा जोना काजे मालदार बोनाव देतला छे; ओसला छे जोसा आमरे पुठी काय नी होय ते बी आखो काय राखतला छे.
‘मे तारा दुख एने गोरीबी काजे जानतलु छे (बाकीन तू धोन वावू छे,) एने जे माणसे आपना खुदो काजे यहुदि कोयतेला छे एने होय नी, बाकीन भुतडान मीटिंग छे, तिंदरे बुराई काजे बी जानतलु छे.’”
चू अधिपती काजे तिंदरा राज गादीपोर गोथू पाळ देदू; एने गोरीबो काजे उचा कोऱ्यु
निशाणी भूनी जाया कोरो काहाकि चो इनाम लेये जिनान कोरता परमेश्वर मेसे काजे मसिह येसुमा उपोर बुलावलो छे.
काहाकि सुंता वावा ते आमुत छे जी परमेश्वरोन आत्मान ओगवाईसी आराधना कोरतेला, एने मसिह येसु पोर मोटाय कोरतेला छे, एने डीलोपोर भुरसू नी कोरतेला.
एने अगर पुऱ्या छे ती वारीस बी, बाकीन परमेश्वरोन वारीस एने येसु मसिह साते वारीस छे कि जेतार आमु तेरे साते दुख उठावे ती तेरे साते महिमा बी जोळे.
ते बी इनापोरसी खुश मा होयू कि भुंडली आत्मा तुमरा ताबामा छे, बाकीन इनापोरसी खुश होयू कि तुमरो नाव सोरगोमा लिखलो छे.
एने तीनु काजे कोयू, “जू कुदू मारे नावोसी ओसला पुऱ्या काजे स्वीकार कोरतेलू चू मेसेक स्वीकार कोरतेलु; एने जू कुदू मेसेक स्वीकार कोरतेलु, चू मेसेक मुकोलने वावान स्वीकार कोरतेलु, काहाकि जू तुमरेमा आखान नानामा गोथू नानू छे, चू मोटलु छे.”
पुन तुमु एक खास पिढ्या, एने राज-पदधारी पुजारान सोमाज, एने चुखला माणसे एने परमेश्वरोन नेवाळली माणसे होयसे, एरेन कोरता कि जू तुमु काजे आंदारामा गोथू तेरा अदभूत विजावामा बुलावलु छे, तेरा गुणे ओगोव कोरु.
काहाकि जू कुदू खुदो काजे मोटू बोनावसे, चु नाणू कोराय जासे; एने जु कुदू खुदो काजे नाणू बोनावसे, चु मोटू कोराय जासे.”
