इफिसीयो 4:24 - बारेली पावरी

²⁴ एने नोवला माणसो काजे पेहेर लेवू जो परमेश्वरोन अनसारे खोरलान धारमिकता एने पवित्रतामा बोनावलु छे.

इफिसीयो 4:24 ပူးပေါင်းရင်းမြစ်များ

लुका 1:75

तेरे सामने पवित्र एने धोरमीसी उमोर भोर मजबूत रोयीन तेरी सेवा कोरता रोयजे

योहान 17:17

खोरलान लारे हिनुक चुखो कोर तारो वचन खोरलो छे.

रोमी 12:2

इना संसारोन तोसा मा बोनु, बाकीन तुमरो मोन नोवला होयनेसी तुमरी चाल-चलन बी बोदेलतो जाय, जिनासी तुमु परमेश्वरोन वारली एने गोवणे वावो, एने पाकी मोर्जी अनुभव सी मालूम कोरता रोयू.

रोमी 13:12

रात लोकेत होय गोयली छे, एने दाहळू निकवनेत वावू छे; इनान कोरता आपनु आंदारलान कामो काजे छुळीन विजावान हत्यार बांध लेवू.

रोमी 13:14

बाकीन प्रभू येसु मसिह काजे पेहेर लेवू, एने डीलोन मोर्जी काजे पुरो कोरनेन इलाज मा कोरु.

रोमी 6:4

आखरी, तीना मोरनोन बाप्तिस्मा होयनेसी आपु तीना साते गाळाय गोया काहाकि जोसो येसु मसिह काजे बासोन महिमान लारे मोरलामा गोथू जीवाळाय गोयो तोसोत आपु बी नोवला जीवनोन चाल चालजे.

रोमी 7:6

बाकीन हिमी जिनान बंधनमा आमु होता तिनान कोरता मोरीन हिमी शास्त्रनियमोन नुसार ओसा छुट गोया कि लिखलान जूनली रितीन अनसारे नि बाकीन आत्मान नोवली रितीसी सेवा कोरतेला छे.

रोमी 8:29

काहाकि जीनु काजे चे पेहेलेसी सोमजी गोयला छे तीनु काजे पेहेलेसी ठेराय गोयलो छे कि तेरा पुऱ्यान रुपमा छे, काहाकि चू भाशोमा पेहेलु ठेराये.

1 कुरीन्थियो 15:53

काहाकि गोरोज छे कि यो नाश वावो डील अमोर काजे पेहेरले एने यो मोरनेवावो डील, नी मोरने वावा काजे पेहेरले.

2 कुरीन्थियो 3:18

बाकीन जेतार आपनु आखान उगाळला चेहरासी प्रभून विजावो इना रितीसी छे, जिना रितीसी आरसामा प्रभून लारे जू आत्मा छे आपनु तीना विजावा रुपमा थुलो-थुलो कोरीन बदलता जातला छे.

2 कुरीन्थियो 4:16

इनान कोरता आमु हिंमत नी छुळता; हिंमत आपनो बारथेलो स्वभाव मनुषत्व खोतम होय जातलो छे, ते बी आपने वावो माणसोन स्वभाव दाहळी दाहळीन नोवलो बोनतो जातलो छे.

2 कुरीन्थियो 5:17

इनान कोरता अगर कुदू मसिहमा छे ती चा नोवला पोयदाईश छे, जूनला वाते जाता रोया देखू आखा वाते नोवला होय गोया.

गलातियों 3:27

एने तुमरेमा गोथा जोतरा मसिहमा बाप्तिस्मा लेदला छे, चे मसिह काजे पेहर लेदला छे.

गलातियों 6:15

काहाकि सुंता एने नी सुंता होयला काहीन छे, बाकीन नोवली कोव.

इफिसीयो 2:10

काहाकि आपनु तेरा बोनावला एने मसिह येसुमा तिना वारला कामोन कोरता बोनवाय गोयला जीनु काजे परमेश्वर पेहेले गोथो आपना काजे कोरणेन कोरता तीयार कोऱ्यु.

इफिसीयो 2:15

एने आपना डीलोमा दुष्मोनी मतलब चे नियम शास्त्र जेरी आग्या नियमोपोर होती मिटाळ देदु कि दुयोसी आपनेमा एने नोवलु माणूस पोयदा कोरीन मेवाळ देदु.

इफिसीयो 6:11

परमेश्वरोन आखा हत्यार बांध लेवू कि तुमु भुतडान योजनान सामने उबा रोय सोकू.

तीतुस 2:14

जू खुद काजे आमरेन कोरता आप देदू कि आमु होर एक भातीन पापोमा गोथू छुळाव लेय एने चुखा कोरीन आपनेन कोरता एक ओसी जात बोनाव लेये जे वारला-वारला कामोमा तीयार जुवे.

इब्रानियो 1:8

बाकीन पुऱ्यान बारामा चू कोये “हे परमेश्वर, तारो सिहासन कायमोन छे एने तारा राज दंडन नियाव राज दोंड छे.”

इब्रानियो 12:14

आखा माणसो साते मेवीन रोयू, एने तीना चुखला हेरने वावा बोनु जेरे विगुर प्रभू काजे कुदुबी नी देख सोके.

1 पतरस 2:2

नोवीन जन्मो लेदला पुऱ्यान तोसो चुखलो आत्मिक दुधोन मोर्जी कोरु, तेरेन कोरता तेरे लारे छुटकारू जोळनो जुवे कोरीन ओगोव जावू,

2 पतरस 1:4

जिंदरे लारे चू आमु काजे किमतीवान एने जुदी मोटी वायदू आप्यू, काहाकि तिंदरे लारे तुमु तिनी सोळनेमा गोथा छुळीन जो जोगोमा भुंडली लालूचसी होयतेली छे, परमेश्वरोन स्वभावोमा एखठा होय जावू.