इफिसीयो 5:2 - बारेली पावरी

² एने मोंगोमा चालू जोसू मसिह तुमरे पोर मोंग कोरलु, एने आमरेन कोरता खुदो काजे सुख आपने वावो सुगंधोन कोरता परमेश्वरोन ओगोव भेट चोळावीन बलिदान कोर देदू.

इफिसीयो 5:2 ပူးပေါင်းရင်းမြစ်များ

मत्ती 20:28

जोसो कि माणसोन पुऱ्यु चू इनान कोरता नि आव्यु कि तेरी सेवा कोरणे नि बाकीन सेवा कोरणे एने घोना सोवटा काजे छुटकारान कोरता आपनु जीव अरपण कोरे.

योहान 13:34

मे तुमु काजे एक नोवली आग्या आपो कि एक दिसरा पोर मोंग कोरु; जोसू मे तुमरे पोर कोरतेलू, तोसोच तुमु बी एक दिसरा पोर मोंग कोरु.

योहान 6:51

जीवनोन रुटू जो सोरगे गोथो उतऱ्यु, मी छे कोबी कुदू इना रुटाम गोथू खाय, ती कायम जीवतलु रोयसे; एने यु रुटू मे जोगोन जीवनोन कोरता आपीस, चो मारो मास छे.”

रोमी 15:16

कि मे दिसरा जातीन कोरता येसु मसिहन सेवक होयीन परमेश्वरोन वारली खोबर प्रचारोन सेवा पुजारा सारको कोर, जिनामा दिसरा जातीन चोळाव जाणेन पवित्र आत्मासी चुखो कोरीन स्वीकार कोराय जासे.

रोमी 4:25

चू आमरा पापोन गुणान कोरता धोराय गोयू, एने आमुक धोरमी ठेरावनेन कोरता जीवतू कोराय गोयू.

रोमी 8:3

काहाकि जो काम नियम डीलोन वोजेसी कमजोर होयीन नि कोर सोकी, तीनुक परमेश्वर कोरलु छे, मतलब तेरात पुऱ्या काजे पापमय डीलोन सारखो, एने पापोन बलिदान होयनेन कोरता मूकल्यु, डीलोमा पापोन दोंडोन आग्या आप्यू.

रोमी 8:37

बाकीन इनी आखी वातोमा आमु तेरे लारे जू आमरेपोर मोंग कोरलु छे, जयवंतसी भी बोढीन छे.

1 कुरीन्थियो 16:14

जो काय कोरु मोंगसी कोरु.

1 कुरीन्थियो 5:7

जुनलो खोमीर निकावीन आपना खुदो काजे चुखला कोरु कि नोवलु कुसोनलु पिठू बोन जावू; काहाकि तुमु अखमीरी छे काहाकि आमरो बी धान, जू मसिह छे, बलिदान होयलु छे.

2 कुरीन्थियो 2:14

बाकीन परमेश्वरोन धन्यवाद होये जू मसिहमा आमु काजे तीहीवारोमा खुशी लीन फिरतलु छे एने, आपना ग्यानोन गोंद आमरे लारे आखे जागे फैलतलु.

2 कुरीन्थियो 2:15

काहाकि आपु परमेश्वर साते छुटकारू कोरणे वावा एने नाश होयने वावा दुयोन कोरता मसिह गोंद छे.

2 कुरीन्थियो 8:9

तुमुक आपना प्रभू येसु मसिहन दया मालूम छे कि चू धोनवान होयीन बी तुमरेन कोरता गोरीब बोन गोयू, काहाकि तेरे गोरीब होयनेसी तुमु धोनवान बोन जावू.

गलातियों 1:4

चू खुदो काजे आपना पापोन कोरता आप देदू, काहाकि आपनु परमेश्वर एने बासोन मोर्जीन अनसारे आपुक इनी भुंडला संसारसी छुळावे.

गलातियों 2:20

मे मसिह पुठी ख्रुस पोर चोळाय गोयू, हिमी मे जीवतलु नी रोयू पुन मसिह मारेमा जीवतला छे; एने मे डीलोम हिमी मे जीवतलु छे, जू परमेश्वर परमेश्वरोन पुऱ्या पोर छे, जू मार पोर मोंग कोऱ्यु एने मारेन कोरीन खुदो काजे आप देदू.

इफिसीयो 1:4

जोसो चू आपनु काजे जोग बोननेन पेहेले गोथू नेवाळ लेदलु कि आपनु तेरे साते मोंगमा चुखला एने निरदोष रोये.

इफिसीयो 3:17

एने भुरसान लारे मसिह तुमरे मोनोमा बोसे कि तुमु मोंगोक वातडो धोरीन एने पायु घालीन.

इफिसीयो 3:19

एने मसिहमा तिना मोंगोकाजे ग्यानसी पुरो छे कि तुमु परमेश्वरोन आखो आखान पुठी होय जाय.

इफिसीयो 4:15

बाकीन मोंगोमा खोरलो बुलता जायीन आखा वातोमा तीनामा जो पाको छे मतलब मसिहमा बोढतू जाय.

इफिसीयो 4:2

मतलब आखरी नम्रतासी एने धीर धोरीन मोंगसी एक दिसरान वेठ लेवू.

इफिसीयो 5:15

इनान कोरता ध्यानसी देखू कि कोसी चाल चालतला छे, बिन ओकल्या नी पुन ओकोलवावान तोसा चालू.

इफिसीयो 5:25

हे माणसो आपनी-आपनी लाडी पोर मोंग कोरु जोसू मसिह बी मंडवी पोर मोंग कोरीन खुदो काजे तेरोन कोरता आप देदू

फिलिप्पि 4:18

मारे जुव सब काय छे बाकीन घोन सोवटा बी छे; जे चीजे तुमु इपफ्रुदीतुसन हाते मुकेलला होता तीनुक लीन मे खुश होय गोयलु छे, चो ते सुखोन गोंद लेनेन लायक बलिदान छे, जो परमेश्वर काजे वारलो लागे.

कुलुस्सि 3:14

इना आखान उपोर मोंगोक जू पुरा बंधन छे, बांध देवू.

1 थिस्सलुनीकियो 4:9

बाकीन भाय-भोलायीन मोंगोन बारामा जो, गोरोजोन नि कि मे तुमरे साते काय लिखो, काहाकि आपनेमा मोंग कोरनेन तुमु खुद परमेश्वरोनचा गोथा भोनला छे;

1 तीमथी 2:6

जू खुदो काजे आखान छुटकारान दामोमा आप देदू, एने हेरी गोवायी ठीक टेमो पोर आपाय गोयी.

1 तीमथी 4:12

कुदू तारी जुवानी काजे कमी नी समजनो जुवे; पुन वचन एने चाल चलन एने मोंग एने भुरसू एने चुखलामा विस्वास्यान कोरता वारलो होय जासे.

तीतुस 2:14

जू खुद काजे आमरेन कोरता आप देदू कि आमु होर एक भातीन पापोमा गोथू छुळाव लेय एने चुखा कोरीन आपनेन कोरता एक ओसी जात बोनाव लेये जे वारला-वारला कामोमा तीयार जुवे.

इब्रानियो 8:3

काहाकि होर एक महायाजक भेट एने बलिदान दुयू काजे बी चोळावनेन कोरता नेवळाय जातलु छे, आखरी, यो गोरोजोन छे कि चोळावनेन कोरता इना महायाजोक जुव बी काहीन रोयनो जुवे.

इब्रानियो 9:14

ती मसिहन लुय जू आपना खुदो काजे हमेशान आत्मान लारे परमेश्वरोन सामने निरदोष चोळाव गोयू तुमरा मोनो काजे ओवी बी जादा काहा नी चुखो कोरे तुमु जीवतला परमेश्वरोन सेवा कोरु.

इब्रानियो 9:23

इनान कोरता गोरोज होती कि सोरगोन चीजोन रुपमा इना बलिदानोन लारे शुद्ध कोराय जातला बाकीन सोरगोन चीज शुद्ध इनू गोथी बी वारु बलिदानोन लारे चुखा कोराय जातलो.

इब्रानियो 9:26

एने जोग बोनलो तिनी टेमे गोथो तिना घोळी-घोळी दुख वेठतू पोळतो बाकीन हिमी संसारोन आखरी चू एक कावा सामने आव्यु कि आपनात बलिदानोन लारे पाप काजे मिटाळ देदु.

1 पतरस 4:8

आखा गोथो बोढीन, एक दिसरान बारामा मोंगसी वारला कामे राखू, काहाकि मोंग जादा पापो काजे ढाक लेतलो छे.

1 योहान 3:16

आमु मोंग तीना पोरसी जाण्या कि चू आमरेन कोरता तेरु जीव आप देदु एने आमु बी भाशोन कोरता जीव आपनो जुवे.

1 योहान 3:23

तेरी आग्या जी छे कि आमु तेरा पुऱ्या येसु मसिहन नावो पोर भुरसू कोरजे एने जोसो चू आमुक आग्या आपलु छे तिनान लारे तीनामा मोंग राखे

प्रकाशित वाक्य 1:5

एने येसु मसिह जुव गोथो जू भुरसान योग्य गोवा एने मोरलामा गोथू जीव उठने वावामा पेहेलुत एने धोरतीन राजान हाकिम छे, तुमुक अनुग्रह एने शांती जोळती रोये. चू आमरे पुठी मोंग कोरतेलू, एने चू आपना लुयोन लारे पापोसी छुळावतलो छे,

प्रकाशित वाक्य 5:9

चे यो नोवलो गीत गावणे बाज गोया, “तू इना किताब काजे लेणे, एने तेरा छापा काजे उगाळनेन लायक छे; काहाकि तू जीव आपीन तारा लुयसी होर एक जाती एने भाषान एने माणसे एने जात्यामा गोथू परमेश्वरोन कोरता माणसो काजे मुले ली लेदलु छे,