इफिसीयो 5:23 - बारेली पावरी

²³ काहाकि बायर ओदमीन मुंडको छे, जोसो कि मसिह मंडवीन मुंडको छे एने खुद डीलोन छुटकारू आपन्यु छे.

इफिसीयो 5:23 ပူးပေါင်းရင်းမြစ်များ

प्रेषित 20:28

इनान कोरता आपनी एने आखा टूवान तोपास कोरु जीनामा पवित्र आत्मा तुमुक पुढारी ठरावलु छे, कि तुमु परमेश्वरोन मंडव्यान राखवावी कोरे, जीनाक चू आपना लुयसी मुले लेदला छे.

1 कुरीन्थियो 6:13

खाणो पेटोन कोरता, एने पेट खाणान कोरता छे, बाकीन परमेश्वर इना एने हीना काजे दुयू काजे खोतम कोरसे बाकीन डील व्यभिचारोन कोरता नी, बाकीन परमेश्वरोन कोरता छे, एने प्रभू डीलोन कोरता छे.

इफिसीयो 4:15

बाकीन मोंगोमा खोरलो बुलता जायीन आखा वातोमा तीनामा जो पाको छे मतलब मसिहमा बोढतू जाय.

इफिसीयो 5:24

पुन जोसू मंडवी मसिहन कोयामा छे, तोसाच बायराबी हर वातोमा आपना-आपना ओदमीन कोयामा रोयू.

कुलुस्सि 1:18

चू डील, मतलब मंडवीन मुंडको छे, चू पेहेलू छे, एने मोरलामा गोथू जीव उठने वावामा पेहेलू चू प्रधान ठोरे.

1 थिस्सलुनीकियो 1:10

एने तेरा पुऱ्यान सोरगोपोर गोथू आवनेन वाट जुवता रोयू जीनाक चू मोरलामा गोथू जीवाळ्यु, मतलब येसुन, जो आवने वावा मोटला दोंडोन गोथो वाचाडलो छे.

प्रकाशित वाक्य 19:7

आवू, आमु खुशी एने मोंगोन होयू, एने तेरी महिमा कोरु, काहाकि गाडरान वियाव आव लागलु छे, एने तेरी लाडी आपना खुदो काजे तीयार कोर लेदली छे.

प्रकाशित वाक्य 5:9

चे यो नोवलो गीत गावणे बाज गोया, “तू इना किताब काजे लेणे, एने तेरा छापा काजे उगाळनेन लायक छे; काहाकि तू जीव आपीन तारा लुयसी होर एक जाती एने भाषान एने माणसे एने जात्यामा गोथू परमेश्वरोन कोरता माणसो काजे मुले ली लेदलु छे,