इफिसीयो 1:6 - बारेली पावरी

⁶ कि तिनान तिनी महिमान मोंगसी बोडाय होये, जीनाक चू आपनु काजे मोंगोमा फुकट आप्यू.

इफिसीयो 1:6 ပူးပေါင်းရင်းမြစ်များ

मत्ती 17:5

पतरस बुलतु होतु कि एक धोव्वो वादवो तिंदरे पोर छावाय गोयो, एने तिना वादवा गोथू यु बुल निकव्यू “यु मारू मोंगावू पुऱ्यु छे, जीनासी मे खुश छे तेरी सोमवू.”

मत्ती 20:9

जेतार चे आव्या जे घोंटुभोर दाहळू रोयलु होतु ती तीनुक एक-एक दिनार जोळ्यो.

मत्ती 3:17

एने जी सोरग वाणी होयी, यु मारू मोंगावू पुऱ्यु छे, जीना पोर मी खुश छे.

लुका 2:14

“सोरगोमा परमेश्वरोन महिमा एने धोरती पोर जीना माणसोमा चु खुश छे, शांती होये.”

योहान 10:17

बास इनान कोरता मारे पोर मोंग कोरतेलु कि मी आपनु जीव आपतलु छे कि तीनाक पोछु ली लेये.

योहान 3:35

बास पुऱ्या काजे मोंग कोरतेलु, एने चू आखा चीजे तेरा हातोमा आप देदलु छे.

रोमी 8:1

आखरीमा हिमी जे येसु मसिहमा छे तीनु पोर दोंडोन आग्या नी होय काहाकि चे डीलोन अनसारे नी बाकीन आत्मान अनसारे चालतला.

2 कुरीन्थियो 4:15

काहाकि आखा चीजे तुमरेन कोरता छे, काहाकि दया घोणा सोवटान लारे जादा होयीन परमेश्वरोन महिमान कोरता धन्यवाद भी बोढावे.

2 कुरीन्थियो 5:21

जू जीनाक पाप मालूम नि होतो, चू आपनेन कोरता पाप गीनायो कि आपु तिनामा रोयीण परमेश्वरोन धारमिकता बोन जाय.

इफिसीयो 1:12

कि आमु जे पेहेलेसी मसिह पोर आस मेकला होता तेरी महिमान स्तुतीन वजेसी छे.

इफिसीयो 1:14

चू तेरा मुले लेवायलान छुटकारान कोरता आमरी भागीदारी बोनावलु छे कि तेरी महिमान बडाय होये.

इफिसीयो 1:18

एने तुमरे मोनोन डूवा विजावो बोने कि तुमु सोमजी लेवू कि बुलावनेन आस काय छे एने चुखला माणसोमा तेरो भागीदार महिमान धोन कोसो छे.

इफिसीयो 2:7

कि चू आपनी तिना दयासी जू मसिह येसुमा आमरेपोर छे आवने वावा टेमोन आपना दयान घोन सोवटो धोन देखाळे.

फिलिप्पि 1:11

एने तीना धारमिकतान फोवोसी यो येसु मसिहन लारे होयतेली छे, पुरा कोरता जावू जीनासी परमेश्वरोन महिमा एने बोढाई होयती रोये.

फिलिप्पि 3:9

एने तीनामा जोळो नी कि आपना धारमिकता साते जी शास्त्रनियमोसी छे बाकीन तिना धारमिकता साते जू मसिह पोर भुरसू कोरनेन वोजेसी एने परमेश्वरोन भूनी गोथो भुरसू कोरनेसी जोळतली छे.

फिलिप्पि 4:19

मारू परमेश्वर बी आपना तीना धोनोन अनसारे जी महिमा साते मसिह येसुमा छे तुमरी होर एक कोमी काजे पुरो कोरसे.

कुलुस्सि 1:13

चु आमु काजे आंदारलान बंधनमा गोथू छुळावीन आपनु मोंगावा पुऱ्यान राजमा पुगाळ्यु,

1 पतरस 2:5

तुमु बी जीवतलु दोगळान तोसो आत्मिक घोर बानावतला छे, जेरेन कोरता पुजारान चुखला सोमाज बोनीन, ओसो आत्मिक बलिदान चोळावू जू येसु मसिहन परमेश्वर काजे मान्यो छे.

1 पतरस 2:9

पुन तुमु एक खास पिढ्या, एने राज-पदधारी पुजारान सोमाज, एने चुखला माणसे एने परमेश्वरोन नेवाळली माणसे होयसे, एरेन कोरता कि जू तुमु काजे आंदारामा गोथू तेरा अदभूत विजावामा बुलावलु छे, तेरा गुणे ओगोव कोरु.

1 पतरस 4:11

जू भी आदेश आपे, चू ओसो आपे माणू परमेश्वरो जून वचन आपलु छे, जू सेवा कोरे तिना ताकत से कोरु जो परमेश्वर आपतलु छे, जीनासी आखा वातोमा येसु मसिहन लारे परमेश्वरोन महिमा होयसे, महिमा एने होक कायम तेरोत छे. आमेन.