इफिसीयो 5:4 - बारेली पावरी

⁴ एने नी बिन लाज्या नी ठगनेन वाते नी मोजाकोन; काहा यो वाते शोभा नी देती, पुन धन्यवाद सोमवायनो जुवे.

इफिसीयो 5:4 ပူးပေါင်းရင်းမြစ်များ

मरकुस 7:22

चुरी, खुन, दिसरी बायरी पुठी संसार, लोभ, दोगु, कपट, लालच, भुंडली नोजोर, चाहाळी, मोटायकी एने बिन ओकली निकवतेली छे.

योहान 6:23

तेत्यार दिसरा ढोंड्या तिबिरियास गोथा तिना जागान साते आव्या, जा चे प्रभून धन्यवाद कोरनेन ओवते रुटू खादला होता.

रोमी 1:28

जेतार चे परमेश्वर काजे उवखनेन नी कोऱ्या ती परमेश्वर भी तीनु काजे रिकामा मोनोपोर छुळ देदु कि चे तोसा काम कोरे.

2 कुरीन्थियो 1:11

तुमु बी मेवायीन प्रार्थनान लारे आमरी मदत कोरसु कि जो वरदान जादा जोनान लारे आमुक जोळ्यो, तिनान वोजेसी जादा माणसे आमरे भूनी गोथा धन्यवाद कोरे.

2 कुरीन्थियो 9:15

परमेश्वरोन तेरा तीना दानोन कोरता जी वारू कोरायने सी बी जादा वारू छे, धन्यवाद.

इफिसीयो 1:16

तुमरेन कोरता धन्यवाद कोरनो नी छुळतलु एने आपनी प्रार्थनामा तुमुक फोम कोऱ्या कोरतेलू.

इफिसीयो 4:29

कानली भुंडली वाते तुमरा मुयोमा नि निकवे, बाकीन गोरोजोन अनसारे चोत निकवे जो बोढती वाटू वारू छे, काहाकि तिनासी सोमवने वावा पोर दया होये.

फिलिप्पि 4:6

कानलीत वातोन चिंता मा कोरू; बाकीन होर एक वातोमा तुमरो मांगनो, प्रार्थना एने विनतान लारे धन्यवाद साते परमेश्वर ओगोव उबराखाय जाय.

कुलुस्सि 3:8

बाकीन हिमी तुमु बी आखा काजे, मतलब रीस, संताप, दुष्टपणा, भेदभाव, बुराई एने मुयोमा गोथो लोळ देनो आखी वाते छुळ देवु.

1 थिस्सलुनीकियो 3:9

एने जोसो खुशी आमुक तुमरे कोरता आपना परमेश्वर सामने छे, तेरे बोदले तुमरे बारामा आमु काहनला रितीसी परमेश्वरोन धन्यवाद कोरो?

1 थिस्सलुनीकियो 5:18

आखा वातोमा धन्यवाद कोरु; काहाकि तुमरेन कोरता मसिह येसुमा परमेश्वरोन जीत मोर्जी छे.

फिलेमोन 1:8

इनान कोरता हिमी तोक मेसेक मसिहमा घोनी हिंमत छे कि जीनाक तेरी आग्या तुसेक आपो.

इब्रानियो 13:15

आखरी, आपु येसुन लारे स्तुतीन बलिदान परमेश्वर काजे हमेशा चोळाव्या कोरे मतलब तिना छुटोन फोव जो तीना नावो काजे स्वीकारला.

2 पतरस 2:18

चे वायबार मोटायन वाते कोरीन लुचळान कामोन लारे, तिना माणसोन डीलोन भुंडली मोर्जी आपतला छे जे भोटकलामा गोथा हिमी निकवनेण बाजरोयला छे.

2 पतरस 2:7

एने धोरमी लुत काजे जो अधोरमीन भुंडला चाल चलन सी घोणा दुखी होता, छुटकारू आप्यू,

यहुदा 1:10

बाकीन ये माणसे जिनी वातो काजे नि उवख तेला तीनुक भुंडो-वारू कोयतेला, एने जिनी वातो काजे उचला लाव डीलोन जोनावरे सारको स्वभाव सी जानतला लाव छे, तिनामा आपना खुदो काजे नाश कोरतेला छे.

यहुदा 1:13

ये दोरीयान जादा झेलके छे, जो आपनी लाजोन फेन उछावतेला छे; जे चोमोकने वावा तारा छे, जिंदरेन कोरता हमेशान कोरता आंदारो मेकाय गोयलो छे.