इफिसीयो 2:18 - बारेली पावरी

¹⁸ काहाकि तिनान लारे आमु दुयू एक आत्मामा बासोनचा पुगाळतलो.

इफिसीयो 2:18 ပူးပေါင်းရင်းမြစ်များ

मत्ती 28:19

इनान कोरता तुमु जावू, आखा जात्यान माणसो काजे चेला बोनावू; एने तीनुक बास, एने पुऱ्यु, एने पवित्र आत्मान नावोसी बाप्तिस्मा आपु.

योहान 10:7

तेत्यार येसु तीनु काजे ओवी कोयू, “मे तुमु काजे छाचलीन-छाचलीन कोयो कि गाडरान झोपलु मी छे,

योहान 10:9

झोपलु मी छे अगर कुदू मारे झोपले माइन भोराये ती छुटकारू जोळसे एने माही-बारथे आव जाव कोरसे एने चारू जोळसे.

योहान 14:6

येसु तीनु काजे कोयू, “वाट एने खोरलु एने जीवन मेत छे; बिना मारे विगुर कुदू बासोनचा नि पुग सोकतलु.

रोमी 5:2

जिनान लारे भुरसान वजहसी तिना दया तोक जीनामा आमु बोनला छे, जा आमु पुग बी गोया एने परमेश्वरोन महिमान आसोपोर मोटाय कोरे.

रोमी 8:15

काहाकि तुमुक गुलामोन आत्मा नी कि तुमु बिही जावू, बाकीन सेवेत्र्यु मोंगोन आत्मा जोळली छे, जीनामा आपु हे अब्बा, हे बास कोयीन आयळीन कोयतेला.

1 कुरीन्थियो 12:13

काहाकि आखा यहुदि होय काय युनानी, काय पावोर होय काय छुटकारू एकुत आत्मान लारे एक डील होयनेन कोरता बाप्तिस्मा लेदू, एने आपनु आखा काजे एकुत आत्मा पिवाळी छे.

1 कुरीन्थियो 8:6

ते बी आमरेन कोरता ते एकुत परमेश्वर छे; मतलब बास जिना तोरोफसी आखा चीजे एने आपना तिनान कोरता छे मतलब, येसु मसिहन जिनान लारे आखा चीजे बोन्या एने आपनु तेरे लारे.

गलातियों 4:6

एने तुमु जा पुऱ्या छे एरेन कोरता परमेश्वर आपना पुऱ्यान आत्मा काजे, जो छे हे अब्बा, हे बास कोयीन आयेळतेलु; आमरा मोनमा मूकल्यु.

इफिसीयो 3:12

जीनामा आमु काजे तीना पोर भुरसू कोरणेसी हिंमत भुरसासी परमेश्वर साते आवनेन होक छे.

इफिसीयो 3:14

मे इना वजेसी तिना बास ओगोव मांडा टेको.

इफिसीयो 4:4

एकुत डील छे एने एकुत आत्मा छे; जोसो तुमु काजे जे बुलावला गोयला होता आपना बुलावनेसी एकुत आस छे.

इफिसीयो 6:18

हर टेमे एने हर भातीसी आत्मान प्रार्थना, एने विनता कोरता रोयू कि आखा चुखला माणसोन कोरता जागता रोये कि आखा पवित्र माणसोन कोरता लगातार विनता कोऱ्या कोरु.

कुलुस्सि 1:12

एने बासोन धन्यवाद कोरो जू आमु काजे एरे लायक बोनायू कि विजावामा चुखला माणसो साते वाटामा सहभागी होये.

इब्रानियो 7:19

काहाकि शास्त्रनियमोन लारे (सिद्धता) पाको नी होयतलो ती दिसरी एने वारली ओसी आस मेकायली छे, जिनान लारे आपु परमेश्वर साते आवतेला.

याकुब 3:9

इनासी आमु प्रभू एने बासोन स्तुती कोरतेला छे, एने इनासी माणूस काजे जो परमेश्वरोन रूपमा बोनावला छे, शाप देतला छे.

1 पतरस 1:17

एने तेत्यार तुमु “हे बास” कोयीन तेरेनचा प्रार्थना कोरतेला छे, जू बिगुर भेदभाव हर एकोन कामोन अनसारे न्याय कोरतेलू छे, ती आपनी पोरदेशी होयनेन टेम बिहीन निकावू.

1 पतरस 1:21

तेरे लारे तुमु तिना परमेश्वर पोर भुरसू कोरतेला छे, जीनाक मोरलामा गोथो जीवाळ्यो एने महिमा आप्यू कि तुमरु भुरसू एने आस परमेश्वर पोर होयसे.

1 पतरस 3:18

एरेन कोरता मसिह भी, मतलब अधोरमीन कोरता धोरमी, पापोन वजेसी एक कावा दुख झेललु तेत्यार आमु काजे परमेश्वरोनचा पुगाळे, चू डीलोन भाव से ती माराव देदा, बाकीन आत्मान भावमा जीवतु होय जासे.

यहुदा 1:20

बाकीन हे मोंगावा, तुमु आपना जादा चुखला भुरसामा बोढती कोरता जायीन एने पवित्र आत्मामा प्रार्थना कोरता जायीन,