इफिसीयो 4:16 - बारेली पावरी

¹⁶ जीनासी आखो डील होर एक जूळीन सहायतासी एखठा गाळायन तीना प्रभाव अनसारे जो होर एक डीलोन ठीक-ठीक कोरनेन लारे तीनुमा रोयतला छे आपना खुदो काजे बोढावता ती चा मोंगसी बोढती कोरतेली छे.

इफिसीयो 4:16 ပူးပေါင်းရင်းမြစ်များ

योहान 15:5

मे आंगुरोन वेलू छे, तुमु डाव्या छे जो मारेमा जुळायीन रोयतलु छे एने मी तिंदरेमा, चू जादा फोव फोवाळतलु छे, काहाकि मारे गोथा ओलोग होयीन तुमु कायबी नि कोर सोकतला.

रोमी 12:4

काहाकि जोसो आमरा एक डीलोन लोकेत हिस्सू छे, एने आखा हिस्सान एक सारखो काम नी होय.

1 कुरीन्थियो 10:17

कि एकुत रुटू छे ती आपु बी जे जादा छे, एक डील छे, काहाकि आपु आखा तिना एकुत रुटामा भागीदार रोयतला छे.

1 कुरीन्थियो 13:13

बाकीन हिमी भुरसू, आस, मोंग यो तीनु टेकनेवावी छे, पुन इनामा गोथी आखान मोटी मोंग छे.

1 कुरीन्थियो 8:1

हिमी मूर्ती ओगोव बलिदान कोरला चीजोन बारामा आमुक मालूम छे कि आपु आखा काजे मालूम छे. ग्यान मोटाय पोयदा कोरतेला छे, बाकीन मोंगसी उन्नती होयतेली छे.

गलातियों 5:22

बाकीन आत्मान फोव, मोंग, खुशी, शांती, धीर, दया, भोलाई, भुरसू.

गलातियों 5:6

मसिह येसुमा संता वावा एने नी सुंता कोरला काय कामोन नी होय, बाकीन निसतू भुरसू, जू मोंगोन लारे प्रभाव पाळतलु.

इफिसीयो 1:4

जोसो चू आपनु काजे जोग बोननेन पेहेले गोथू नेवाळ लेदलु कि आपनु तेरे साते मोंगमा चुखला एने निरदोष रोये.

इफिसीयो 3:17

एने भुरसान लारे मसिह तुमरे मोनोमा बोसे कि तुमु मोंगोक वातडो धोरीन एने पायु घालीन.

इफिसीयो 3:7

मे परमेश्वरोन मोंगोन तिना दानोन अनसारे, जोतरी मोटला प्रभावोन अनसारे मेसे काजे आपाय गोयलो छे तिना वारली खोबरोन सेवक बोन्यू.

इफिसीयो 4:12

जीनासी चुखला माणसे तीयार होय जाय एने सेवान काम कोराय जाय एने मसिहन डीलोन बोढतो जाय.

इफिसीयो 4:15

बाकीन मोंगोमा खोरलो बुलता जायीन आखा वातोमा तीनामा जो पाको छे मतलब मसिहमा बोढतू जाय.

फिलिप्पि 1:9

मे जी प्रार्थना कोरो कि तुमरो मोंग ग्यान एने आखा भातीन ओकोल साते ओवी बी बोढतू जाय.

कुलुस्सि 2:19

एने तीना शिरोमणि काजे धोरीन नि मेलतला जीनासी आखा डील जुळायला एने पोट्टान लारे पालन पोषण लीन एने एखठो परमेश्वर भूनी बोळतो जातला.

कुलुस्सि 2:2

काहाकि तिंदरे मोनोमा शांती जोळे एने चे मोंगसी आपसामा जुळायीन रोये एने चो पुरा समाजोन आखो धोन ली लेये एने परमेश्वर बासोन भेद काजे, मतलब येसु मसिह काजे उवखी लेये.

1 थिस्सलुनीकियो 1:3

एने आपना परमेश्वर एने बासोन सामने तुमरा भुरसान काम, एने मोंगोन मेहनत एने आपना प्रभू येसु मसिहमा आसोन धीरोज काजे एक सारखा फोम कोरतेला.

1 थिस्सलुनीकियो 2:13

इनान कोरता आमु बी परमेश्वरोन धन्यवाद एक सारखा कोरतेला कि जेतार आमरे लारे परमेश्वरोन वचन तुमरेनचा पुग्यू, ती तुमु तिना काजे माणसोन नि बाकीन परमेश्वरोन वचन सोमजीन (एने छाचलीन यो ओसोत छे) स्वीकार कोऱ्या; एने चू तुमरा विश्वासीमा जे भुरसू कोरतेला, ताकत वावा छे.

1 थिस्सलुनीकियो 3:12

एने प्रभू ओसू कोरे कि जोसू आमु तुमरेसी मोंग कोरतेला छे, तोसोच तुमरो मोंग बी एक दिसरामा एने माणसो साते बोढे, एने बोढती कोरतु जाय,

2 थिस्सलुनीकियो 1:3

हे भाशो, तुमरा बारामा आमु काजे होर टेमे परमेश्वरोन धन्यवाद कोरनो जुवे, एने यो सही बी से इनान कोरता कि तुमरू भुरसू जादा बोडतो जातलू, एने तुमरे आखान मोंग एक दिसरामा जादा बोळतू जातलु.

1 तीमथी 1:5

आग्यान निचोड यो छे कि वारलो मोन एने वारलो ग्यान एने बिना कपटीन भुरसासी मोंग पोयदा होये.

1 पतरस 1:22

आखरीमा जेतार तुमु वारला विचार एने मोनमा दोगो नि होय मोंगोन निमित्त खोरो माणसोसी आपना मोनो काजे चुखा कोरला छे, ती तन मन लागाळीन एक भाश्योसी लोके मोंग राखू.

1 योहान 4:16

जो मोंग परमेश्वर आमरेपोर कोरतेलु, तीनाक आमु उवखी लेदा एने आमुक तेरु भुरसू छे. परमेश्वर मोंग छे, एने चू मोंगोमा बोनीन रोयतलु, चू परमेश्वरमा बोनीन रोयतलु, एने परमेश्वर तिंदरेमा बोनीन रोयतलु.