इफिसीयो 1:4 - बारेली पावरी

⁴ जोसो चू आपनु काजे जोग बोननेन पेहेले गोथू नेवाळ लेदलु कि आपनु तेरे साते मोंगमा चुखला एने निरदोष रोये.

इफिसीयो 1:4 ပူးပေါင်းရင်းမြစ်များ

मत्ती 24:22

ओगर चे दाहळा कोम नी कोरायता ती काहनो जोनावर नि वाचतो बाकीन नेवाळलान वोजेहसी चा दाहळा कोम कराय जासे.

मत्ती 24:24

“काहाकि झुटा मसिह एने झुटा भविष्य कोरता उठीन उभरोय, एने मोटा निशाणी एने नेवलायीन काम देखाळसे, कि ओगर होय सोके ती नेवाळला माणसो काजे बी फोसाळ देसे.”

मत्ती 24:31

चू फेपाऱ्यान मोटात आवाजमा आपना सोरग दूतो काजे मुकलसे, एने चे सोरगोमा इने धोळे गोथा पोल धोळे तोक चारू दिशामा गोथा नेवाळला काजे एखठा कोरसे.

मत्ती 25:34

तेत्यार राजा तेरे जेवळे धोळे वावा काजे कोयसे, “हे मारा बासोन सोयावा माणसे आवू इना राजोन अधिकारी बोन जावू, जो जोगोन पेहेले गोथो तुमरेन कोरता तियार कोरलु छे.”

योहान 10:16

मारा ओवी बी गाडरा छे, जे इना गाडरान वाडामा नि होय मेसेक तीनुक बी लावणो जोरुरी छे चे मारा बुल सोमोवसे, तेत्यार एकुत टुवू एने एकुत गुवाव्यू रोयसे.

योहान 15:16

तुमु मेसेक नि नेवाळ्या बाकीन मे तुमु काजे नेवाळलु छे एने तुमुक नेमलू छे कि तुमु जायीन फोव आपे एने तुमरो फोव जुळाय रोये, कि तुमु मारा नावोसी जो काहीन बास जू गोथा मांगु, चो तुमुक आपे.

योहान 17:24

हे बासो, मे चाहो कि जीनुक तू मेसेक आपलु छे, चे जा मे छे चा चे बी मारे साते रोये, ती चे मारी तिनी महिमा काजे देखे जो तू मेसेक आपलु छे, काहाकि तू जोगोन पेहेले गोथू मार पोर मोंग कोऱ्यु.

प्रेषित 13:48

जेतार दिसरा जाती वचन सोमव्या ती चे खुशी कोरतेला जायीन प्रभून वचनोन स्तुती कोरणे बाज गोया एने जोतरा ओमोर जीवनोन कोरता ठेराव गोयला होता, चे भुरसू कोऱ्या.

प्रेषित 15:18

यो चू प्रभू कोये कि प्राचीन काव गोथू इना वातो काजे सामने लावतू गोयलु छे.

प्रेषित 18:10

काहाकि मे तारे साते छे एने कुदू तार पोर चोळीन तारो नुकसान नी कोरे काहाकि आमु इना देसोमा घोणा सोवटा माणसे छे.”

रोमी 8:33

परमेश्वरोन नेवाळला पोर गुणू कून लागाळे? परमेश्वर छे जू तीनुक धोरमी ठेरावने वावू छे.

1 कुरीन्थियो 1:8

चू तुमुक आखरी तोक पाकु बी कोरसे कि तुमु आमरा प्रभू येसु मसिह दाहळामा गुणावावा नि गीनाये.

गलातियों 5:13

हे भाशो तुमु छुटकारू होयनेन कोरता बुलावला छे बाकीन ओसो नी होयो कि यो आजादी डीलोमा कामोन कोरता टेम बोनसे बाकीन मोंगसी एक दिसरान चेला बोनु.

गलातियों 5:22

बाकीन आत्मान फोव, मोंग, खुशी, शांती, धीर, दया, भोलाई, भुरसू.

गलातियों 5:6

मसिह येसुमा संता वावा एने नी सुंता कोरला काय कामोन नी होय, बाकीन निसतू भुरसू, जू मोंगोन लारे प्रभाव पाळतलु.

इफिसीयो 2:10

काहाकि आपनु तेरा बोनावला एने मसिह येसुमा तिना वारला कामोन कोरता बोनवाय गोयला जीनु काजे परमेश्वर पेहेले गोथो आपना काजे कोरणेन कोरता तीयार कोऱ्यु.

इफिसीयो 3:17

एने भुरसान लारे मसिह तुमरे मोनोमा बोसे कि तुमु मोंगोक वातडो धोरीन एने पायु घालीन.

इफिसीयो 4:2

मतलब आखरी नम्रतासी एने धीर धोरीन मोंगसी एक दिसरान वेठ लेवू.

इफिसीयो 5:2

एने मोंगोमा चालू जोसू मसिह तुमरे पोर मोंग कोरलु, एने आमरेन कोरता खुदो काजे सुख आपने वावो सुगंधोन कोरता परमेश्वरोन ओगोव भेट चोळावीन बलिदान कोर देदू.

इफिसीयो 5:27

एने तीनाक ओसी चोमोकने वावी मंडवी बोनावीन आपनेनचा उबरोये; जीनाक नी डाग, सुरकुती नी काहीन ओसी चीज होय पुन चुखला एने निरदोष होये.

फिलिप्पि 2:15

काहाकि तुमु निरदोष एने वारला होयीन गांडा एने एक हेट्या माणसोन इचमा परमेश्वरोन चुखला पुऱ्या बोनला रोये जिनान इचमा तुमु जीवनोन वचन लीन जोगोमा धोपतला दिवान सारखो देखाय पोळतेला छे.

कुलुस्सि 1:22

चू हिमी तेरो शारीरिक डीलोमा मोरोनोन लारे तुमरेसी मेव कोर देदू काहाकि तुमुक तेरे ओगोव चुखला एने बेगुना बोनावीन तिनाक उबराखसे.

कुलुस्सि 2:2

काहाकि तिंदरे मोनोमा शांती जोळे एने चे मोंगसी आपसामा जुळायीन रोये एने चो पुरा समाजोन आखो धोन ली लेये एने परमेश्वर बासोन भेद काजे, मतलब येसु मसिह काजे उवखी लेये.

कुलुस्सि 3:12

इनान कोरता परमेश्वरोन नेवाळलान सारखा जे चुखला एने मोंगावी छे, मोटली दया, एने भोलाई एने दीनता एने नम्रता एने सहन शीलता ली लेवू.

1 थिस्सलुनीकियो 3:12

एने प्रभू ओसू कोरे कि जोसू आमु तुमरेसी मोंग कोरतेला छे, तोसोच तुमरो मोंग बी एक दिसरामा एने माणसो साते बोढे, एने बोढती कोरतु जाय,

1 थिस्सलुनीकियो 4:7

काहाकि परमेश्वर आमु काजे भुंडला होयनेन कोरता नि बाकीन चुखला होयनेन कोरता बुलावलु छे.

2 तीमथी 1:9

जू आमरू छुटकारू कोऱ्यु एने चुखला आत्मान बुलाहट सी बुलाव्यू, एने जो आमरा कामन ओनसारे नी बाकीन तेरो मतलब एने तेरी दया ओनसारे छे चू मसिह येसुमा ओमोरकाईसी आमरेपोर होयली छे.

2 तीमथी 2:10

इनान वोजेसी मे नेवाळला माणसोन कोरता आखो काय सोब देदलु छे, कि चे बी इना छुटकारू काजे मसिह येसुमा छे, ओमोर महिमा पुठी जोळे.

2 तीमथी 2:19

ते बी परमेश्वरोन पाकु पायु बोनतलु रोयतलु एने तीना पोर छापू लागलु रोयतलु “प्रभू आपनु काजे उवखतलु एने जो कुदू प्रभून नाव लेतलु चू अधोरमोन सी वाचीन रोये.”

याकुब 2:5

हे मारा मोंगावा भाशो, सोमवू काय परमेश्वर इना जोगोन भिकारी काजे नि नेवाळ्यू कि भुरसामा मातभोर एने तीना राज्योन अधिकारी होयसू, जेरु वायदु चू तिंदरे साते कोरे जेरेसी मोंग राखतला छे.

1 पतरस 1:2

एने परमेश्वर बासन भविष्य ग्यानोन अनसारे, आत्मान चुखला कोरनेन लारे आग्या मानने एने येसु मसिहन लुय काजे शीतळनेन कोरता नेवळाय गोयला छे, तुमु काजे अनुग्रह एने शांती जुदा रितीसी जोळती रोयसे.

1 पतरस 1:20

तेरो ग्यान ते जोगोन घोडनेन पेहेलेसी जान लेदलु होतु, पुन हिमी आखरी युगमा तुमरेन कोरता प्रकट होयलू.

1 पतरस 2:9

पुन तुमु एक खास पिढ्या, एने राज-पदधारी पुजारान सोमाज, एने चुखला माणसे एने परमेश्वरोन नेवाळली माणसे होयसे, एरेन कोरता कि जू तुमु काजे आंदारामा गोथू तेरा अदभूत विजावामा बुलावलु छे, तेरा गुणे ओगोव कोरु.

2 पतरस 3:14

इनान कोरता हे मोंगावा जेतार कि तुमु इनान वातोन आस देखतलो, ती कोशिश कोरु कि तुमु शांतीसी तिनान ओगोव चुखला एने निरदोष ठोरु.

1 योहान 4:16

जो मोंग परमेश्वर आमरेपोर कोरतेलु, तीनाक आमु उवखी लेदा एने आमुक तेरु भुरसू छे. परमेश्वर मोंग छे, एने चू मोंगोमा बोनीन रोयतलु, चू परमेश्वरमा बोनीन रोयतलु, एने परमेश्वर तिंदरेमा बोनीन रोयतलु.

प्रकाशित वाक्य 13:8

कोवीन चे आखा रोयने वावा, जिंदरे नावे तिना गाडरा काजे जीवनोन किताबमा लिखाय नी गोयो जू जोगोन पेहलेत टेमे घात होयलू छे, तिना चिल्लान पूजा कोरसे.

प्रकाशित वाक्य 17:8

जो जोनावर तू देखलू छे चू पेहेले ते होतु बाकीन हिमी नी होय, एने उंडा खाडामा गोथू निकवीन विनाशमा पोळसे; एने कोवीम रोयने वावा जिंदरो नाव जोगोन घोडनेन टेमे जीवनोन किताबमा लिखाय नी गोयो, तिना जोनावरोन जी दशा देखीन कि पेहेले होतु एने हिमी नी होय एने पोछु आव लागसे, नोवलाय कोरसे.”