14 इनान वोजेसी चू कोयतेलु, “हे सुवनेवावा जाग एने मोरलामा गोथा जीव उठ; ती मसिहन विजावो तार पोर चमकसे.”
यो आमरा परमेश्वरोन इनी मोटीत दयासी होयसे; जिनान वजेसी आमरेपोर सोंदारेन विजावो उगसे,
काहाकि मारू यु पुऱ्यु मोर गोयलु होतु, पोछु जीव गोयलु छे, खुवाय गोयलु होतु, हिमी जोळ गोयलु छे एने चे खुशी कोरणे बाज गोया.
येसु ओवी माणसो काजे कोयू “जोगोन विजावो मे छे; जू मार पोछोव आवसे चू आंदाराम नि चाले, बाकीन जीवनोन विजावो जोळसे.”
जेतार तोक मे जोगोमा छे, तेत्यार तोक जोगोन विजावू छे.”
काहाकि प्रभू आमु काजे जी आग्या आपलु छे कि, “मे तुसे काजे दिसरा जातीन कोरता विजावा ठेरावलु छे, तू धोरतीन धोळे तोक छुटकारू कोरने वावू बोनीस.”
एने नी आपना डीलो काजे धोरमोन हत्यार होयने कोरता पापोन होवाले कोऱ्या एने आपना खुदो काजे मोरलामा गोथा जीव उठनेन जानीन परमेश्वरोन होवाले कोऱ्या एने आपना डीलो काजे अधोरमोन हत्यार होयनेन कोरता परमेश्वर काजे आप देदा.
धारमिकतान कोरता जाग उठू एने पाप मा कोरू; काहाकि काहनास ओसा छे जे परमेश्वर काजे नी जानतला. मे तुमुक लाजवाडने कोरता यो कोयो.
इनान कोरता कि परमेश्वरुत छे, जू कोऱ्यु, “आंदारलामा गोथो विजावो चोमके, एने चू मोनोमा चोमक्यू कि परमेश्वरोन महिमान उवखनोन दिवू येसु मसिहन मुयो पोर विजावो होये.”
चू तुमु काजे बी जीवाळ्यु, जे आपना गुणा एने पापोन कोरता मोरला होता.
जेतार आपनु गुणान वजेसी मोरला होता ती आपनुक मसिह साते जीवाळ्यु (मोंगसी तुमरो छुटकारू होयलो छे).
आखरी, जेतार तुमु मसिह पुठी जीवाळाय गोया, ती सोरगोन चीजोन हेर कोरणेमा रोयू, जा मसिह रोयतेलु छे, एने परमेश्वरोन जेवळे धोळे बोस रोयू.
एरेन कोरता आपनु दिसरान तोसा सुवतोला मा रोयू, बाकीन जागला एने सावधान रोयू.
बाकीन हिमी छुटकारू कोरता मसिह येसुन प्रगट होयनेन बारामा विजावो जू मोतोन नाश कोरन्यू जीवन एने ओमोर काजे इना वारली खोबरोन बारामा विजावो कोर देदु.
एने तिंदरे लारे तेरी मोर्जी पुरी कोरनेन कोरता खुद पोर आवीन भुतडान फांदमा गोथा छुट जाय.