इफिसीयो 4:14 - बारेली पावरी

¹⁴ काहाकि आपनु ओगा पुऱ्या नी रोये चे माणसोन झुटा विद्या एने हुशारीमा तिंदरा भ्रोमोन विचारोन एने प्रचारोन होर एक वावाक उछवाय जाय इंखुर तिन्खुर फिराव देतला छे.

इफिसीयो 4:14 ပူးပေါင်းရင်းမြစ်များ

मत्ती 11:7

जेतार चे चा गोथा जाणे बाज गोया ती, येसु योहानोन बारामा माणसो काजे कोयने बाज गोयू, “तुमु बोयळामा काय देखणे गोयला होता? काय हवासी हालणे वावा सुटा काजे?”

मत्ती 24:11

लोकेत झुटा भविष्य कोरता उठीन उभरोईसे, एने लोकेत जोनाक भोनकावसे.

मत्ती 24:24

“काहाकि झुटा मसिह एने झुटा भविष्य कोरता उठीन उभरोय, एने मोटा निशाणी एने नेवलायीन काम देखाळसे, कि ओगर होय सोके ती नेवाळला माणसो काजे बी फोसाळ देसे.”

प्रेषित 23:21

बाकीन तिंदरो सोमवतू झुनी काहाकि तीनु मायला चावीस गोथा जादा माणसे तीनाक मारनेन कोर रोया,, जे पाकु विचार कोर रोया कि जेतार तोक पौलुस काजे मार नि नाखजे तेत्यार तोक नि खाजे एने नि पीजे एने हिमी चे तीयार छे एने तारी वातोन वायदू जुव रोया.”

1 कुरीन्थियो 12:2

तुमुक मालूम छे जेतार तुमु दिसरा जातीन होता, ती मुकी मूर्ती पोछोव जोसा चालता होता तोसात चालता होता.

1 कुरीन्थियो 14:20

हे भाशो, तुमु समजनेमा नानला पुऱ्यामा बोनु बुराईमा ते नानला पुऱ्या रोयू, बाकीन सोमोजनेमा शहाना बोनु.

1 कुरीन्थियो 3:19

काहाकि इना जोगोन ग्यान परमेश्वरोन ओगोव मूर्खता छे, जोसो लिखलो छे, “चो ग्यानवावा काजे तिंदरी चालाकीमा फोवाळतलु छे.”

2 कुरीन्थियो 2:17

काहाकि आपनु तीनु घोणा सोवटान सारखा नी जे परमेश्वरोन वचनमा भेसकायने कोरतेला छे; बाकीन मोनोन खोरलासी एने परमेश्वर भूनी गोथो परमेश्वर काजे आपने साते छे जानीन मसिहमा बुलतेला छे.

2 कुरीन्थियो 4:2

बाकीन आमु लाजोन डूकायला कामो काजे छुळ देदा एने नी हुशारी चालता एने नी परमेश्वरोन वचनमा भेसोक कोरतेला; बाकीन खोरला काजे सामने लावीन परमेश्वरोन सामने होर एक माणसोन सद्वी विवेक बुद्धीमा तिंदरी भोलाई बोसाळतला छे.

गलातियों 3:1

हे बिनादिमाकोण गलातिन माणसे, कून तुमु काजे मोनवी रोयू? तुमरो ते जोसो तुमरा डूवान सामने येसु मसिह ख्रुस पोर देखाळ छे.

इफिसीयो 6:11

परमेश्वरोन आखा हत्यार बांध लेवू कि तुमु भुतडान योजनान सामने उबा रोय सोकू.

1 तीमथी 3:6

ती यो कि नवला चेला नि होय, ओसो नी होय कि मोटाय कोरीन भुतडान तोसु दोंड जोळे.

2 तीमथी 1:15

तुसेक मालूम छे कि आसिया वावा आखा मारेंचा गोथा फिर गोया, जीनामा फुगल एने हिरमुगिनेस छे.

2 तीमथी 3:13

पुन दुष्ट एने भडकावने वावा धोकू देतला एने धोकू खातला, बिगडी जातला.

2 तीमथी 4:3

काहाकि ओसो टेम आवसे जेतार माणसे खोरलु प्रचार नि सहन कोर सोके, पुन कानटामा खुजलीन वोजेह आपनी लालचन कोरता आपनेन कोरता लोकेत प्रचारक हेरे लेसे.

इब्रानियो 13:9

भाती भातीन भुंडली शिक्षा सी घाबरायता झुनी काहाकि मोनोन मोंगसी मजबूत रोयनो वारू छे नी कि चोळावलो खाणो चीजोसी जीनु काजे तेरेसी काहीन लाभ नी होयो तीनुसी छेटा रोयु.

याकुब 1:6

पुन भुरसू राखीन मांगु, एने कानली शंकामा कोरु, काहाकि शंका कोरनेवावु दोरीयान झेलकोन सारखु छे जू वाहवासी वोयतली एने उछेवतेली छे.

याकुब 3:4

देखू, जहाज भी, कोदापी ओसो मोटो होयतला छे एने घोनो सोवटो वाहवू मा चालाय जातलु छे, तीबी एक नानली चाटान लारे डरावोरोन मोर्जीन अनसारे फेरवाय जातली छे.

2 पतरस 2:18

चे वायबार मोटायन वाते कोरीन लुचळान कामोन लारे, तिना माणसोन डीलोन भुंडली मोर्जी आपतला छे जे भोटकलामा गोथा हिमी निकवनेण बाजरोयला छे.

1 योहान 2:19

होया निकोवला ते आमरेमा गोथो छे, पुन आमरे मायला नि होता काहाकि जोर होया आमरे मायला होता, ती आमरे साते रोयता; पुन इनान कोरता निकवी गोया कि यो प्रकट होयो कि होया आखा आमरे मायला नि होय.

1 योहान 2:26

मे यी वात तुमुक हिंदरा बारामा लिखलू छे, यो तुमुक भनकावतलो छे;

1 योहान 4:1

हे मोंगावा, एक आत्मान तेरेन तोसो मा कोरु, नि ती आत्मा काजे पारखू कि चे परमेश्वर जुव गोथा छे कि नि; काहाकि झुटा भविष्य कोरणे वावा जोगोमा निकवीन आव लागला छे.

यहुदा 1:12

जे तुमरी मोंगोन सभामा तुमरे पुठी खातला-पितला, दोरीयामा डूकायला दोगळा सारखा छे, एने बेधडक आपनोत पेट भोरनेवावा राखवाव्या छे; चे बिना पाणीवावा वादवो छे, जीनुक वाहवो उळाव ली जातलो छे; पांटा गोवनेन बिना फोवोन झाड छे, जे दुय कावार मोर गोयला छे, एने मुवोम गोथा उखवी गोयला छे;.

प्रकाशित वाक्य 19:20

चो जोनावर, एने तेरे पुठी चू झुटू भविष्य कोरणे वावू धोराय गोयू जू हेरे सामने ओसलो निशाणी देखाळतू होतु जेरे लारे चू हिनुक भूलवाडयु जिना पोरसी तिना जोनावरोन छापू होतु एने जो हेरे मूर्तीन पूजा कोरता होता, जे दुयू जीवतला तिना आगठान झीलमा, जी गोंधकसी धोपतली छे, घालाय गोया.