1 इनान कोरता मोंगावा पुऱ्यान तोसा परमेश्वरोन अनुकरण कोरु.
जीनासी तुमु आपना सोरग मायला बासोन पुऱ्या ठेरायसु काहाकि चू वारलो एने भुंडला दुयू पोर आपनु दाहळू उगाळतलु छे, एने धोरमी एने अधोरमी दुयू पोर पाणी पाळतेलू छे.
इनान कोरता जुवे कि तुमु पुरा बोनु, जोसू तुमरू सोरगो मायलु बास पुरु छे”.
बाकीन जोत्रा तीनाक स्वीकार कोऱ्या, चू तीनुक परमेश्वरोन पुऱ्या बोननेन होक आप्यू, मतलब तीनुक जे तेरा नावो पोर भुरसू कोरतेला छे.
एक दुसरा पोर दया एने करुणामय होयू एने जोसा परमेश्वर मसिहमा तुमरा गुणा काजे माफ कोर देदू तोसात तुमु बी दिसरान गुणाक माफ कोरु.
काहाकि तुमु निरदोष एने वारला होयीन गांडा एने एक हेट्या माणसोन इचमा परमेश्वरोन चुखला पुऱ्या बोनला रोये जिनान इचमा तुमु जीवनोन वचन लीन जोगोमा धोपतला दिवान सारखो देखाय पोळतेला छे.
इनान कोरता परमेश्वरोन नेवाळलान सारखा जे चुखला एने मोंगावी छे, मोटली दया, एने भोलाई एने दीनता एने नम्रता एने सहन शीलता ली लेवू.
हे मोंगावा, जेतार परमेश्वर आमरेपोर मोंग कोऱ्यु ती आमु काजे बी आपना एक दिसरान इचमा मोंग कोरणे जुवे.