इफिसीयो 2:10 - बारेली पावरी

¹⁰ काहाकि आपनु तेरा बोनावला एने मसिह येसुमा तिना वारला कामोन कोरता बोनवाय गोयला जीनु काजे परमेश्वर पेहेले गोथो आपना काजे कोरणेन कोरता तीयार कोऱ्यु.

इफिसीयो 2:10 ပူးပေါင်းရင်းမြစ်များ

मत्ती 5:16

इना रितीसी तुमरो विजावो, माणसोन सामने चोमके कि चे तुमरा वारला कामो काजे देखीन तुमरु बास जू सोरगोमा छे, महिमा कोरे.

योहान 3:21

बाकीन जू खोरला पोर चालतलु, चू विजावान साते आवतेलु, काहाकि तेरा कामे देखायनो जुवे कि चू परमेश्वरोन तोरोफसी कोरायला छे.”

प्रेषित 9:31

आखरी आव्या यहुदि, गलील एने सामरिया मंडवी काजे शांती जोळी, एने तेरी बोढती होयती गोयी, एने ती प्रभून बिक मा चालती एने पवित्र आत्मासी बोढती गोयी.

प्रेषित 9:36

यापोमा तबीता मतलब दुर्कस नावोन एक चेला रोयती होती जी बाय हमेशा वारला-वारला कामे एने दान कोऱ्या कोरती होती.

रोमी 8:1

आखरीमा हिमी जे येसु मसिहमा छे तीनु पोर दोंडोन आग्या नी होय काहाकि चे डीलोन अनसारे नी बाकीन आत्मान अनसारे चालतला.

रोमी 8:29

काहाकि जीनु काजे चे पेहेलेसी सोमजी गोयला छे तीनु काजे पेहेलेसी ठेराय गोयलो छे कि तेरा पुऱ्यान रुपमा छे, काहाकि चू भाशोमा पेहेलु ठेराये.

1 कुरीन्थियो 3:9

काहाकि आमु परमेश्वरोन साथीदार छे; तुमु परमेश्वरोन खेत एने परमेश्वरोन भवन छे.

2 कुरीन्थियो 5:17

इनान कोरता अगर कुदू मसिहमा छे ती चा नोवला पोयदाईश छे, जूनला वाते जाता रोया देखू आखा वाते नोवला होय गोया.

2 कुरीन्थियो 5:5

जू आपनु काजे इनी वातोन कोरता तीयार कोरतेलू छे चू परमेश्वर छे जू आपुक मोकवोन आत्मा आपलु छे.

2 कुरीन्थियो 9:8

परमेश्वर आखी भातीन दया घोनी सोवटी आप सोकतेलु जिनासी आखी वाते होर एक टेमे, आखो काय जो तुमु काजे गोरोज छे, तुमरे जुव रोये; एने होर एक वारला कामोन कोरता तुमरे जुव घोनो काय रोये,

गलातियों 6:15

काहाकि सुंता एने नी सुंता होयला काहीन छे, बाकीन नोवली कोव.

इफिसीयो 1:1

पौलुस तोरोफसी जी परमेश्वरोन मोर्जीसी येसु मसिहन प्रेषित छे तिना चुखला एने प्रभू येसु मसिहमा विश्वासी माणसोन नाव जो इफिसमा छे.

इफिसीयो 1:4

जोसो चू आपनु काजे जोग बोननेन पेहेले गोथू नेवाळ लेदलु कि आपनु तेरे साते मोंगमा चुखला एने निरदोष रोये.

इफिसीयो 2:13

बाकीन हिमी येसु मसिहमा तुमु जे पेहेले नांबे होता मसिहन लुयोन लारे साते होय गोयला छे.

इफिसीयो 2:15

एने आपना डीलोमा दुष्मोनी मतलब चे नियम शास्त्र जेरी आग्या नियमोपोर होती मिटाळ देदु कि दुयोसी आपनेमा एने नोवलु माणूस पोयदा कोरीन मेवाळ देदु.

इफिसीयो 2:2

जीनामा तुमु पेहेले इना संसारन रिती पोर एने वादवा मायला मालकोन राज मतलब तिना आत्मान अनसारे चालता होता, जे हीमी बी आग्या नि मानने वावामा काम कोरतेलू छे.

इफिसीयो 2:6

एने मसिह येसुमा तेरे साते जीव उठाळयु एने सोरगोन जागे तेरे साते बोसाळयु.

इफिसीयो 4:1

इनान कोरता मे जू प्रभूमा बांदायलु छे तुमु काजे विनता कोरो कि जिना बुलावला गोथो तुमुक प्रेषितोन छे तेरे सारखी चाल चालू.

इफिसीयो 4:24

एने नोवला माणसो काजे पेहेर लेवू जो परमेश्वरोन अनसारे खोरलान धारमिकता एने पवित्रतामा बोनावलु छे.

फिलिप्पि 1:6

मेसेक इनी वातोन भुरसू छे कि जू तुमरे पुठी वारला कामो काजे चालु कोरलु छे, चू तीना काजे येसु मसिहन दाहळा तोक पुरा कोरसे.

फिलिप्पि 2:13

काहाकि परमेश्वर ओतरू छे जू तेरी खुदोन मोर्जीन कोरता तुमरा मोनोमा मोर्जी एने काम, दुयू वातो काजे कोरनेन ओसोर नाख्यू.

कुलुस्सि 1:10

काहाकि तुमरी चाल चलन प्रभून लायक जुवे, एने चे आखा चीजोसी खुश होये, एने तुमरेमा आखा चीजोन वारला कामोन फोव लावे, एने तुमु परमेश्वरोन उवखानमा बोढता जावू.

कुलुस्सि 3:10

एने नोवला माणूस काजे पेहेर लेदला छे, जे आपना बोनावने वावान सारकु ग्यान हासील कोरनेन कोरता नोवलो बोनतो जातलो छे.

2 थिस्सलुनीकियो 2:17

तुमरा मोनोमा शांती आपे एने, तुमु होर एक वारला कामे एने वचनमा वातळा रोये.

1 तीमथी 2:10

बाकीन वारला कामोसी, काहाकि परमेश्वरोन भोक्ती कोरणे वावी बायोर काजे यो वारू बी छे.

1 तीमथी 5:10

एने वारला कामोमा गीनाय रोई होसे, जीन पुऱ्यान राखवावी कोरी होसे; पाहांतऱ्यान चाकरी कोरी होसे, चुखला माणसोन पाय धुवी होसे, दुखी माणसोक मदत कोरी होसे, एने हर एक वारला काममा मन लागाळली होसे.

1 तीमथी 5:25

होसा भी काहनला वारला काम बी प्रगट होय जातला छे एने जे ओसा नी रोयतला, होया बी डूकाय नी सोकतला.

1 तीमथी 6:18

चे वारलो कोरे, एने वारला कामोमा मालदार बोने एने उदार एने मदतमा हमेशा उभू रोये.

2 तीमथी 2:21

ओगर कुदु आपना खुदो काजे इनुसी चुखो कोरसे, ती चू आदरोन ठाहरु एने चुखलो ठेहरसे एने मालकोन कामे आवसे एने हर एक वारला कामोन कोरता तीयार होयसे.

2 तीमथी 3:17

काहाकि परमेश्वरोन माणसे वारला बोने, एने हर एक माणसे वारला कामोन कोरता तीयार होय जाये.

तीतुस 2:14

जू खुद काजे आमरेन कोरता आप देदू कि आमु होर एक भातीन पापोमा गोथू छुळाव लेय एने चुखा कोरीन आपनेन कोरता एक ओसी जात बोनाव लेये जे वारला-वारला कामोमा तीयार जुवे.

तीतुस 2:7

आखा वातोमा खुद काजे वारला कामोन नमुना बोनु. तारा प्रचारमा सापसूत्र एने खोरलो,

तीतुस 3:1

माणसो काजे कोय, कि प्रधान एने अधिकारीन कोयामा रोयू एने तिंदरी आग्या माणू एने होर एक वारला कामोन कोरता तीयार रोयू.

तीतुस 3:14

आमरा माणसेबी गोरोज काजे पुरा कोरनेन कोरता वारला कामोमा लागला रोयनो सिके ताकी बिना फोवोन नि रोये.

तीतुस 3:8

जी वात खोरली छे, एने मेसेक लागे कि, तू इनी बारामा नि बिहता बुले इनान कोरता कि जे परमेश्वर पोर भुरसू कोरला छे चे वारला-वारला कामोमा एने माणसोन फायदान होयो.

इब्रानियो 10:24

एने ध्यान लागाळू कि काहना भातीन मोंग एने वारला कामोन एक दिसरा काजे उत्साहित कोर सोकतला.

इब्रानियो 13:21

तुमरा आखा वारला गुणोसी पुरो कोरे, जीनासी तुमु तेरी मोर्जी पुरी कोरु, एने जो काहीन तेरी नोजोरमा मोंगावू छे चू येसु मसिहन लारे आमरे महाय पुरा कोरे, तेरीत महिमा कायम होयती रोये. आमेन.

1 पतरस 2:12

दिसरा जातीमा तुमरो चाल चोलोन वारलो रोये; काहाकि जिना-जिना वातोमा होय तुमु काजे भुंडला कामोन जाणीन बोदनाम कोरतेला छे, चे तुमरा वारला कामो काजे देखीन तिंदरे वोजेह दयान दाहळामा परमेश्वरोन महिमा कोरु.

1 योहान 1:7

बाकीन कोदि जोसो चू विजावामा छे तोसोत आपनु बी विजावामा चालू, ती एक दिसरा पुठी सहभागीता रोयतला छे एने तेरु पुऱ्यु येसुन लुय आमुक आखा पापोमा गोथू चुखो कोरतेलू छे.

1 योहान 2:6

जो कुदू यो कोयतेलु छे कि मे हिनामा बोनीन रोयतलु, हिनाक जुवे कि आपु बी होसात चाले जोसू होयू चाले.