इफिसीयो 6:6 - बारेली पावरी

⁶ माणसो काजे खुश कोरणे वावा सारखो चाकरी नी कोरीन पुन मसिहन दास सारका मोनसी परमेश्वरोन मोर्जी पोर चालू.

इफिसीयो 6:6 ပူးပေါင်းရင်းမြစ်များ

मत्ती 12:50

काहाकि जो कुदु मारा सोरगोन बासोन मोर्जी पोर चाले, चेत मारा भाशे एने बहोनिशा, एने मारी आया छे.”

मत्ती 7:21

“जे मेसेक, हे प्रभू! हे प्रभू! कोयतेला तिंदरे माहीन होर एक जोन सोरगोन राजोमा नी जाय, बाकीन चेत जे मारा सोरगोन बासोन मोर्जी पोर चालतला,

मरकुस 3:35

काहाकि जू कुदू परमेश्वरोन मोर्जीसी चालतलु, चू मारू भाश एने बहोनिश एने आश छे.”

रोमी 6:17

बाकीन परमेश्वरोन धन्यवाद होये कि तुमु जे पापोन गुलाम होता हिमी मोनोसी तीना प्रचार मानने वावा होय गोया जिनान विचारोमा चाल रोया होता.

1 कुरीन्थियो 7:22

काहाकि जू दासोन हालोतमा प्रभूमा बुलावलु गोयलु छे, चू प्रभून स्वातंत्र कोरलु छे तोसुच जू मोकवायीन हालतमा बुलावलु गोयलु छे, चू मसिहन दास छे.

गलातियों 1:10

हिमी मे काय माणसोक मोनावतलु नीती परमेश्वर काजे? काय मे माणसो काजे खुश कोरणेन मारी मोर्जी छे? ओगर मे हिमी तोक माणसो काजे खुश कोरतू रोयतू ती मसिहन दास नी रोयतू.

इफिसीयो 5:17

इनान वोजेसी बिन ओकल्या मा होयू पुन ध्यानसी सोमजू कि प्रभून मोर्जी काय छे.

फिलिप्पि 2:12

इनान कोरता हे मोंगावा जिना रितीसी तुमु हमेशा आग्या मानता आवला छे तोसोत हिमी बी निस्तु मारे साते रोयता जायीन नि बाकीन खास कोरीन हिमी मारे नांबे रोयनेसी बी बिहीता एने कापता जायीन आपना-आपना छुटकारान काम पुरा कोरता जावू.

कुलुस्सि 1:9

इनान कोरता जिने दाहळे गोथू यो सोमवलू छे, आमु बी तुमरेन कोरता जी प्रार्थना एने विनता कोरणे नि छुळ्या ती तुमु आखा आत्मिक ग्यान एने सोमोज साते परमेश्वरोन मोर्जीन उवखानमा पुरो होय जाय.

कुलुस्सि 4:12

इपफ्रास जे तुमरेमा गोथा छे एने मसिह येसुन दास छे, तुमुक नमस्कार कोये एने हमेशा प्रार्थनामा कोशिश कोरतेला छे, काहाकि तुमु पाका होयीन पुरा भुरसा साते परमेश्वरोन मोर्जी पोर पाका रोयू.

1 थिस्सलुनीकियो 2:4

बाकीन जोसू परमेश्वर आमुक खोरलो ठेरावीन वारली खोबर सोप्यू, आमु तोसोच वर्णन कोरतेला, एने इनाम माणसो काजे नी, बाकीन जो परमेश्वर काजे जो आमरा मोनो काजे पारखतलो खुश कोरतेला.

1 थिस्सलुनीकियो 4:3

काहाकि परमेश्वरोन मोर्जी जी छे, कि तुमु चुखला बोनु, मतलब व्यभिचारसी वाचीन रोयू.

इब्रानियो 10:36

काहाकि तुमु काजे धीर धोरणो गोरोजोन छे, कि तुमु परमेश्वरोन मोर्जी पुरो कोरीन इनी वायदान फोव काजे ली लेय.

इब्रानियो 13:21

तुमरा आखा वारला गुणोसी पुरो कोरे, जीनासी तुमु तेरी मोर्जी पुरी कोरु, एने जो काहीन तेरी नोजोरमा मोंगावू छे चू येसु मसिहन लारे आमरे महाय पुरा कोरे, तेरीत महिमा कायम होयती रोये. आमेन.

1 पतरस 2:15

काहाकि परमेश्वरोन मोर्जी जी छे कि तुमु वारलो काम कोरनेन लारे जिनाक बुद्धी नि होय, ओसला माणसे अनपडोन वाते बोंद कोर देयू.

1 पतरस 4:2

तेरेन कोरता भविष्यमा आपना रोयला डीलोन जीवन माणसोन भुंडली मोर्जीन अनसारे नि बाकीन परमेश्वरोन मोर्जीन अनसारे जीवे.

1 योहान 2:17

जोग एने हिंदरी भुंडली मोर्जी दुयू नाश होय जातला छे पुन जू परमेश्वरोन मोर्जी पोर चालतलु छे, चू हमेशा बोनी रोयसे.