याकुब 1:2 - बारेली पावरी

² हे मारा भाशो, जेतार तुमु भातीन प्रकारोन परीक्षामा पोळतेला, तेतार तीनाक आखा खुशीन वात सोमजू.

याकुब 1:2 ပူးပေါင်းရင်းမြစ်များ

प्रेषित 5:41

चे इनी वातो पोर खुश होईन महासभा ओगोव गोथा जात रोया, कि आमु तेरे नाव कोरता अपमान होयनेन ते ठेहेऱ्या.

रोमी 5:3

निस्तु योत नी, बाकीन आमु तोकलीतमा भी मोटाय कोरु यो सोमजीन कि तोकलीतसी धीर,

फिलिप्पि 1:29

काहाकि मसिहन वजेसी तुमरे पोर यो गिन होयी कि नी तीनु पोर जो भुरसू कोरे बाकीन तिंदरेन कोरता दुख भी उठाव्यू.

फिलिप्पि 2:17

अगर मेसे काजे तुमरो भुरसान बलिदान एने सेवा साते मारो लुय बी वोयाळनो पोळे ते बी मे खुशीमा छे एने तुमरे आखान साते खुशी कोरो.

फिलिप्पि 2:18

तोसात तुमु बी खुशीमा रोयू एने मारे साते खुशी कोरु.

कुलुस्सि 1:24

हिमी मे तीना दुखोन लारे खुशी कोरो कि जो तुमरेन कोरीन उठाळतेलु एने मसिहन दुखोन कोमी तेरा डीलोन कोरता, मतलब मंडवीन कोरता आपना डीलोमा पुरो कोरतेलु.

इब्रानियो 10:34

काहाकि तुमु बंदी इंदरे साते मोंग देखाळ्या एने आपनी मालमत्ता काजे कोबजामा कोर लेनेन यो सोमजीन खुद कोबूल कोऱ्या कि तुमरे जुव ओवी बी ज्यादा खुशी कोर लेनेन यो सोमजीन खुद कोबूल कोऱ्या कि तुमरे जुव एने बी जादा वारली एने टीकनेवावी संपत्ती छे.

याकुब 1:12

सोयावू छे जू माणूस जू पारखमा वातळू रोयतलु छे, काहाकि चू छाचलीन निकवीन जीवनोन होयू मुकुट जोळ जासे जेरी वायदू परमेश्वर एने आपना मोंग कोरने वावा साते कोरलु छे.

याकुब 1:16

हे मारा मोंगावू भाशो, धोकू मा खावू.

याकुब 1:19

हे मारा मोंगावा भाशो, जी वात तुमु जान लेवू होर एक माणूस सोमवनेन कोरता साटू एने बुलनेमा धीर एने रीसमा धीरूस होये.

याकुब 5:11

देखू आपु धीर धोरणेन वावा काजे सोयावा कोयतेला छे तुमु अय्युब धीरोन बारामा ते सोमवला छे, एने प्रभूनचा गोथो जू तेरो प्रतीफोव होयलो तिनाक भी जान लेदला छे, तेरेसी मसिहन घोन मोटी दोया एने मोंग प्रकट होयली छे.

2 पतरस 2:9

तीबी भक्त काजे पारोखमा गोथू वाचाड लेणे एने अधोरमी काजे नियावोन दाहळे तोक दोंडोन हालोतमा राखणे बी जानतलु छे.

प्रकाशित वाक्य 2:10

जे दुख तुसेक झेलणो पोळसे, तीनु काजे मा बिहे काहाकि देखू, भुतडू तुमरेमा गोथू काहनास काजे जेल खाणामा घालणेमा छे, काहाकि तुमु पारखाय जावू एने तुमु काजे दोस दाहळा तोक दुख झेलणो पोळसे जीव आपता तोक विश्वासी रोयजी, ती मे तुसेक जीवनोन मुकुट आपीस.