इफिसीयो 1:18 - बारेली पावरी

¹⁸ एने तुमरे मोनोन डूवा विजावो बोने कि तुमु सोमजी लेवू कि बुलावनेन आस काय छे एने चुखला माणसोमा तेरो भागीदार महिमान धोन कोसो छे.

इफिसीयो 1:18 ပူးပေါင်းရင်းမြစ်များ

मत्ती 13:15

काहाकि इना माणसोन मोने काठला होय गोयला छे, एने चे कानटासी उचेत सोमवतला एने चे आपना डूवा ढाक लेदला छे; कोदि ओसो नी होयनो जुवे कि चे डूवे कोरीन देखे, एने कानटासी सोमवे एने मोनोसी सोमजे, एने फिर जाय, एने मे तीनुक वारू कोरो.

मरकुस 10:17

जेतार चू चा गोथू निकवीन वाटे जातु होतु, ती एक माणूस तेरेनचा दोवळीन आव्यु, एने तेरे ओगोव मांडा टेकविन तीना काजे पुछु, “हे वारला गुरु, ओमोर जीवनोन ओधीकारी होयनेन कोरता मे काय कोरो?”

लुका 24:45

तेत्यार चू पवित्र शास्त्र सोमोजनेन कोरता तिंदरी समज उगाळ देदू.

प्रेषित 16:14

लुदिया नावोन थुआतीरा देसोन जामन्या रोगोंन कापळा वेचने वावी एक भोक्तोन बायर सोमवी रोयी होती, प्रभू तेरु मोन उगाळ देदू कि ची पौलुसोन वातो पोर ध्यान लागाळे.

प्रेषित 26:18

कि तू तिंदरा डूवा उगाळे इनान कोरता कि चे आंदारामा गोथा विजावामा भुतडान राजम गोथा परमेश्वरोन राजमा आवे, जीनासी चे पापोन माफी एने तीनु माणसो साते होक ली लेये जू मारे पोर भुरसू कोरनेन लारे चुखला होयला छे.

रोमी 11:29

काहाकि परमेश्वरोन वरदान एने बुलावणो पाको छे.

रोमी 2:4

काय तू तेरी दया एने सहन शीलता एने धीरोज रूपी धोन काजे गोलोत सोमोजतलु? काय यो नी सोमोजतलु कि परमेश्वरोन दया तुसेक मोन फिरावने सीकाळे?

2 कुरीन्थियो 4:4

एने तीनु अविस्वासन कोरता जिंदरी बुद्धी इना संसारोन भोगवान आंदवी कोर देदलु छे, काहाकि मसिह जू परमेश्वरोन प्रतिरूप छे, तेरे विजावान वारली खोबरोन विजावो तीनु पोर चोमके.

2 कुरीन्थियो 4:6

इनान कोरता कि परमेश्वरुत छे, जू कोऱ्यु, “आंदारलामा गोथो विजावो चोमके, एने चू मोनोमा चोमक्यू कि परमेश्वरोन महिमान उवखनोन दिवू येसु मसिहन मुयो पोर विजावो होये.”

गलातियों 5:5

काहाकि आत्मान लारे आपनु भुरसासी, आस कोरली धारमिकतान वाट जुवतला छे.

इफिसीयो 1:11

तीनामा जीनामा आमु बी तिनान मोर्जी जो आपनी मोर्जीन मोतोसी आखो काय कोरतेलू छे पेहेलेन ठेरावीन जायीन भागीदार बोनजे.

इफिसीयो 1:7

आमु ते तिनान लुयोन लारे छुटकारू मतलब पापोन माफी एने परमेश्वरोन दयान धोनोन अनसारे जोळतो कि.

इफिसीयो 2:12

तुमु माणसे तिनी टेमे मसिहसी ओलोग एने इस्राईलोन माणसोन पोदसी ओलोग कोरायला एने वायदान भागीदार नी होता एने बिन आसोन एने जोगोमा बिना परमेश्वरोन होता.

इफिसीयो 3:16

कि चू आपना महिमान धोनोन अनसारे तुमुक यो दान आपे कि तुमु तेरी आत्मासी आपना डीलोमायलो माणसोन रूपमा ताकतसी बोनता जावू.

इफिसीयो 3:8

मारे पोर जे चुखला माणसो मायला नानासी ते नानू यो मोंग होयो कि मे दिसरा जातीन काजे मसिहन घोन मोटो धोनोन वारली खोबर सोमवाळे.

इफिसीयो 4:1

इनान कोरता मे जू प्रभूमा बांदायलु छे तुमु काजे विनता कोरो कि जिना बुलावला गोथो तुमुक प्रेषितोन छे तेरे सारखी चाल चालू.

इफिसीयो 4:4

एकुत डील छे एने एकुत आत्मा छे; जोसो तुमु काजे जे बुलावला गोयला होता आपना बुलावनेसी एकुत आस छे.

इफिसीयो 5:8

काहाकि तुमु ते पेहेले आंदारलामा होता बाकीन हिमी प्रभूमा विजावो छे आखरी विजावान पुऱ्या सारखा चालू.

फिलिप्पि 3:14

निशाणी भूनी जाया कोरो काहाकि चो इनाम लेये जिनान कोरता परमेश्वर मेसे काजे मसिह येसुमा उपोर बुलावलो छे.

कुलुस्सि 1:12

एने बासोन धन्यवाद कोरो जू आमु काजे एरे लायक बोनायू कि विजावामा चुखला माणसो साते वाटामा सहभागी होये.

कुलुस्सि 1:23

अगर तुमु भुरसान पाया पोर पाका उबरोय रोये एने तीना वारली खोबरोन आस काजे जिनाक तुमु सोमवला छे मा छुळू, जिनान वारली खोबर सोरगोन नेळो आखो जोगोमा कोराय गोयो एने जेरू मे पौलुस सेवक बोन्यू.

कुलुस्सि 1:27

जीनु पोर परमेश्वर प्रकट कोरणेन कोऱ्यु तीनुक ग्यान जोळे कि दिसरा जातीमा तीना भेदोकाजे महिमान किमोत काय छे, एने चू जो छे कि मसिह जू महिमान आस छे तुमरेमा रोयतलु छे.

कुलुस्सि 1:5

तिनी आस कोरली चीजोन वजेसी जो तुमरेन कोरता सोरगोमा मेकली छे, जेरा बारामा तुमु तीना वारली खोबरोन खोरलो वचन काजे सोमवी लेदला छे.

कुलुस्सि 2:2

काहाकि तिंदरे मोनोमा शांती जोळे एने चे मोंगसी आपसामा जुळायीन रोये एने चो पुरा समाजोन आखो धोन ली लेये एने परमेश्वर बासोन भेद काजे, मतलब येसु मसिह काजे उवखी लेये.

कुलुस्सि 3:15

मसिहमा शांती जिनान कोरता तुमु एक डील होयीन बुलावला छे तुमरा मोनमा राज कोरे, एने धन्यवाद कोरता रोये.

1 थिस्सलुनीकियो 2:12

कि तुमरो चाल चलन परमेश्वर काजे बराबोर होय, जो तुमुक तेरा राजमा एने महिमामा बुलावतलु.

1 थिस्सलुनीकियो 5:8

बाकीन आपनु जे दाहळान छे, भुरसान एने मोंगोन झीलम पेहेरीन एने छुटकारान आसोन टूपी पेहेरीन सावधान रोयू.

2 थिस्सलुनीकियो 1:11

इनान कोरता आमु हमेशा तुमरेन कोरता प्रार्थना बी कोरतेला कि आमरू परमेश्वर तुमुक इना बुलावलान लायक सोमजे एने भोलाईन होर एकन मोर्जी एने भुरसान हर एक कामो काजे ताकत पुठी पुरा कोरे.

2 थिस्सलुनीकियो 2:16

आमरू प्रभू येसु मसिह आपसुत, एने आमरू बास परमेश्वर जू आमरेपोर मोंग कोऱ्यु एने ओमोरकाई शांती एने वारली आस आपलु छे.

1 तीमथी 6:12

भुरसान वारली कुस्ती लोळाय; एने इना ओमोरकाईन जीवन काजे धोर ले, जिनान कोरता तू बुलाय गोयू एने घोणा सोवटा गोवान सामने वारलु अंगीकार कोरलु होतु.

तीतुस 2:13

एने इनी सोयावा आसोन मतलब आपना मोटला परमेश्वर एने छुटकारू आपने वावु येसु मसिहन महिमा प्रगट होयनेन वाट जुवता रोयू.

तीतुस 3:7

जीनासी आमुक तेरा दयासी धोरमी ठोरायू, ओमोर जीवनोन आसोन अनसारे वारीस बोन्या.

इब्रानियो 10:32

बाकीन तीनु दाहळान फोम कोऱ्यु जेतार तुमु विजावो लेनेन ओवतेन खुदो तोकलीतमा पाका उबरोयला होता.

इब्रानियो 6:4

काहाकि जे माणसे एक कावा विजावो ली लेदला एने सोरगोन वोरदानोक चाख लेदा एने पवित्र आत्मान भागीदार बोनाव लेदला छे.

1 पतरस 1:3

आपने प्रभू येसु मसिहन परमेश्वर एने बासोन धन्यवाद होये, जिना काजे येसु मसिहन मोरलाम गोथू जीव उठनेन लारे, तेरी मोटली दया से आमु काजे जीवतली आसोन कोरता नोवलो जन्मो आप्यू,

1 पतरस 3:9

भुंडलान बोदले भुंडलो मा कोरु एने लोळनेण बोदले मा लोळायु, बाकीन इना बोदले आशिष आपु, काहाकि तुमु आशिषोन वरीस होयनेन कोरता बुलावला छे.

1 पतरस 5:10

तुमु इतरीक वार तोकलीत झेलीन आखो दयान परमेश्वर छे, जू तुमु काजे येसु मसिहमा तेरी ओमोरकाईन महिमान कोरता बुलावलु, चू खुद तुमु काजे सिद्ध, पाक्का ताकत वावा एने स्थिर कोरसे.