इफिसीयो 1:13 - बारेली पावरी

¹³ एने तीनामा तुमरे पोर बी, जेतार तुमु खोरलो वचन सोमव्या जो तुमरे छुटकारान वारली खोबर छे एने जीना पोर तुमु भुरसू कोऱ्या, वायदा कोरला एने पवित्र आत्मान छापू लाग्यू.

इफिसीयो 1:13 ပူးပေါင်းရင်းမြစ်များ

लुका 11:13

आखरी जेतार तुमु भुंडला होयीन बी तुमरा पुऱ्या काजे वारली चीज आपने जानतला, ती सोरगो मायलु बास आपना मांगणे वावा काजे पवित्र आत्मा काहा नी आपे.’”

लुका 24:49

एने देखू, जेबी वायदू मारू बास कोरलु छे, मे तीना काजे तुमरे पोर उतारीस एने जेतार तोक सोरगोमा गोथो ताकत नि जोळे, तेत्यार तोक तुमु इना सोहोरोमा रोय रोयू.”

योहान 1:17

इनान कोरता कि नियम शास्त्र ते मुसान लारे आपायलो छे, बाकीन मोंग एने खोरलो येसु मसिहन लारे पूगी.

योहान 14:26

बाकीन मदतगार मतलब पवित्र आत्मा जीनाक बास मारे नावसी मुकलसे, चू तुमु काजे आखा वाते सिकाळसे, एने जो काहीन मी तुमु काजे कोयलु छे, चो आखो तुमु काजे फोम देवाळसे.”

योहान 15:26

बाकीन जेतार चू मदतगार आवसे, जोसो मी तुमरे साते बासो जुव गोथो मुकलीस, बाकीन खोरलायीन आत्मा जो बासो जूव गोथो निकवतलो छे, ती चू मारी गोवायी आपसे;.

योहान 3:33

जू तेरी गोवायी मान लेदू चू इनी वातोपर छापू लागाळ देदू कि परमेश्वर खोरलू छे.

योहान 6:27

नाश होयने वावा खाणान कोरीन मेहनत मा कोरु, बाकीन तीना खाणान कोरीन जो ओमोर जीवन तोक उबो रोये, जीनाक माणसोन पुऱ्यु तुमुक आपसे; काहाकि बास मतलब परमेश्वर तीना पोर छापू लागाळलु छे.”

प्रेषित 1:4

एने मेवीन तीनु काजे आग्या आप्यू, “यरुशलेम काजे छुळता झुनी, बाकीन बासोन वायदाक पुरी होयनेन वाट देखता रोयू, जेरी वाते तुमु मारेंचा गोथा सोमवला छे.”

प्रेषित 13:26

हे मारा वारला भाशो अब्राहामन पुऱ्या तुमरे मायला जो परमेश्वरोन बिक धोरतला, तुमरेनचा इना छुटकारान वचन मुकोललो छे.

प्रेषित 2:33

इना रितीसी परमेश्वरोन जेवळे हातोसी आखान मोटो पोद एने बासोनचा गोथो पवित्र आत्मा लीन जेरो वायदू कोरलो होतो चू उतार देदू चू तुमु देख रोया एने सोमवी रोया.

रोमी 1:16

काहाकि मे वारली खोबरोन प्रचारोन कोरनेन कोरता नी लाजवायतू, इनान कोरता कि चू होर एक जे भुरसू कोरणे वावान कोरता पेहेले ते यहुदि ओवतेन युनानीन कोरता छुटकारू वोजेसी परमेश्वरोन ताकत छे.

रोमी 4:11

चू सुंतान चिन्ह लेदू कि तिना भुरसान धोरमी पोर छापू लागाय जाय जो चू सुंता नी कोरलान लारे मेकलु होतु, काहाकि चे बी धोरमी ठेराये;

रोमी 6:17

बाकीन परमेश्वरोन धन्यवाद होये कि तुमु जे पापोन गुलाम होता हिमी मोनोसी तीना प्रचार मानने वावा होय गोया जिनान विचारोमा चाल रोया होता.

2 कुरीन्थियो 1:22

जू आमरेपोर छापू बी लागाळ देदलो छे एने बोयानमा आत्मा काजे आमरा मोनोमा आप्यू.

2 कुरीन्थियो 6:7

खोरला मोंगसी, खोरला वचन सी, परमेश्वरोन ताकतसी, धारमिकतान हत्यारसी जे जेवळे-डाखरे हातोमा छे.

गलातियों 3:14

यो इनान कोरता होयो, कि अब्राहामन आशिष मसिह येसुमा दिसरा जाती तोक पुगे एने आमरा भुरसान लारे चू आत्मा काजे स्वीकार कोरे जेरी वायदू होयली छे.

इफिसीयो 4:21

बाकीन छाचलीन तुमु तेरो सोमव्या एने जोसो येसुमा खोरलो छे, तीनामा सिकाळला बी छे.

इफिसीयो 4:30

परमेश्वरोन पवित्र आत्मा काजे दुखी मा कोरु जीनासी तुमरे पोर छुटकारान कोरता आत्मान छापू देदलु छे.

1 थिस्सलुनीकियो 2:13

इनान कोरता आमु बी परमेश्वरोन धन्यवाद एक सारखा कोरतेला कि जेतार आमरे लारे परमेश्वरोन वचन तुमरेनचा पुग्यू, ती तुमु तिना काजे माणसोन नि बाकीन परमेश्वरोन वचन सोमजीन (एने छाचलीन यो ओसोत छे) स्वीकार कोऱ्या; एने चू तुमरा विश्वासीमा जे भुरसू कोरतेला, ताकत वावा छे.

2 तीमथी 2:15

खुदो काजे परमेश्वरोक स्वीकार कोरनेन लायक एने ओसा कामे कोरने वावू ठेरावनेन कोशिश कोरतेला जू लोजित नी होये एने जुवे खोरला वचन काजे वारला रितीसी काममा लावतलु.

2 तीमथी 2:19

ते बी परमेश्वरोन पाकु पायु बोनतलु रोयतलु एने तीना पोर छापू लागलु रोयतलु “प्रभू आपनु काजे उवखतलु एने जो कुदू प्रभून नाव लेतलु चू अधोरमोन सी वाचीन रोये.”

2 तीमथी 3:15

एने बचपनसी नियम शास्त्र तारो जानलो छे, जो तुसेक येसु मसिह पर भुरसू कोरनेसी छुटकारू हासील कोरनेन कोरता बुद्धिमान बोनाव सोकतलु छे.

तीतुस 2:11

कि परमेश्वरोन दया प्रगट छे, जो आखा माणसोन छुटकारान वोजा छे,

इब्रानियो 2:3

ती आमु महान छुटकारान निश्‍चिन्त रोयीन कोसा वाचसू? एने जेरी चर्चा आखान पेहेले प्रभून लारे होई, एने तेरी वाते सोमवने वावान लारे आमु काजे खातरी होई.

याकुब 1:18

हेरी मोर्जीसी आमुक खोरो वचनोन लारे पोयदा कोऱ्यु काहाकि आमु तेरी बोनावला चीजो पोर से एक भातीन पेहलु फोव छे.

याकुब 1:21

एरेन कोरता आखी भुंडी एने दुष्मोनी भावोन बोढती काजे नांबे कोरीन तिना वचन काजे नम्रतासी ग्रहण कर लेवू जू मोनमा वेराय गोयो एने जू तुमरे जीवन छुटकारू कोर सोकतलु छे.

1 पतरस 2:10

तुमु पेहेले ते कायबी नि होता, बाकीन हिमी परमेश्वरोन माणसे छे; तुमरे पोर दया नि होयली होती बाकीन हिमी तुमरे पोर दया होयली छे.

प्रकाशित वाक्य 7:2

पोछु मे एक एने सोरग दूत काजे जू जीवतला परमेश्वरोन छापा लीन पूर्व भूनी गोथू उपोर आवतेलु देख्यू; चू तीनु चार सोरग दुतोसी जीनुक कोवी एने दरियान नुकसान कोरणे कोरीन होक आपाय गोयलो होतो, मोटला बुलोसी आयळीन कोयू,