इफिसीयो 2:14 - बारेली पावरी

¹⁴ काहाकि चू आमरो मेव छे जू दुयू काजे एक कोर देदु एने ओलोग कोरणे वावा भीतळा काजे जी इचमा होती पाळ देदु.

इफिसीयो 2:14 ပူးပေါင်းရင်းမြစ်များ

लुका 1:79

कि आंदारान एने मोतोन सहावामा बोसने वावा काजे विजावो आपे, एने आमरा पायो काजे शांतीन वाटे सुदा चालाळे,

लुका 2:14

“सोरगोमा परमेश्वरोन महिमा एने धोरती पोर जीना माणसोमा चु खुश छे, शांती होये.”

योहान 10:16

मारा ओवी बी गाडरा छे, जे इना गाडरान वाडामा नि होय मेसेक तीनुक बी लावणो जोरुरी छे चे मारा बुल सोमोवसे, तेत्यार एकुत टुवू एने एकुत गुवाव्यू रोयसे.

योहान 11:52

एने नि निसतू तीना जातीन कोरता बाकीन इनान कोरता कि परमेश्वरोन वेरायला पुऱ्या काजे एखठा कोरे.

योहान 16:33

मे जे वाते तुमु काजे इनान कोरता कोयलु छे कि तुमुक मारेमा शांती जोळे जोगोमा तुमुक दुख होयतलो छे, बाकीन हिंमत धरु, मे जोगो काजे जीक लेदलु छे.

प्रेषित 10:28

तीनु काजे कोयू, “तुमुक मालूम छे कि दिसरा जाती साते दुस्ती कोरनो एने तिंदरेनचा जाणो यहुदिन कोरता रिती रिवाज खिलाप छे बाकीन परमेश्वर मेसेक देखाळ्यू छे कि कुदु माणसो काजे भुंडलो मा कोयू.

प्रेषित 10:36

जो वचन चू इस्राईलोन चा मूकल्यु, जेतार चू येसु मसिहन लारे (यो आखो काहीन प्रभू छे) शांतीन वारली खोबर सोमवाळ्यु.

रोमी 5:1

आखरी, जेतार आमु भुरसासी धोरमी ठेराया, ती आपना प्रभू येसु मसिहन लारे परमेश्वर साते मेव राखे.

गलातियों 3:28

हिमी नी कुदू यहुदि रोयू, नी युनानी, नी कुदू पावोर, नी स्वतंत्र, नी कुदु नोर, नी कुदु नारी, काहाकि तुमु आखा मसिह येसुमा एक छे.

इफिसीयो 2:15

एने आपना डीलोमा दुष्मोनी मतलब चे नियम शास्त्र जेरी आग्या नियमोपोर होती मिटाळ देदु कि दुयोसी आपनेमा एने नोवलु माणूस पोयदा कोरीन मेवाळ देदु.

इफिसीयो 2:17

चू आवीन तुमु काजे जे नांबे होता एने तीनु काजे जे साते होता दुयू काजे हिव मेवीन वारली खोबर कोयू.

इफिसीयो 3:15

जीनासी सोरग एने धोरती पोर होर एक घोरोन नाव मेकाय जातलो छे.

इफिसीयो 4:16

जीनासी आखो डील होर एक जूळीन सहायतासी एखठा गाळायन तीना प्रभाव अनसारे जो होर एक डीलोन ठीक-ठीक कोरनेन लारे तीनुमा रोयतला छे आपना खुदो काजे बोढावता ती चा मोंगसी बोढती कोरतेली छे.

कुलुस्सि 1:20

एने तेरे ख्रुस पोर वोयलो लुयोन लारे मेवाळने कोरीन आखा चीजोन तेरेत लारे आपने साते मेवाय जाय चाहे चे धोरती पोरला होय कि सोरगो मायला होय.

कुलुस्सि 2:20

जेतार कि तुमु मसिह साते जोगो काजे पेहेलेन शिक्षा भूनी गोथा मोर गोया, ओवतेन काहा तिंदरे सारखा जे जोगोमा छे जीवन जोगतला छे? तुमु ओसली विधीन ताबामा काहा रोयतला.

कुलुस्सि 3:11

तीनामा नि ते युनानी, नि यहुदि, नि सुंता, नि बिगर सुंता वावू, नि जोंगली, नि स्कुती, नी गुलाम, एने नि आजादी, निस्तु आखा काहीन एने आखामा मसिह छे.

कुलुस्सि 3:15

मसिहमा शांती जिनान कोरता तुमु एक डील होयीन बुलावला छे तुमरा मोनमा राज कोरे, एने धन्यवाद कोरता रोये.

इब्रानियो 13:20

हिमी शांती दाता परमेश्वर, जू गाडरान महान राखवाव आपना प्रभू येसु काजे ओमोरकाईन वायदान कोरता लुयोन लारे मोरलामा गोथू जीवतु कोर देदु.

इब्रानियो 7:2

इना काजे अब्राहाम तेरी आखा चीजोन दाहवू हिस्सू बी आप्यू. यो पेहेले खुदोन नावोन मतलबोन अनसारे, धोरमोन राजा एने शालेम राजा मतलब शांतीन राजा छे.