इफिसीयो 5:3 - बारेली पावरी

³ जोसा चुखला माणसोन लायक छे, तोसोत तुमरेमा भुंडला विचार काहना भातीन विटेवला कामे नि ती लालचोन वाते तोक नी होये.

इफिसीयो 5:3 ပူးပေါင်းရင်းမြစ်များ

मत्ती 15:19

काहाकि भुंडला विचार, खुन, सिनावो, भुंडला विचार, चुरी, झुटी गोवायी एने बुराई, मोनोसी निकवतली छे.

लुका 12:15

एने येसु तीनुक कोयू, “हुशारीमा रोयू एने आखा भातीन लालचसी आपना खुदो काजे वाचाडीन राखू; काहाकि कुदान जीवन तेरो धोनोन बोढनेसी नि होयतलो.”

लुका 16:14

फरुशी जे लालची होता, यो आखा वाते सोमवीन तेरी मोजाक कोरणे बाज गोया.

प्रेषित 15:20

बाकीन तीनु काजे लिखीन मुकलो कि चे मूर्तीन भुंडला मा गोथा सिनावासी छुळ देयेगोवा दाबीन मारला जोनावरे मास एने लुयसी नांबे रोयजू.

प्रेषित 20:33

मे काहना काहनासोन चांदी, सोनो नीती छिंदरा लालूच नी कोऱ्यु.

रोमी 1:29

इनान कोरता चे आखा भातीन अधोरमोन एने रीस, खुन कोरनो, एने ओहळायने, एने छोळ एने रीससी घोणा घेरवाय गोया, एने चुगली कोरण्या,

रोमी 16:2

कि तुमु, जोसो कि चुखला माणसो काजे जुवे, चे प्रभू काजे स्वीकार कोरे; एने काहणी बी वातोमा तिनी काजे तुमरी गोरोज पोळे, तेरी मदत कोरु, काहाकि चू बी घोना सोवटा जोनान ओतरो नि बाकीन मारी बी उपकार कोरने वावी रोयली छे.

रोमी 6:13

एने नी आपना डीलो काजे धोरमोन हत्यार होयने कोरता पापोन होवाले कोऱ्या एने आपना खुदो काजे मोरलामा गोथा जीव उठनेन जानीन परमेश्वरोन होवाले कोऱ्या एने आपना डीलो काजे अधोरमोन हत्यार होयनेन कोरता परमेश्वर काजे आप देदा.

1 कुरीन्थियो 10:8

एने नी आपु व्यभीचार कोरजे, जोसो तीनुमा गोथा कोतराक कोऱ्या; एने एक दाहळामा तेवीस होजार मोर गोया.

1 कुरीन्थियो 5:1

न्या तोक सोमवनेमा आवे कि तुमरेमा व्यभिचार होयतला छे, एने ओसू व्यभिचार जू दिसरा जात्यामा भी नी होयतलो कि एक माणूस आपना बासोन लाडी काजे राखतलु.

1 कुरीन्थियो 6:13

खाणो पेटोन कोरता, एने पेट खाणान कोरता छे, बाकीन परमेश्वर इना एने हीना काजे दुयू काजे खोतम कोरसे बाकीन डील व्यभिचारोन कोरता नी, बाकीन परमेश्वरोन कोरता छे, एने प्रभू डीलोन कोरता छे.

1 कुरीन्थियो 6:18

व्यभिचारसी वाचीन रोयू. जोतरा दिसरा पाप माणूस कोरतेलू छे चे डीलोन बारथे छे, बाकीन व्यभिचार कोरणे वावू आपनात डीलोन खिलापमा पाप कोरतेलू छे.

2 कुरीन्थियो 12:21

एने कोदि ओसो नी होयनो जुवे कि मारू परमेश्वर मारो पोछोव तुमरेनचा पोछो आवने पोर दोबाव नाखे एने मेसेक ज्यादा जोनान कोरता पोछो एने दुख कोरनो पोळे, जे पेहेले पाप कोरला होता एने भुंडला कामे एने भुंडलु विचार एने लुचळायसी, जो चे कोऱ्या, मोन नि फिराव्या.

इफिसीयो 5:12

काहाकि तिंदरा डूकायला कामोन वात बी लाजवायने वावी वात छे.

इफिसीयो 5:5

काहाकि तुमुक यो मालूम छे कि कुदा व्यभिचारोन नीती लालूच वावा माणसोक जे मूर्ती पुजान बरोबर छे मसिहन एने परमेश्वरोन राजमा वाटू नी होय.

फिलिप्पि 1:27

निसतो ओतरो कोरु कि तुमरो चाल चलन मसिहन वारली खोबरोन लायक रोये कि मे आवीन तुमुक देखो, नीती नी बी आवो, तुमरे बारामा सोमवो कि तुमु एकुत आत्मामा पाका रोयू, एने एक मोन होयीन वारली खोबरोन भुरसान कोरता मेहनतोन कोरता रोयतला.

कुलुस्सि 3:5

इनान कोरता आपना इना डीलो काजे मार देवू, जो धोरती पोर छे मतलब व्यभिचार, भुंडला काम, दुष्कामना, बुरी लालच एने लोभ काजे मूर्ती पूजान बराबर छे.

1 थिस्सलुनीकियो 4:3

काहाकि परमेश्वरोन मोर्जी जी छे, कि तुमु चुखला बोनु, मतलब व्यभिचारसी वाचीन रोयू.

1 थिस्सलुनीकियो 4:7

काहाकि परमेश्वर आमु काजे भुंडला होयनेन कोरता नि बाकीन चुखला होयनेन कोरता बुलावलु छे.

1 तीमथी 2:10

बाकीन वारला कामोसी, काहाकि परमेश्वरोन भोक्ती कोरणे वावी बायोर काजे यो वारू बी छे.

1 तीमथी 3:3

दारकुट्यू या ठूकने वावू नि रोयनो जुवे; बाकीन सुवावू रोये, एने नी झगळावू, नी पोयशान लालची रोये.

1 तीमथी 6:10

काहाकि पोयशान लालच आखा भातीन बुराइन थुळ छे, तीनाक हेरनेन कोरीन कोशिश कोरीन भुरसाम चा गोथा भटकीन आपनु काजे भाती भातीन दुखोसी छलनो बनाव लेदलु छे.

2 तीमथी 3:2

काहाकि माणूस मोतलोबी, लालची, मोटायकी, बुराई कोरणे वावू, आसी बासोन आग्या टावने वावू भुंडलु, अपवित्र.

तीतुस 1:11

इंदरा मूय बंद कोरनो जुवे, ये माणसे भुंडली कोमायीन कोरता गलत वाते सिकाळीन घोर ने घोर बिगाड देतला छे.

तीतुस 1:7

काहाकि पुढारी काजे परमेश्वरोन भंडारी होयनेन वजा निरदोष होयनो जुवे, नि जिद्दी, नि रीसावू, नि मोंदळ्यु, नि लोळाय कोरणे वावु, एने भुंडला कोमायीन लालच्यु नि रोयनो जुवे.

तीतुस 2:3

इना रितीसी डाहला बायराण चाल चलन धोरमी माणसो सारखी रोये, चे चुगली लागाळने वाली एने मोंदळाय नि, बाकीन वारली वाते सिकाळने वावी जुवे.

इब्रानियो 12:16

तुमरेन गोथू काहनुबी माणूस भुंडलु एने एसाव सारखु नी रोये जू एक कावा खाणान कोरता आपना पेहेला पुऱ्यान होक वेच देदु.

1 पतरस 5:2

कि आपना इचमा परमेश्वरोन टूवान राखवावी कोरो, एने जो कानला दोबावसी नि बाकीन परमेश्वरोन मोर्जीन अनसारे खुशीसी, गोलोत कोमायीन कोरता नि बाकीन मोन लागाळीन कोरु.

2 पतरस 2:10

विशेष कोरीन तीनु काजे यो खिलाप लालचोन पोछोव, डीलोन लारे चालतला एने ओसोर काजे विटोव मानतला चे ठीक एने हट्टी छे एने उचला पोदो वावा काजे भुंडला कोयनासी नि बिहीतेला.

2 पतरस 2:14

तिंदरा डूवामा वैश्या मा बसला छे, एने चे पाप कोरे बिना रोय नि सोकतला, चे अस्थिर मोनवावा काजे फुसलावी लेतला छे; तिंदरा मोनो काजे लाभ कोरणेन पोढायी होय गोयलु छे; चे रीसोन वारीस छे.

2 पतरस 2:3

चे लुबोन कोरता वाते गाळीन तुमु काजे आपना लाभोन कोरता बोनावसे, एने तिंदरा पोर पेहेलेसी होय रोई तेरे आवनेसी काहीन टेम नि होय, एने तिंदरा नाश सुवतलु नि.

प्रकाशित वाक्य 2:14

बाकीन मेसेक तारा खिलापमा काहीन वाते कोयनो छे, काहाकि तारेनचा काहनास ओसा छे, जे बिलामोन शिक्षा काजे मानतला छे, जू बालाक काजे इस्राईलोन ओगोव ठूकरोन वोजा राखणे सिकाळयु, कि चे मोरला पोर चोळावला चीजे खाय एने व्यभिचार कोरे.

प्रकाशित वाक्य 2:21

मे हिनी काजे मोन फिरावनेन कोरीन टेम आप्यू, बाकीन ची तेरा व्यभिचारसी मोन फिरावने नी कोरे.

प्रकाशित वाक्य 21:8

बाकीन बिहीने वावा, एने अविस्वास्या, एने भुंडला, एने खुन कोरणे वावा एने व्यभिचार कोरणे वावा, एने कुहराय कोरणे वावा, एने मूर्ती पुजा कोरणे वावा, एने आखान झुटान वाटू तीना आगठामा जोळसे जो आगठो एने गोंधोकसी धोपतो रोयतलो छे, यो दूसरो मोरोन छे.

प्रकाशित वाक्य 22:15

बाकीन कुत्रा, एने कुहरायने वावा एने व्यभिचार कोरणे वावा एने खुन कोरणे वावा एने मूर्ती पुजा कोरणे वावा एने होर एक झुटोसी मोंग कोरणे वावा एने गाळने वावू बारथे रोयसे.

प्रकाशित वाक्य 9:21

एने जोखून, एने कुहराय एने भुंडला विचार, एने चुरी चे कोरला होता, तीनामा गोथा मोन नि फिराव्या.