इफिसीयो 1:15 - बारेली पावरी

¹⁵ इना रितीसी, मे बी तीना भुरसान जो तुमु माणसोमा प्रभू येसु पोर छे एने आखा चुखला माणसोन कोरता मोंगोन वारली खोबर सोमवीन.

इफिसीयो 1:15 ပူးပေါင်းရင်းမြစ်များ

प्रेषित 20:21

नी तेत्यार यहुदिया एने युनानीन गोवायीन आपतू रोयो कि परमेश्वर भूनी मोन फिरावू एने आमरा प्रभू येसु मसिह पोर भुरसू कोरनो जुवे.

रोमी 1:8

पेहेले मे तुमरे आखान कोरीन येसु मसिहन लारे आपना परमेश्वरोन धन्यवाद कोरो, काहाकि तुमरा भुरसान वाते आखा जोगोमा होयने बाज रोय.

गलातियों 5:6

मसिह येसुमा संता वावा एने नी सुंता कोरला काय कामोन नी होय, बाकीन निसतू भुरसू, जू मोंगोन लारे प्रभाव पाळतलु.

इफिसीयो 1:1

पौलुस तोरोफसी जी परमेश्वरोन मोर्जीसी येसु मसिहन प्रेषित छे तिना चुखला एने प्रभू येसु मसिहमा विश्वासी माणसोन नाव जो इफिसमा छे.

इफिसीयो 3:18

आखा चुखला माणसो साते वारला रितीसी सोमजनेन ताकत ली लेवू तेरी चोळवाय एने नांबो एने उचो कोतरो छे एने उंडो कोतरो छे.

1 थिस्सलुनीकियो 1:3

एने आपना परमेश्वर एने बासोन सामने तुमरा भुरसान काम, एने मोंगोन मेहनत एने आपना प्रभू येसु मसिहमा आसोन धीरोज काजे एक सारखा फोम कोरतेला.

1 थिस्सलुनीकियो 4:9

बाकीन भाय-भोलायीन मोंगोन बारामा जो, गोरोजोन नि कि मे तुमरे साते काय लिखो, काहाकि आपनेमा मोंग कोरनेन तुमु खुद परमेश्वरोनचा गोथा भोनला छे;

2 थिस्सलुनीकियो 1:3

हे भाशो, तुमरा बारामा आमु काजे होर टेमे परमेश्वरोन धन्यवाद कोरनो जुवे, एने यो सही बी से इनान कोरता कि तुमरू भुरसू जादा बोडतो जातलू, एने तुमरे आखान मोंग एक दिसरामा जादा बोळतू जातलु.

1 तीमथी 1:14

एने आपना प्रभून अनुग्रह तिना भुरसान एने मोंग साथे जू मसिह येसुमा छे, घोनो सोवटा सी होयो.

1 तीमथी 1:5

आग्यान निचोड यो छे कि वारलो मोन एने वारलो ग्यान एने बिना कपटीन भुरसासी मोंग पोयदा होये.

फिलेमोन 1:5

काहाकि मे तारा तीना मोंग एने भुरसान वाते सोमवतलु, यो आखा चुखला माणसो पुठी एने प्रभू येसु पोर छे.

इब्रानियो 6:10

काहाकि परमेश्वर अधोरमी नी होय कि तुमरा कामो एने तिना मोंग काजे विसरी जाय जे तुमु तिनान नावोन रुपमा इना रितीसी देखाळ्या कि चुखला माणसोन सेवा कोऱ्या एने हिमी बी कोर रोया.

1 पतरस 1:22

आखरीमा जेतार तुमु वारला विचार एने मोनमा दोगो नि होय मोंगोन निमित्त खोरो माणसोसी आपना मोनो काजे चुखा कोरला छे, ती तन मन लागाळीन एक भाश्योसी लोके मोंग राखू.

1 योहान 3:17

बाकीन जिना कुदा जुव जोगोन धोन छे एने चू तेरा भाशो काजे गोरीब देखीन तेरो पोर गिन नि कोरनो जुवे, ती तेरेमा परमेश्वरोन मोंग कोसो बोनीन रोय सोकसे?

1 योहान 4:21

तिना जुव गोथी आमुक जी आग्या जोडी, ती जो कुदू परमेश्वर पोर मोंग कोरतेलू चू आपना भाशो पोर बी मोंग कोरे.