8 काहाकि भुरसान लारे दयासी तुमरो छुटकारू होयलो छे; एने यो तुमरे भूनी गोथा नी बाकीन परमेश्वरोन दान छे.
येसु तीनु काजे जोवाब आप्यू, “हे शिमोन, योनान पुऱ्यु, तू सोयावू छे; काहाकि मास एने लुयसी नी बाकीन मारू बास जू सोरगोमा छे, जी वात मार पोर देखाळलु छे.”
जेतार चे आव्या जे घोंटुभोर दाहळू रोयलु होतु ती तीनुक एक-एक दिनार जोळ्यो.
जू भुरसू कोरे एने बाप्तिस्मा लेये तेरूत छुटकारू होयसे, बाकीन जू भुरसू नी कोऱ्या चा गुणावा ठेराय जासे.
बाकीन चू बायोर काजे कोयू, “तारू भुरसू तुसे काजे वाचाड लेदलु छे, खुशालीमा जात रोय.”
जू पुऱ्या पोर भुरसू कोरतेलु ओमोर जीवन तेरो छे; बाकीन जू पुऱ्यान नि सोमवतेलु, चू जीवन काजे नि देखे, बाकीन परमेश्वरोन रीस तीना पोर रोयतली.”
येसु जोवाब आप्यू, “ओगर तू परमेश्वरोन वरदान काजे उवखती, एने यो बी जानती कि चू कून छे, जू तुसेक कोयने बाज रोयु, मेसेक पाणी पाव, ती तू तीना जूव मागती एने चू तुसेक जीवनोन पाणी आपतू.”
मे तुमु काजे छाचलीन-छाचलीन कोयो, यु मारू बुल सोमवीन मारा मुकलने वावा पोर भुरसू कोरतेलू छे, ओमोर जीवन तेरोत छे; एने तिना पोर दोंडोन आग्या नि होयतेली बाकीन चू मोरनेमा गोथू पार होयीन जीवनमा भोराय गोयलु छे.
येसु तीनुक कोयू, “जीवनोन रुटू मेत छे जू मारे साते आवे छे चू कोबी भूकलू नि रोये, एने जो मार पोर भुरसू कोरे चू कोबी तीसलु नि रोये.
जो काहीन बास मेसेक आपतलु छे चो आखो मारेनचा आवसे, एने जू कुदू मारेनचा आवसे तीना काजे मे कोबी बी नी निकावो.
काहाकि मारा बासोन मोर्जी जीत छे कि जो कुदू पुऱ्या काजे देखीन एने तीना पोर भुरसू कोरे; तीनाक ओमोर जीवन जोळे; एने मे तीनाक आखरी दाहळे पोछु जीव उठाळीस.”
कुदु मारे साते नि आव सोकतलू जेतार तोक बास, जू मेसेक मुकलू छे, तीनाक हापकी नि लेये; एने मे तीनाक आखरी दाहळे पोछु जीव उठाळीस.
एने येसु कोयू, “इनान कोरता मे तुमु काजे कोयलु होतु कि जेतार तोक कुदा काजे बासो जूव गोथो यो वरदान नि आपाय जाय तेत्यार तोक चू मारे साते नि आव सोकतलू.”
एने तिनान लारे होर एक भुरसू कोरणे वावू तिनी आखरी वातोसी छुटकारू लेतलु जीनासी तुमु मुसान नियम शास्त्रण लारे निरदोष नि ले सोकतला होता.
चा पुगीण चे मंडवी काजे एखठा कोऱ्या एने जो काहीन परमेश्वर तिंदरे साते कोरलु होतु तीनाक कोयीन सोमवाळ्या एने यो बी कि काहना भातीन परमेश्वर दिसरा जातीन कोरता विस्वासोन झोपलु उगाळलो छे.
बाकीन आमुक मालूम छे कि प्रभू येसुन दयामा आमरा छुटकारू होयलु छे जिना रितीसी तिंदरी.”
लुदिया नावोन थुआतीरा देसोन जामन्या रोगोंन कापळा वेचने वावी एक भोक्तोन बायर सोमवी रोयी होती, प्रभू तेरु मोन उगाळ देदू कि ची पौलुसोन वातो पोर ध्यान लागाळे.
चे कोया “प्रभू येसु पोर भुरसू कोर ती तू एने तारो घोरानाक छुटकारू जोळसे.”
ओवतेन जीनु पोर चे भुरसू नी कोऱ्या चे तेरो नाव कोसा लेसे? एने जिनान बारामा सोमव्या नी तीना पोर भुरसू कोसा कोरसे? एने प्रचार कोरणे वावा विगुर प्रचार कोसा सोमोवसु?
आखरी भुरसू सोमवनेसी मसिहन वचनोसी होयतलो छे.
इनान वोजेसी वायदू भुरसान लारे छे, कि चे दयान रिती पोर कि चे तेरे आखा पीढीन कोरता मजबूत होये, नी ते निस्तु तेरेन कोरता जू शास्त्रनियोम वावू छे; बाकीन तेरेन कोरता बी जू अब्राहाम सारकू भुरसावाला छे, चू आमरा आखान बास छे,
बाकीन जो काम नी कोरे बाकीन बिना भोक्तीन धोरमी ठेरायने वावा पोर भुरसू कोरतेलू, तेरु भुरसू तेरेन कोरता धोरमी गीनाय जातलो.
एरेन कोरता यो नि ते चाहणे वावान नी दोवोळने वावान बाकीन दया कोरने वावा परमेश्वरोन वात छे.
यो इनान कोरता होयो, कि अब्राहामन आशिष मसिह येसुमा दिसरा जाती तोक पुगे एने आमरा भुरसान लारे चू आत्मा काजे स्वीकार कोरे जेरी वायदू होयली छे.
बाकीन पवित्र शास्त्रामा आखा काजे पापोन ताबामा कोर देदु, काहाकि चू वायदान आधार येसु मसिह पोर भुरसू कोरनो छे, भुरसू कोरणे वावान कोरता पुरो होय जाय.
एने तेरी ताकत आमरेमा जे भुरसू कोरतेला छे कोतरु मोटू छे, तेरी ताकतोन ओसोर तिना कामोन अनसारे.
काहाकि आपनु तेरा बोनावला एने मसिह येसुमा तिना वारला कामोन कोरता बोनवाय गोयला जीनु काजे परमेश्वर पेहेले गोथो आपना काजे कोरणेन कोरता तीयार कोऱ्यु.
जेतार आपनु गुणान वजेसी मोरला होता ती आपनुक मसिह साते जीवाळ्यु (मोंगसी तुमरो छुटकारू होयलो छे).
काहाकि मसिहन वजेसी तुमरे पोर यो गिन होयी कि नी तीनु पोर जो भुरसू कोरे बाकीन तिंदरेन कोरता दुख भी उठाव्यू.
एने तेरे साते बाप्तिस्मामा गाळाय गोया एने तीनामा परमेश्वरोन ताकत पोर भुरसू कोरीन जू तीनाक मोरलाम गोथू जीवाळ्यू तेरे साते जीव उठ्या.
चे प्रभून अगोव गोथा एने तेरी ताकतोन तेरा जोस सी नांबे होईन ओमोरकाईन विनाशोन दोंड जोळसे.
काहाकि जे माणसे एक कावा विजावो ली लेदला एने सोरगोन वोरदानोक चाख लेदा एने पवित्र आत्मान भागीदार बोनाव लेदला छे.
जिंदरी राखवावी परमेश्वरोन ताकतसी भुरसान लारे तीना छुटकारान कोरता, जू आवनेन टेमोमा प्रकट होयनेवाली छे, कोराय जातली छे.