7 मे परमेश्वरोन मोंगोन तिना दानोन अनसारे, जोतरी मोटला प्रभावोन अनसारे मेसे काजे आपाय गोयलो छे तिना वारली खोबरोन सेवक बोन्यू.
बाकीन प्रभू कोयू, “तू जात रोय; काहाकि यो ते दिसरा जातीन एने राजान एने इस्राईलोन सामने मारो नाव लेनेन मार नेवाळलु ठहरुलु छे.”
तिनान लारे दया एने प्रेषितोन सेवा जोळी कि तेरा नावोन वोजेसी आखा जातीन माणसे भुरसू कोरीन तेरो माने,
काहाकि तिना दयान वजेसी मेसेक जोळलो छे, तुमरे माईन होर एक जोना काजे कोयो कि जोसो सोमजनो जुवे तिनासी बोढीन कुदू बी खुदो काजे नि सोमजनो जुवे; बाकीन जोसू परमेश्वर होर एक भुरसान परिणामन अनसारे वाट देदलु छे, तोसुत वारला दिमाक साते आपनु काजे सोमजू.
कि मे दिसरा जातीन कोरता येसु मसिहन सेवक होयीन परमेश्वरोन वारली खोबर प्रचारोन सेवा पुजारा सारको कोर, जिनामा दिसरा जातीन चोळाव जाणेन पवित्र आत्मासी चुखो कोरीन स्वीकार कोराय जासे.
बाकीन मे जो कायबी छे, परमेश्वरोन दयासी छे. हेरी दया जी मार पोर होई, चो वायबार नी होयो; बाकीन मे हिमी आखा गोथू बोळीन मेहनत बी कोऱ्यु, तीबी यो मारे भूनी गोथो नी होयो बाकीन परमेश्वरोन दयासी जो मार पोर होतो.
अपुल्लोस काय छे? एने पौलुस काय छे? निस्ता सेवक, जिंदरे लारे तुमु भुरसू कोऱ्या, जोसू होर एक काजे प्रभू आप्यू.
जू आपनु काजे नोवला वायदान सेवक बोननेन लायक बी बोनाव्यू बुलनोन सेवोक नी बाकीन आत्मान, शब्द मारतलु छे एने आत्मा जीवाळतलु छे.
इनान कोरता जेतार आमरे उपर परमेश्वरोन ओसी दया होई कि आमु काजे जी सेवा जोळी ती आमु हिंमत नी छुळतला.
काहाकि जू पतरस काजे सुंता होयला माणसोमा प्रेषितोन काम मोटा ताकत साते कोराव्या, चू मेसेक बी दिसरी जातीन माणसोमा ताकत काम कोराव्यू.
एने तेरी ताकत आमरेमा जे भुरसू कोरतेला छे कोतरु मोटू छे, तेरी ताकतोन ओसोर तिना कामोन अनसारे.
अगर तुमु परमेश्वरोन तीना मोंगोन व्यवस्थान वारली खोबर सोमेवला छे, जो तुमरेन कोरता मेसे काजे आपलो होतो.
हिमी जो ताकत वावू छे कि आमरी विनता एने समज सी घोन सोवटो काम कर सोकतलु, तिना ताकत अनसारे जो आपनेमा काम कोरे.
मारे पोर जे चुखला माणसो मायला नानासी ते नानू यो मोंग होयो कि मे दिसरा जातीन काजे मसिहन घोन मोटो धोनोन वारली खोबर सोमवाळे.
जीनासी आखो डील होर एक जूळीन सहायतासी एखठा गाळायन तीना प्रभाव अनसारे जो होर एक डीलोन ठीक-ठीक कोरनेन लारे तीनुमा रोयतला छे आपना खुदो काजे बोढावता ती चा मोंगसी बोढती कोरतेली छे.
इनान कोरता मे तेरी तिनी ताकतोन अनसारे जू मारेमा ताकत साते ओसोर पाळे, ती तनमोन लागाळीन मेहनत बी कोरतेलू छे.
इनान कोरता आमु बी परमेश्वरोन धन्यवाद एक सारखा कोरतेला कि जेतार आमरे लारे परमेश्वरोन वचन तुमरेनचा पुग्यू, ती तुमु तिना काजे माणसोन नि बाकीन परमेश्वरोन वचन सोमजीन (एने छाचलीन यो ओसोत छे) स्वीकार कोऱ्या; एने चू तुमरा विश्वासीमा जे भुरसू कोरतेला, ताकत वावा छे.
तुमरा आखा वारला गुणोसी पुरो कोरे, जीनासी तुमु तेरी मोर्जी पुरी कोरु, एने जो काहीन तेरी नोजोरमा मोंगावू छे चू येसु मसिहन लारे आमरे महाय पुरा कोरे, तेरीत महिमा कायम होयती रोये. आमेन.