इफिसीयो 6:5 - बारेली पावरी

⁵ हे दास, जे माणसे इना जोगोमा मे तुमरा मालक्या छे, आपना खोरला मोनोसी बिहता एने कापता जायीन जोसा मसिहन तोसाच तिंदराबी आग्या माणू.

इफिसीयो 6:5 ပူးပေါင်းရင်းမြစ်များ

मत्ती 6:22

डीलोन दिवू डूवू छे इनान कोरता ओगर तारू डूवू चुखलु छे, ती तारो आखो डील बी विजावो रोयसे.

मत्ती 6:24

“काहनलु माणूस दुय मालक्यान सेवा नि कोर सोकतलु, काहाकि चू एक पोर दुष्मोनी एने दिसरा पोर मोंग कोरसे, नि ती एक पुठी साते रोयसे एने दिसरा काजे विटेवलु माणसे तुमु परमेश्वरोन एने धोन दुयोन सेवा नी कोर सोकतला”.

मत्ती 8:9

काहाकि मे बी अधिकारीन माणूस छे, एने सिपायळा मारा ताबामा छे, जेतार मे एक काजे कोयतेला ‘जा’ ती चू जातलू; एने दिसरा काजे ‘आव’ ती चू आवतेलु; एने जेतार आपना पावोर काजे कोयतेला, ‘यो कोर,’ ती चू कोरतेलू.”

प्रेषित 2:46

चे एक मोन लागाळीन दाहळीन मंदीरमा जाता होता एने घोर-घोर सूट खाता जायन खुशी एने मोनोसी एखठा खाणो भांगीन खाता रोयता होता.

रोमी 9:3

काहाकि मेसेक न्या तोक ओसो लागे कि आपना भाशोन कोरीन शरीरोन रुपसी मारा परिवार छे, खुद मसिहन शापित होय जाता.

1 कुरीन्थियो 2:3

मे बिना ताकतोन एने बिक साते, एने जादा थुर-थुर कापतू जायीन तुमरे साते रोयु.

1 कुरीन्थियो 7:22

काहाकि जू दासोन हालोतमा प्रभूमा बुलावलु गोयलु छे, चू प्रभून स्वातंत्र कोरलु छे तोसुच जू मोकवायीन हालतमा बुलावलु गोयलु छे, चू मसिहन दास छे.

2 कुरीन्थियो 1:12

काहाकि आमु आमरा दिमाकोन इनी गोवायी पोर घोमंड कोरतेला छे, कि जोगोमा एने खास कोरीन तुमरे इचमा आमरो जीवन परमेश्वरोन लायक ओसलो पवित्र एने खोराइ साते होतो, जो डीलोन ग्यानसी नि बाकीन परमेश्वरोन दया साते होतो.

2 कुरीन्थियो 7:15

जेतार तुमु काजे आखा आग्याकारी होयनेन फोम आवतेली ती कोसा तुमु बिहीता एने कापता जाईन तेरी भेट लेदा, ती तुमरो मोंग तुमरे तोरोफसी ओवी बी बोढतो जातलो छे,

इफिसीयो 5:22

हे बायर आपना ओदमीन ओसा अधीन रोयू जोसा प्रभून.

इफिसीयो 6:24

जे आपना प्रभू येसु मसिह पुठी खोरलो मोंग कोरतेला, तिंदरो आखापोर दया होयती रोये.

फिलिप्पि 2:12

इनान कोरता हे मोंगावा जिना रितीसी तुमु हमेशा आग्या मानता आवला छे तोसोत हिमी बी निस्तु मारे साते रोयता जायीन नि बाकीन खास कोरीन हिमी मारे नांबे रोयनेसी बी बिहीता एने कापता जायीन आपना-आपना छुटकारान काम पुरा कोरता जावू.

फिलेमोन 1:16

बाकीन हिमी गोथू दासोन तोसु नी बाकीन दास गोथू बी वारला, मतलब भाशो सारखू रोये, जू डीलोमा बी एने प्रभूमा बी मारू खास मोंगावू होये.

1 पतरस 3:2

तीबी तुमरी बिक साते चुखला चाल चलन काजे देखीन बिगुर वचनोन आपनी-आपनी बायरोन चाल-चलनोन लारे हापकाय जासे.