इफिसीयो 4:25 - बारेली पावरी

²⁵ इनान वोजेसी झुटो बुलनेन छुळीन होर एक साते वावा साते खोरो बुलू काहाकि आपनु खुदोमा एक दिसरान डील छे.

इफिसीयो 4:25 ပူးပေါင်းရင်းမြစ်များ

योहान 8:44

तुमु तुमरा बास भुतडासी छे एने तुमरा बासोन मोर्जी काजे पुरी कोरणे चाहतला. चू ते सुरवाती गोथूच हत्यारु एने खोरला पोर सुदू नि रोयू, काहाकि खोरलो तीनामा होतो नि जेतार चू झूट बुलतलु, ती तेरा स्वभावमा गोथूच बुलतलू; काहाकि चू झुटू छे एने झुटोन बास छे.

रोमी 12:5

तोसोत आपनु जे लोकेत जोना छे, मसिहमा एक डील बोनीन आपोसमा एक दिसरा वाटू छे.

1 कुरीन्थियो 10:17

कि एकुत रुटू छे ती आपु बी जे जादा छे, एक डील छे, काहाकि आपु आखा तिना एकुत रुटामा भागीदार रोयतला छे.

2 कुरीन्थियो 7:14

काहाकि ओगर मे तेरे सामने तुमरे बारामा काहीन मोटायकी कोऱ्यु ती लाजवायलु नि बाकीन जोसो आमु तुमु काजे आखी वाते आखो छाचलीन छाचलीन कोय देदलु होतु, तोसोच आमरो मोटायकी देखाळने, तीतुसोन ओगोव बी खोरलो निकव्यो,

इफिसीयो 4:15

बाकीन मोंगोमा खोरलो बुलता जायीन आखा वातोमा तीनामा जो पाको छे मतलब मसिहमा बोढतू जाय.

इफिसीयो 4:22

कि तुमु पोछला चाल-चलन अनसारे जुनलो स्वभाव काजे जी भोरमायलो वावी लालचोन अनसारे नाश होय जातलो छे उतार नाखू.

इफिसीयो 4:31

आखा भातीन कोळवो एने रीस एने प्रकोप एने कळ एने बुराई एने आखो भेदभाव सी तुमरेसी नांबे मेकाय जाये.

इफिसीयो 5:30

इनान कोरता कि आपनु तेरा डीलोन भागे से.

कुलुस्सि 3:8

बाकीन हिमी तुमु बी आखा काजे, मतलब रीस, संताप, दुष्टपणा, भेदभाव, बुराई एने मुयोमा गोथो लोळ देनो आखी वाते छुळ देवु.

कुलुस्सि 3:9

एक दिसरा काजे झूट मा मेकू काहाकि तुमु जूनला माणसो काजे तिंदरा कामो साते उतार नाखलो छे.

1 तीमथी 1:10

व्यभिचारी, पुरुषगामियों, माणसो काजे वेचने वावू, एने इंदरे जागे खोरलु प्रचारोन आखा खिलाप वावान कोरता ठरावली छे.

1 तीमथी 4:2

यो इनू झुटा माणसोन घोमंडोन वजेसी होयसे जेरु ग्यान जसो धोपतला आगठामा लुहळे कोरीन डामाय गोयलु छे.

तीतुस 1:12

तिंदरेमा गोथू एक जोणु, जू तिंदरूत भविष्य कोरता छे, कोयलु छे “क्रेतीन माणसे हमेशा झुटा एने भुंडला जोनावरे, उजग्या पेटू रोयतला छे.”

तीतुस 1:2

तीना ओमोरकाईन जीवनोन आस पर जेरी वायदू परमेश्वर, जी झूट नि बुल सोकतलु सनातनसी कोरलु छे,

इब्रानियो 12:1

इना वजेसी जेतार कि गोवा एक ओसो मोटला वादवो आपनुक घेरवी रोयो, ती आवू, आखा रुकने वावी चीजे एने घेरनेवावा पाप काजे छेटा कोरीन, जी दोवोळ जीनामा आपनु काजे दोवळनो छे धीर धोरीन दोवळू.

याकुब 1:21

एरेन कोरता आखी भुंडी एने दुष्मोनी भावोन बोढती काजे नांबे कोरीन तिना वचन काजे नम्रतासी ग्रहण कर लेवू जू मोनमा वेराय गोयो एने जू तुमरे जीवन छुटकारू कोर सोकतलु छे.

1 पतरस 2:1

एरेन कोरता आखा भातीन भेदभाव एने छोळ एने ढोंग एने खोर एने बुराई काजे नांबे कोरीन,

प्रकाशित वाक्य 21:8

बाकीन बिहीने वावा, एने अविस्वास्या, एने भुंडला, एने खुन कोरणे वावा एने व्यभिचार कोरणे वावा, एने कुहराय कोरणे वावा, एने मूर्ती पुजा कोरणे वावा, एने आखान झुटान वाटू तीना आगठामा जोळसे जो आगठो एने गोंधोकसी धोपतो रोयतलो छे, यो दूसरो मोरोन छे.

प्रकाशित वाक्य 22:15

बाकीन कुत्रा, एने कुहरायने वावा एने व्यभिचार कोरणे वावा एने खुन कोरणे वावा एने मूर्ती पुजा कोरणे वावा एने होर एक झुटोसी मोंग कोरणे वावा एने गाळने वावू बारथे रोयसे.