इफिसीयो 2:2 - बारेली पावरी

² जीनामा तुमु पेहेले इना संसारन रिती पोर एने वादवा मायला मालकोन राज मतलब तिना आत्मान अनसारे चालता होता, जे हीमी बी आग्या नि मानने वावामा काम कोरतेलू छे.

इफिसीयो 2:2 ပူးပေါင်းရင်းမြစ်များ

मत्ती 11:19

माणसोन पुऱ्यु खातू-पीतू आव्यु, एने कोयतेला, देखू, खादळ्यु एने मोंदळ्यु माणूस, फावू लेनेवावा एने पापी माणसोन दुस्तीदार बाकीन ग्यान तेरा काममा खोरलो ठेराय गोयलो छे.

मत्ती 13:22

जो झाडक्यामा वेरायलो होतो, यो चो छे, जू वचन काजे सोमोवतलु छे, बाकीन चे इना संसारोन चिंता एने धोनोन धुकू वचन काजे दाब देतला छे, एने चो फोव नी लावतलो,

मत्ती 13:38

खेत जोग छे, वारलो बीज राज्योन पुऱ्या, एने जंगली बीज भुतडान छे.

मरकुस 4:19

एने संसारोन चिंत्ता, एने धोनोन धोकू, एने दिसरा चीजोन लालच तीनामा भोरायीन वचन काजे डाब देतला एने चे निसफोव रोय जातेला.

लुका 16:8

“मालिक तिना झुटा अधोरमीन वाह-वाह कोऱ्यु, चू हुशारीसी काम कोरतेलू छे काहाकि इनी संसारोन माणसे आपना टेमोन माणसो साते रिती-रीवाजोन विजावान माणसो गोथा बी घोणा हुशार छे.”

लुका 22:31

“शिमोन हे शिमोन देख, भुतडू तुमु माणसो काजे मांग लेदलु छे कि गोहून तोसो झाडे,

योहान 12:31

हिमी इना जोगोन नियाव होयसे, हिमी इना जोगोन सरदार; निकवाय जासे.

योहान 13:2

जेतार भुतडू शिमोनोन पुऱ्यु यहुदा इस्कारीयोतन मोनोमा यो नाख देदलु होतु कि चू धोरावे, ती खाणो खाणेन टेमे.

योहान 13:27

भूकरु लेतेच भुतडू तीनामा भोराय गोयू तेत्यार येसु तीना काजे कोयू, “जो तू कोयने बाज रोयू, मामार कोर.”

योहान 14:30

मे हिमी तुमरे साते ओवी वाते नि कोरो, काहाकि इना जोगोन सरदार आव रोयू मारे पोर तेरु काय होक नी होय;.

योहान 15:19

ओगर तुमु जोगोन रोयता, ती जोग आपनेसी मोंग कोरतू; बाकीन इनान कोरता कि तुमु जोगोन नि होय, बाकीन मे ते तुमुक जोगोमा गोथू नेवाळ लेदलु छे, इनान कोरता जोग तुमरे पोर दुष्मोनी कोरतेला छे.

योहान 16:11

नियावोन बारामा इनान कोरता कि जोगोन सरदार गुणावू ठेराय गोयलु छे.

योहान 7:7

जोग तुमरे पोर दुष्मोनी नि कोर सोकतलो, बाकीन चो मारे साते दुष्मोनी कोरतेला काहाकि मी तेरे खिलापमा जी गोवायी आपलु छे कि तेरा कामे भुंडला छे.

योहान 8:23

येसु तीनु काजे कोयू, “तुमु नेचलान छे, मे उपोर गोथू छे; तुमु जोगोन छे, मी जोगोन नि होय.

योहान 8:44

तुमु तुमरा बास भुतडासी छे एने तुमरा बासोन मोर्जी काजे पुरी कोरणे चाहतला. चू ते सुरवाती गोथूच हत्यारु एने खोरला पोर सुदू नि रोयू, काहाकि खोरलो तीनामा होतो नि जेतार चू झूट बुलतलु, ती तेरा स्वभावमा गोथूच बुलतलू; काहाकि चू झुटू छे एने झुटोन बास छे.

प्रेषित 19:35

तेत्यार नोगोरोन मंत्री माणसो काजे हुगा कोरीन कोयु, “हे इफिसोन माणसे, कून नी जानतला कि इफिसोन नोगोर महान देवी अरतिमिसन मंदीर, एने जुसोन भूनी गोथी पोळली होती मूर्तीन राखावावी कोरन्यू छे.

प्रेषित 5:3

पतरस कोयू हे हनन्या! भुतडो तारा मोनोमा जी वात काहा नि कोयू कि तू पवित्र आत्माक झूट बुलने एने जागान दामोमा गोथो काहीन निकावीन मेक लेदू.

रोमी 12:2

इना संसारोन तोसा मा बोनु, बाकीन तुमरो मोन नोवला होयनेसी तुमरी चाल-चलन बी बोदेलतो जाय, जिनासी तुमु परमेश्वरोन वारली एने गोवणे वावो, एने पाकी मोर्जी अनुभव सी मालूम कोरता रोयू.

1 कुरीन्थियो 5:10

यो नि कि तुमु निस्ता इना जोगोन व्यभिचारोन नीती लोभी नीती जुलूम कोरणे वावा, नीती मूर्तीन पुजा कोरणे वावान संगती मा कोरु; काहाकि इना देसोमा ते तुमुक जोगोमा गोथो निकवी जाणो पोळसे.

1 कुरीन्थियो 6:11

एने तुमरेमा गोथा कोतरा ओसात होता, बाकीन तुमु प्रभू येसु मसिहन नावोसी एने आमरा परमेश्वरोन आत्मासी धुवाय गोया एने चुखो होया एने धोरमी ठेराया.

2 कुरीन्थियो 4:4

एने तीनु अविस्वासन कोरता जिंदरी बुद्धी इना संसारोन भोगवान आंदवी कोर देदलु छे, काहाकि मसिह जू परमेश्वरोन प्रतिरूप छे, तेरे विजावान वारली खोबरोन विजावो तीनु पोर चोमके.

गलातियों 1:4

चू खुदो काजे आपना पापोन कोरता आप देदू, काहाकि आपनु परमेश्वर एने बासोन मोर्जीन अनसारे आपुक इनी भुंडला संसारसी छुळावे.

इफिसीयो 1:21

आखा भातीन नियम एने होक एने प्रधानता एने ताकत एने राज एने होर एक नावो पोर जे निस्ता इना टेमोमा नि, बाकीन आवने वावा टेमो पोर बी लेवाय जासे, बोसळया.

इफिसीयो 2:11

इना वजेसी फोम कोरु कि तुमु जे डीलोन रितीमा दिसरा जातीन छे एने जे माणसे डीलोन हातोसी कोरला सुंतान सुंता वावा कोवायता होता चे तुमु काजे बिगर सुंता वावा कोयतेला.

इफिसीयो 2:13

बाकीन हिमी येसु मसिहमा तुमु जे पेहेले नांबे होता मसिहन लुयोन लारे साते होय गोयला छे.

इफिसीयो 2:3

इनामा आमु बी आखान आखा पेहेले आपना डीलोन मोर्जीमा दाहळा जावाळता होता एने मोनोन मोर्जी पुरी कोरता होता एने दिसरा माणसो सारखो स्वभाव सी रीसोन पुऱ्या होता.

इफिसीयो 4:17

इनान कोरता यो कोयो कि एने प्रभूमा विनता कोरो कि जोसा दिसरा जातीन माणसे आपना मोनोन दिसरा रिती पोर चालतला तुमु आखा हिमी गोथा ओसा मा चालु.

इफिसीयो 4:22

कि तुमु पोछला चाल-चलन अनसारे जुनलो स्वभाव काजे जी भोरमायलो वावी लालचोन अनसारे नाश होय जातलो छे उतार नाखू.

इफिसीयो 5:6

कुदू तुमुक वायबार वातोसी धुकू नी देनो जुवे काहाकि इनान कामोन वोजेसी परमेश्वरोन रीस आग्या नि मानने वावा पोर पोळतेली छे.

इफिसीयो 5:8

काहाकि तुमु ते पेहेले आंदारलामा होता बाकीन हिमी प्रभूमा विजावो छे आखरी विजावान पुऱ्या सारखा चालू.

इफिसीयो 6:12

काहाकि आपनो यो लोळायनो लुय एने मासोपुठी नी होय बाकीन प्रधानो पुठी, एने अधिकारी पुठी एने इना जोगोन आंदारलान सुभेदारोपुठी एने भुंडला भुंड लाव आत्मिक सेना पुठी छे जे सोरगोमा छे.

कुलुस्सि 1:21

तुमु जे पेहेले निकाव लेदला होता एने बुरो कामोन लारे मोनोमा दुष्मोन होता.

2 तीमथी 4:10

काहाकि कि देमास इना संसार काजे मोंगावू जानीन मेसे काजे छुळ देदलु छे एने थेस्सलुनीकामा जात रोयलु छे. क्रेसकेस गलातियानचा एने तीतुस दलमतीया काजे जात रोयलू छे.

याकुब 1:27

आमरू परमेश्वर एने बासोन साते चुखली एने वारलु आराधना जी छे कि विखावावू एने रोंडायलीन दुखोमा तेरी खोबर लेय, एने आपनी आप काजे जोगोसी निरदोष राख.

याकुब 1:7

ओसलु माणूस यो नि सोमजे कि मेसे काजे प्रभू जुव सी कानली जोळसे.

याकुब 4:4

हे भुंडला विचारोन काय तुमु नी जानतला कि संसारमा दोस्ती कोरणे परमेश्वर सी नांबे कोरनो छे? आखरी जुव कुदू जोगोन दुस्ती होयने जुवे, चू आपने आप काजे परमेश्वरोन वैरी बोनावतलो छे.

1 पतरस 1:14

आग्या पावने वावा पुऱ्यान ओगोव आपनी अग्यानता टेमोन जुनली लालचोन तोसा मा बोनु.

1 पतरस 4:3

काहाकि दिसरा जातीन मोर्जी अनसारे काम कोरणे, एने लुचळा भुंडली लालूच, मोतलोबी, लीलाक्रीडा, मोंदळ्या एने भुंडला नीती मूर्ती पूजामा जा तोक आपनु पेहेल टेमे खुवाळ्या, चू जादा होये.

2 पतरस 2:14

तिंदरा डूवामा वैश्या मा बसला छे, एने चे पाप कोरे बिना रोय नि सोकतला, चे अस्थिर मोनवावा काजे फुसलावी लेतला छे; तिंदरा मोनो काजे लाभ कोरणेन पोढायी होय गोयलु छे; चे रीसोन वारीस छे.

1 योहान 3:10

इनामा परमेश्वरोन पुऱ्या एने भुतडान पुऱ्या उवखाय जातला छे; जो कुदू धर्मान काम नी कोरलु चू परमेश्वरसी नी होय, एने नि चू जू आपना भाशो पोर मोंग नी कोरतेलु.

1 योहान 3:8

जू कुदू पाप कोरतेलु छे चू भुतडा जुव गोथो छे काहाकि भुतडू सुरुसी पाप कोरतू आवलु छे, परमेश्वरोन पुऱ्यु इनान कोरता प्रगट होयू कि भुतडान कामोन नाश कोरु.

1 योहान 4:4

हे पुऱ्या, तुमु परमेश्वरोन छे, एने तुमु तीना पोर जीत गोयला छे; काहाकि जो तुमरेमा छे चू तेरेमा जो जोगोमा छे मोटलु छे.

1 योहान 5:19

आमु जानतला कि आमु परमेश्वरोनचा गोथा से एने आखो जोग भुतडान वशमा छे.

1 योहान 5:4

काहाकि जो काय परमेश्वर जू गोथो बोनलो छे, चू जोगो पोर जय हासील कोरे; एने चू विजय जीनासी जोगो पोर जय हासील कोरला छे, आमरू भुरसू छे.

प्रकाशित वाक्य 12:9

तेत्यार चा मोटलु अजगर, मतलब, चू जुनलू घोळसु जू इबलीस एने भुतडू कोवायतलु छे एने आखो जोगोन भळकावने वावू छे, धोरती पोर पाळाय गोयू, एने तेरा दूत तेरे पुठी पाळ गोया.

प्रकाशित वाक्य 13:14

तिना निशाणीन वजेसी, जू तिना चिल्ला सामने देखाळनेन होक तीनाक आपाय गोयलु होतु, चू कोवीम रोयने वावा काजे भुलवाडतू होतु एने कोवीन रोयने वावासी कोयतु होतु कि जिना चिल्लान तलवार लागली होती चू जीव गोयलु छे, तेरी मूर्ती बोनाव्यू.

प्रकाशित वाक्य 13:8

कोवीन चे आखा रोयने वावा, जिंदरे नावे तिना गाडरा काजे जीवनोन किताबमा लिखाय नी गोयो जू जोगोन पेहलेत टेमे घात होयलू छे, तिना चिल्लान पूजा कोरसे.

प्रकाशित वाक्य 16:17

सातवू सोरग दूत तेरो वाटको वाहवा पोर रेचवी देदू, एने मंदीरोन सिहासन गोथू यो बुल सोमवायो, “होय.”

प्रकाशित वाक्य 20:2

चू तिना अजगर, मतलब जूनला घोळसा काजे, जू इबलीस एने भुतडू छे, धोरीन होजार सालोन कोरता बांध देदु,