इफिसीयो 6:19 - बारेली पावरी

¹⁹ एने मारेन कोरता बी मेसेक बुलनेन टेम ओसला प्रबळ वचन आपाय जाय कि साहसोन साथ वारली खोबरोन भेद देखाळ सोकू.

इफिसीयो 6:19 ပူးပေါင်းရင်းမြစ်များ

प्रेषित 13:46

तेत्यार पौलुस एने बरनाबास हिंमतसी कोया, “यो होयनोत होतो कि परमेश्वरोन वचन पेहेले तुमु काजे सोमवाळ देता बाकीन इनान कोरता कि तुमु तेरी नि सोमवतला एने आपना खुदो काजे ओमोर जीवनोन जाणेन लायकी नी कोरतेला ती आमु दिसरा देसोमा जाता होता.”

प्रेषित 14:3

इनान कोरता चे चा घोणा सोवटा दाहळा तोक रोया एने प्रभू तिंदरे हातोसी मोटला काम कोरीन आपना दयान वचनोन गोवायी आपता रोया.

प्रेषित 18:26

चू प्रार्थना घोरोमा हिंमतसी बुलने बाज गोयू बाकीन प्रीस्कील्ला एने अक्कविल्ला तेरी वाते सोमवीन तीनाक आपनेनचा ली गोयली, परमेश्वरोन वाट तीनुक बी वारला रितीसी देखाळ्यू.

प्रेषित 19:8

चे प्रार्थना घोरोमा जायीन तिन मोहना तोक नी बिहीन बुलतू रोयू, एने परमेश्वरोन राज्यान बारामा विवाद कोरतू एने सोमजाडतू रोयु.

प्रेषित 2:4

आखा पवित्र आत्मासी भोराय गोया एने, जिना रितीसी आत्मा तीनु काजे बुलावनेन ताकत आप्यू ओलोग-ओलोग भाषामा भूलणे बाज गोया.

प्रेषित 28:31

पुन चू काहना रूकावट हिंमत कोरीन परमेश्वरोन राजोन वारली खोबर प्रचार कोरतु जायन एने प्रभू येसु मसिहन बारामा सीखाळतलु होतु.

प्रेषित 4:13

जेतार चे पतरस एने योहानोन हिंमत देख्या एने यो सोमज्या कि जे आशीर्वादीत एने साधा माणसे छे ती चे नोवलाय कोऱ्या एने सोमजी गोया कि जे येसुन साते रोयला छे.

प्रेषित 4:29

हिमी हे प्रभू तिंदरी धोमकी काजे देख; एने आपना दासो काजे यो वरदान आप कि तारो वचन बोढे, हिंमतसी सोमवाळे.

प्रेषित 4:31

जेतार चे प्रार्थना कोर लेदा, ती तिने जागे जां चे एखठा होता हाल गोया एने चे आखा पवित्र आत्मासी भोराय गोया एने परमेश्वरोन वचन मन लागाळीन सोमवता गोया.

प्रेषित 9:27

बाकीन बरनाबास तीनाक आपने पुठी प्रेषितोन चा लीजायीन तीनुक कोयु कि यु काहनास रितीसी वाटे प्रभू काजे देख्यू एने चू इना पुठी वाते कोऱ्यु, एने यो कि दमिश्कमा चू कोसू हिंमतसी येसुन प्रचार कोऱ्यु.

प्रेषित 9:29

एने युनानी भाषा यहुदि पुठी वात एने जोखळी पोळतू होतु बाकीन चे तेरी हत्या करनेन कोशिश कोरणे बाज गोया.

रोमी 15:30

हे भाशो आमरू प्रभू येसु मसिह पवित्र आत्मान मोंगोन फोम देवाळीन मे तुमु काजे विनता कोरो कि मारेन कोरता परमेश्वरोनचा प्रार्थना कोरणेमा मारे साते मेवीन लागला रोयू.

रोमी 16:25

हिमी जो तुमु काजे मारी वारली खोबर मतलब येसु मसिहन सोंदेसोन प्रचार अनसारे पाको कोरतू रोयतलु छे, तिना भेदोन विजावान अनसारे जो ओमोरकाईसी डूकाय रोयो,

1 कुरीन्थियो 1:5

कि हीनामा होयीन तुमु होर एक वातोमा, मतलब आखा वचन एने आखा ग्यानमा धोनवावा कोराय गोया.

1 कुरीन्थियो 2:7

बाकीन आमु परमेश्वरोन चो डूकायला वावोत ग्यान, भेदन रिती पोर कोयतेला छे, जीनाक परमेश्वर कायम सी आमरी महिमान कोरता ठेराव्यू.

1 कुरीन्थियो 4:1

माणसे आमुक मसिहन चेला एने परमेश्वरोन भेदोन भंडारी सोमज्या.

2 कुरीन्थियो 1:11

तुमु बी मेवायीन प्रार्थनान लारे आमरी मदत कोरसु कि जो वरदान जादा जोनान लारे आमुक जोळ्यो, तिनान वोजेसी जादा माणसे आमरे भूनी गोथा धन्यवाद कोरे.

2 कुरीन्थियो 3:12

इनान कोरता ओसी आस राखीन आमु हिंमतसी कोयतेला एने मुसा सारखु नी जू आपना मुयो पोर पोरदु मेक लेदलु काहाकि इस्राईल तिनी घोळनेवावी विजावा भूनी कुदू नी देखे.

2 कुरीन्थियो 6:11

हे कुरीन्थ, आमु उगाळीन तारे पुठी वात कोरला छे, आमरो मोन तुमरे भूनी उगाळलो छे.

2 कुरीन्थियो 7:4

मे तुमु काजे जुदु हिंमतसी कोय रोयू, मेसे काजे तुमरे पोर जुदो घोमंड छे; मे शांतीसी मोर गोयलु छे आपना आखा खुदोमा खुशीसी जादा मेवायलु रोयतेलु छे.

2 कुरीन्थियो 8:7

इनान कोरता तुमु होर एक वातोमा मतलब भुरसू, वचन, ग्यान एने आखा भातीन कोशिश, एने तिना मोंगोमा जो आमरेपोर मेकतेला छे बढतो जातलो, तोसोच इना दानोन कामोमा बी बोढता जावू.

इफिसीयो 1:9

काहाकि चू आपना मोर्जीन भेद तिना वारला विचार एरे अनसारे आमु काजे देखाळ्यू जीनासी चू आपना खुदोमा विचार कोऱ्यु.

इफिसीयो 3:9

एने आखा काजे जी वात प्रगट तिनी वातोन भेद काय छे जो आखाक बोनावने वावू परमेश्वर पेहेलेन नी देखतू होतु.

कुलुस्सि 2:2

काहाकि तिंदरे मोनोमा शांती जोळे एने चे मोंगसी आपसामा जुळायीन रोये एने चो पुरा समाजोन आखो धोन ली लेये एने परमेश्वर बासोन भेद काजे, मतलब येसु मसिह काजे उवखी लेये.

कुलुस्सि 4:3

एने इना साते-साते आमरेन कोरता बी प्रार्थना कोरता रोयू, कि परमेश्वर आमरेन कोरता वचन सोमवाळनेन ओसू झोपलु उगाळ देदू कि आमु मसिहन तिना भेदोन वर्णन कोर सोके जिनान वजेसी मे बंदीमा छे.

1 थिस्सलुनीकियो 2:2

पुन तुमुक खुदो काजे मालूम छे कि फिलीप्पीमा दुख भुगतने एने तोकलीत सोहोन कोरणे पोर बी परमेश्वर आमुक ओसी हिंमत आप्यू, कि परमेश्वरोन वारली खोबरोन भारी खिलाप होयतेली ते बी तुमुक सोमवाळ्या.

1 थिस्सलुनीकियो 5:25

हे भाशो आमरेन कोरता प्रार्थना कोरु.

2 थिस्सलुनीकियो 3:1

आखरीमा, हे भाशो, आमरेन कोरता प्रार्थना कोऱ्या कोरु कि प्रभून वचन ओसो मामार फेले एने महिमा लेये जोसो तुमरेमा होयो.

1 तीमथी 3:16

इनुमा शंका नी होय कि भोक्तीन फरक गंभीर छे, मतलब होयो जे डीलोमा प्रगट होयलो, आत्मामा धोरमी ठेरायू, सोरग दूत काजे देखायतू दिसरा जातीमा हेरा प्रचार होयलू, जोगोमा हेरे पोर भुरसू कोरलु होतु, एने महिमामा उपर चुटायलु होतु.

फिलेमोन 1:22

एने यो बी कि मारेन कोरता रोयनेन जागा तीयार राख. मेसेक आस छे कि तुमरी प्रार्थना लारे मे तुमुक आपाय जाश.

इब्रानियो 13:18

आमरेन कोरीन प्रार्थना कोरता रोयू काहाकि आमु काजे मालूम छे कि आमरो विवेक चुखो रोयो आमु आखी वातोमा वारली चाल चालनेन मोर्जी कोरता छे.