इफिसीयो 4:18 - बारेली पावरी

¹⁸ काहाकि तिंदरी दिमाक आंदारी होय गोयली छे एने बिना जानकारीन वजेसी जो तीनुमा छे एने तिंदरो मोनोन वातळो होयनेन वोजेसी चे परमेश्वरोन जीवनोसी ओलोग कोरला छे.

इफिसीयो 4:18 ပူးပေါင်းရင်းမြစ်များ

मत्ती 13:15

काहाकि इना माणसोन मोने काठला होय गोयला छे, एने चे कानटासी उचेत सोमवतला एने चे आपना डूवा ढाक लेदला छे; कोदि ओसो नी होयनो जुवे कि चे डूवे कोरीन देखे, एने कानटासी सोमवे एने मोनोसी सोमजे, एने फिर जाय, एने मे तीनुक वारू कोरो.

मरकुस 3:5

एने चू तिंदरा काठला मोनोसी दुखी होयीन, तीनु काजे रीसवायीन चारू धोळे देख्यू, एने तीना माणसो काजे कोयू “तारू हात ओगु कोर” चू ओगु कोऱ्यु, एने तेरू हात वारू होय गोयू.

योहान 12:40

“चू तिंदरा डूवा आंदवा एने तिंदरा मोने काठला कोर देदलु छे; कोबी ओसो नि होये कि डूवे कोरीन देखसे, एने मोनोसी समजे, एने फिरे एने मे तीनुक वारु कोरिस.”

प्रेषित 17:30

इनान कोरता परमेश्वर आग्यान टेमोमा ध्यान नि लागाळतलु बाकीन हिमी आखा जागा पोर आखा माणसो काजे मोन फिरावनेन आग्या आपलु छे जीनामा चू तिना माणसोन लारे जोगोन नियाव कोरिस जीनान कोरता तिंदरू ठेरावलु छे एने तीना काजे मोरलामा गोथू जीवाळीन जी वात आखापोर मालूम कोर देदलु छे.

प्रेषित 3:17

हिमी हे भाशो मेसेक मालूम छे कि तुमु यो काम अनजानला मा कोऱ्या, एने तोसोत तुमरा अधिकारी बी कोऱ्या.

रोमी 1:28

जेतार चे परमेश्वर काजे उवखनेन नी कोऱ्या ती परमेश्वर भी तीनु काजे रिकामा मोनोपोर छुळ देदु कि चे तोसा काम कोरे.

रोमी 11:25

हे भाशो, कांखुर माइन ओसो होये कि तुमु खुद काजे एक ग्यानी सोमजी लेये; इनान कोरता मेसेक नि लागतो कि तुमु इना भेदो सी ओनजानला रोये कि जेतार तोक दिसरा जाती पुरा रितीसी आवे नि तेत्यार तोक इस्राईलोन एक हिस्सू ओसुत काठलु रोयसे.

रोमी 11:7

इनान कोरता बोदलु काय होयू? यो कि इस्राईल जिनान हेरमा होता चो तीनुक नी जोळ्यू; बाकीन नेवाळला काजे जोळ्यो एने बाकी माणसोजू काजे वातडा कोर देदा.

रोमी 2:19

एने आमरेपोर भुरसू मेके कि मे आंदवान अगवू एने आंदारलामा पोळला वाटू विजावो,

1 कुरीन्थियो 1:21

काहाकि जेतार परमेश्वरोन ग्यानोन अनसारे जोगोन ग्यानसी परमेश्वर काजे नी जान्यो, ती परमेश्वर काजे यो वारू लाग्यो कि इना प्रचारोन बिना दिमाकोन लारे भुरसू कोरणे वावा काजे छुटकारू आपे.

1 कुरीन्थियो 2:8

जीनाक इना संसारोन सुभेदारमा गोथू कुदू नी जान्यो, काहाकि कोबी चे जानता ती तेजवावा प्रभू काजे ख्रुस पोर नी चोळावता.

2 कुरीन्थियो 3:14

बाकीन चू मतीमंद होय गोयू काहाकि आज तोक जुनलु नियम भोननेन टेमे तिंदरा मोनोमा चू पोडदु मेकाय रोयतलु बाकीन चे मसिहमा उठ जातला छे.

2 कुरीन्थियो 4:4

एने तीनु अविस्वासन कोरता जिंदरी बुद्धी इना संसारोन भोगवान आंदवी कोर देदलु छे, काहाकि मसिह जू परमेश्वरोन प्रतिरूप छे, तेरे विजावान वारली खोबरोन विजावो तीनु पोर चोमके.

गलातियों 4:8

पेहेले ते तुमु परमेश्वर काजे नी उवखीन तिंदरा दास होता जे स्वभावोमा परमेश्वर नी होय,

इफिसीयो 2:1

चू तुमु काजे बी जीवाळ्यु, जे आपना गुणा एने पापोन कोरता मोरला होता.

इफिसीयो 2:12

तुमु माणसे तिनी टेमे मसिहसी ओलोग एने इस्राईलोन माणसोन पोदसी ओलोग कोरायला एने वायदान भागीदार नी होता एने बिन आसोन एने जोगोमा बिना परमेश्वरोन होता.

कुलुस्सि 1:21

तुमु जे पेहेले निकाव लेदला होता एने बुरो कामोन लारे मोनोमा दुष्मोन होता.

1 थिस्सलुनीकियो 4:5

एने यो काम गोलोत मोर्जीसी नी, एने नि तिंदरा जातीन तोसा जी परमेश्वर काजे नि मानतली.

इब्रानियो 5:2

चू नासोमोज एने भोटकला नोरमाइसी व्यहवार कोर सोकतलु, काहाकि चू खुद बी निर्बलतामा घेराय रोयतलु.

इब्रानियो 9:7

बाकीन दिसरामा निस्तु महायाजक जातु होतु एने चू बी सालोमा एकुत कावा एने लुय लेये विगुर नी जातु होतु, जीनाक चू आपना माणसोन आग्यान मा कोरायला पापोन कोरता भेट चोळावतू होतु.

याकुब 4:4

हे भुंडला विचारोन काय तुमु नी जानतला कि संसारमा दोस्ती कोरणे परमेश्वर सी नांबे कोरनो छे? आखरी जुव कुदू जोगोन दुस्ती होयने जुवे, चू आपने आप काजे परमेश्वरोन वैरी बोनावतलो छे.

1 पतरस 1:14

आग्या पावने वावा पुऱ्यान ओगोव आपनी अग्यानता टेमोन जुनली लालचोन तोसा मा बोनु.

1 योहान 2:11

पुन जो कुदु आपना भाश पुठी बुराई कोरतेलू छे चू आंदारामा छे एने आंदारलामा चालतलु छे, एने नि जानतलु कि का जाने छे, काहाकि आंदारो हेरा डूवा काजे आंदवो कोर देदलो छे.