इफिसीयो 2:12 - बारेली पावरी

¹² तुमु माणसे तिनी टेमे मसिहसी ओलोग एने इस्राईलोन माणसोन पोदसी ओलोग कोरायला एने वायदान भागीदार नी होता एने बिन आसोन एने जोगोमा बिना परमेश्वरोन होता.

इफिसीयो 2:12 ပူးပေါင်းရင်းမြစ်များ

लुका 1:72

कि आमरा आळखा-बुळकापोर दया कोरीन आपनी चुखला वायदान फोम कोरे,

योहान 10:16

मारा ओवी बी गाडरा छे, जे इना गाडरान वाडामा नि होय मेसेक तीनुक बी लावणो जोरुरी छे चे मारा बुल सोमोवसे, तेत्यार एकुत टुवू एने एकुत गुवाव्यू रोयसे.

योहान 15:5

मे आंगुरोन वेलू छे, तुमु डाव्या छे जो मारेमा जुळायीन रोयतलु छे एने मी तिंदरेमा, चू जादा फोव फोवाळतलु छे, काहाकि मारे गोथा ओलोग होयीन तुमु कायबी नि कोर सोकतला.

योहान 4:22

तुमु जीनाक नि उवखतला तेरी आराधना कोरतेला; एने आमु जीनाक उवखतला तेरी आराधना कोरतेला; काहाकि छुटकारू यहुदिमा गोथू छे.

प्रेषित 2:39

काहाकि यु वायदू तुमरे गोथा तुमरा पुऱ्या पारी एने तुमरे आखान कोरता जे नांबे-नांबे छे मतलब जे आखा जीनुक प्रभू आपनु परमेश्वर तेरेनचा बुलावसे.

प्रेषित 28:20

इनान कोरता मे विनता कोऱ्यु कि तुमु माणसो काजे मेवो एने वात कोरो काहाकि इस्राईलोन आसोन वजेसी साकव्यामा बंदी वानी छे.

प्रेषित 3:25

तुमुत ते भविष्य कोरता पुऱ्या एने तिना वायदान भागीदार छे जीनाक परमेश्वर तुमरे एने तुमरा अब्राहाम काजे यो कोयतू जायन तुमरा डाहला इंदरे साते बांद्लू होतु; जेतार चू अब्राहाम काजे यु कोयतू जायन पिढीन लारे जोगोन आखा आशिषित होयसे.

रोमी 9:8

मतलब डीलोन पुऱ्या परमेश्वरोन पुऱ्या नी होय बाकीन वायदान पुऱ्या पिढीमा गीनाय जातलु छे.

गलातियों 4:8

पेहेले ते तुमु परमेश्वर काजे नी उवखीन तिंदरा दास होता जे स्वभावोमा परमेश्वर नी होय,

इफिसीयो 2:19

इनान कोरता तुमु हिमी दिसरा एने भोटकने वावा नी होय बाकीन चुखला माणसोन साते आपना देसोन एने परमेश्वरोन घोरानान होय गोया.

इफिसीयो 4:18

काहाकि तिंदरी दिमाक आंदारी होय गोयली छे एने बिना जानकारीन वजेसी जो तीनुमा छे एने तिंदरो मोनोन वातळो होयनेन वोजेसी चे परमेश्वरोन जीवनोसी ओलोग कोरला छे.

कुलुस्सि 1:21

तुमु जे पेहेले निकाव लेदला होता एने बुरो कामोन लारे मोनोमा दुष्मोन होता.

कुलुस्सि 1:27

जीनु पोर परमेश्वर प्रकट कोरणेन कोऱ्यु तीनुक ग्यान जोळे कि दिसरा जातीमा तीना भेदोकाजे महिमान किमोत काय छे, एने चू जो छे कि मसिह जू महिमान आस छे तुमरेमा रोयतलु छे.

कुलुस्सि 1:5

तिनी आस कोरली चीजोन वजेसी जो तुमरेन कोरता सोरगोमा मेकली छे, जेरा बारामा तुमु तीना वारली खोबरोन खोरलो वचन काजे सोमवी लेदला छे.

1 थिस्सलुनीकियो 4:13

हे भाशो आमु नि जानतला कि तुमु तिंदरा विषयोमा जे सुवतला छे, अनपड रोये; ओसो नि होय कि तुमु दिसरान तोसो शंका कोरे जीनु काजे आस नि होय.

1 थिस्सलुनीकियो 4:5

एने यो काम गोलोत मोर्जीसी नी, एने नि तिंदरा जातीन तोसा जी परमेश्वर काजे नि मानतली.

2 थिस्सलुनीकियो 2:16

आमरू प्रभू येसु मसिह आपसुत, एने आमरू बास परमेश्वर जू आमरेपोर मोंग कोऱ्यु एने ओमोरकाई शांती एने वारली आस आपलु छे.

1 तीमथी 1:1

पौलुसनचा गोथू जू आमरू छुटकारू आपन्यु परमेश्वर एने आमरी आसोन लारे मसिह येसुन आग्यासी मसिह येसुन प्रेषितोन छे.

इब्रानियो 11:34

आगठीन आच काजे हुगरायदेदा, तलवारोन धारसी वाच गोया कोमजूरी ताकत वावा कोराय गोया, लोळाय जीकीन देखाळया, विदेशी सेना काजे ठूकिन दोवळाव देदा.

इब्रानियो 6:18

कि आपनु दुय पाका वातोन लारे जीना बारामा परमेश्वरोन झूट ठरण नि होयने वावो छे, आपनो हिंमतसी वातळो बांदाय जा शरण लेनेन कोरीन एरेन कोरता दोवळे कि तिनी आस काजे ली लेये.

इब्रानियो 8:6

बाकीन हिमी तीनु पुजारा गोथा बी बोढीन येसु मसिह काजे सेवकाईन जोळली छे, काहाकि चू तिनी वारली वायदान अगवू ठेऱ्यू एने जू ओवी बी वारली वायदान आधारोपोर बांदायली गोयली छे.

1 पतरस 1:21

तेरे लारे तुमु तिना परमेश्वर पोर भुरसू कोरतेला छे, जीनाक मोरलामा गोथो जीवाळ्यो एने महिमा आप्यू कि तुमरु भुरसू एने आस परमेश्वर पोर होयसे.

1 पतरस 1:3

आपने प्रभू येसु मसिहन परमेश्वर एने बासोन धन्यवाद होये, जिना काजे येसु मसिहन मोरलाम गोथू जीव उठनेन लारे, तेरी मोटली दया से आमु काजे जीवतली आसोन कोरता नोवलो जन्मो आप्यू,

1 पतरस 3:15

बाकीन प्रभू येसु मसिह काजे जानीन आपना आपने मोनमा चुखो सोमजू, जू कुदू तुमरेसी तुमरे आसोन बारामा काय पुछे, तीनाक जोवाब आपने कोरता हमेशा तीयार रोयू, बाकीन नम्रता एने बिक साते;

1 योहान 3:3

एने जू कुदू तीना पोर जी आस राखतलु छे चू आपने खुदो काजे तोसुत चुखा कोरतेला जोसू चू चुखलु छे.