21 मसिहन बिकोसी एक दिसरान ताबामा बोसीन रोयू.
इनान कोरता मे तुमु काजे विनता कोरो कि तुमु ओसलान अधीन रोयू, बाकीन होर एक जो इना कामोमा मेहनत वावा एने सोहोकारी छे.
इनान कोरता प्रभून बिक धोरीन आपना माणसो काजे सोमजाडतेलु; बाकीन परमेश्वर पोर आपनो हाल सामने छे, एने मारी आस जी छे कि तुमरा विवेक बुद्धीपोर बी सामने आव्यो होसे.
आखरी हे मोंगावा भाशो, काहाकि आपनेजू वायदू से जेतार कि यो वचन आपनु काजे जोळतलो, ती आवू आपु आपना खुदो काजे डील एने आत्मान आखो भुंडलो, चुखो कोरु, एने परमेश्वरोन बिक धोरता जायीन चुखला काजे पाको बोनावू.
हे भाशो तुमु छुटकारू होयनेन कोरता बुलावला छे बाकीन ओसो नी होयो कि यो आजादी डीलोमा कामोन कोरता टेम बोनसे बाकीन मोंगसी एक दिसरान चेला बोनु.
हे बायर आपना ओदमीन ओसा अधीन रोयू जोसा प्रभून.
पुन जोसू मंडवी मसिहन कोयामा छे, तोसाच बायराबी हर वातोमा आपना-आपना ओदमीन कोयामा रोयू.
विरोध नीती झुटी बोढाईन कोरता काय मा कोरु, बाकीन एक दिसरा काजे आपनेसी वारू सोमजू.
बायरा काजे हुगा होयीन आखो मन लागाळीन सिकनो जुवे.
आपना घोरोन वारू देखभाल कोरतू होय, एने हेरा पुऱ्या पारीन आखी गंभीरता मा सोमावीन राखतू होय.
आपना अगवान आग्या माणू एने तेरे साते रोयू काहाकि ओसला चे तुमरा जीवन काजे देखीन पूस-पास कोरतेला छे, कि तीनु काजे तिंदरू हिसाब आपनो छे, तीनु काजे यो काम खुशीमा कोरणे देवू नी कि असा निकवता जायीन, काहाकि इनासी तुमु काजे काहीन फायदु नी होये.
प्रभून कोरता माणसोन ठोरावला हर एक बंदोबस्त न अधीन रोयू, राजान इनान कोरता कि होया आखा प्रोधान छे,
आखान आदर कोरु, भाशो पुठी मोंग राखू; परमेश्वर काजे बिहू, राजान सन्मान कोरु.
इना प्रोकारसी हे नोवला जुवान्या, तुमु बी डाह-डाहान अधीन रोयू, एने तुमु आखान-आखा एक दिसरान कोरता दीनतासी कोळ्याक बांदला राखू, काहाकि परमेश्वर अभिमानीन खिलाप कोरतेलू छे, बाकीन गोरीबोपोर दया कोरतेला छे.
