इफिसीयो 1:11 - बारेली पावरी

¹¹ तीनामा जीनामा आमु बी तिनान मोर्जी जो आपनी मोर्जीन मोतोसी आखो काय कोरतेलू छे पेहेलेन ठेरावीन जायीन भागीदार बोनजे.

इफिसीयो 1:11 ပူးပေါင်းရင်းမြစ်များ

प्रेषित 13:48

जेतार दिसरा जाती वचन सोमव्या ती चे खुशी कोरतेला जायीन प्रभून वचनोन स्तुती कोरणे बाज गोया एने जोतरा ओमोर जीवनोन कोरता ठेराव गोयला होता, चे भुरसू कोऱ्या.

प्रेषित 2:23

तिना येसु काजे जू परमेश्वरोन ठेरावलु योजना एने पेहेली ग्यानोन अनसारे धोराय गोयू तुमु अधोरमीन हातोसी ख्रुस पोर चोळावीन मार देदा.

प्रेषित 20:27

काहाकि मे परमेश्वरोन मोर्जी काजे तुमुक पुरा रितीसी कोयने नी झीजक्यू.

प्रेषित 20:32

एने हिमी मे तुमुक परमेश्वर काजे, एने तेरा दयान वचन सोप दोम; जू तुमरी बोढती कोर सोकतलु छे एने आखा चुखलो कोरायला माणसोमा साजी कोरीन वाडी आप सोकतलु छे.

प्रेषित 26:18

कि तू तिंदरा डूवा उगाळे इनान कोरता कि चे आंदारामा गोथा विजावामा भुतडान राजम गोथा परमेश्वरोन राजमा आवे, जीनासी चे पापोन माफी एने तीनु माणसो साते होक ली लेये जू मारे पोर भुरसू कोरनेन लारे चुखला होयला छे.

प्रेषित 4:28

कि जो काय पेहेले गोथो तारा ताकत एने योजनामा ठेरावलो होतो.

रोमी 11:34

“प्रभून ग्यान काजे कून उवखलो? एने तेरु मंत्री कून होयू?”

रोमी 8:17

एने अगर पुऱ्या छे ती वारीस बी, बाकीन परमेश्वरोन वारीस एने येसु मसिह साते वारीस छे कि जेतार आमु तेरे साते दुख उठावे ती तेरे साते महिमा बी जोळे.

रोमी 8:28

आमु काजे मालूम छे कि माणसे परमेश्वर पोर मोंग कोरतेला छे, तिंदरेन कोरता आखा वातोक भेसकीन वारलो पोयदा कोरतेली छे; मतलब तीनुन कोरता जी तेरी मोर्जीन अनसारे बुलवाय गोयला छे.

रोमी 8:29

काहाकि जीनु काजे चे पेहेलेसी सोमजी गोयला छे तीनु काजे पेहेलेसी ठेराय गोयलो छे कि तेरा पुऱ्यान रुपमा छे, काहाकि चू भाशोमा पेहेलु ठेराये.

रोमी 8:30

एने जीनाक चू पेहेलेसी ठेराव्यू तीनुक बुलाव्यू बी, एने जीनुक बुलाव्यू तीनुक धोरमी बी ठेराव्यू एने जीनाक धोरमी ठेराव्यू तीनुक महिमा बी आप्यू.

रोमी 9:11

हिमी तोक नी पुऱ्या पोयदा होयला होता, एने नी चे वारलो एने भून्डो कोरला होता; इनान कोरता कि परमेश्वरोन योजना तेरे नेवाळ लेणेन अनसारे छे.

गलातियों 3:18

काहाकि ओगर जादाद नियमसी जोळतली छे ती एने अभीवचनोन सी नी, बाकीन परमेश्वर अब्राहाम काजे वायदान लारे आप देतलु छे.

इफिसीयो 1:14

चू तेरा मुले लेवायलान छुटकारान कोरता आमरी भागीदारी बोनावलु छे कि तेरी महिमान बडाय होये.

इफिसीयो 1:18

एने तुमरे मोनोन डूवा विजावो बोने कि तुमु सोमजी लेवू कि बुलावनेन आस काय छे एने चुखला माणसोमा तेरो भागीदार महिमान धोन कोसो छे.

इफिसीयो 1:5

एने आपनी मोर्जीन वारला विचार आपनुक तेरे पेहेले नेवाळ्यू कि येसु मसिह लारे आपनु तेरा सेवेत्र्या पुऱ्या छे.

इफिसीयो 1:8

जीनाक चू आखा एने टेम साते आमु काजे घोनो कोरायू.

इफिसीयो 1:9

काहाकि चू आपना मोर्जीन भेद तिना वारला विचार एरे अनसारे आमु काजे देखाळ्यू जीनासी चू आपना खुदोमा विचार कोऱ्यु.

इफिसीयो 3:11

तिना कोवीन पेहेले माणसोन नुसार जो चू आपना प्रभू येसु मसिहमा कोरला होतो.

कुलुस्सि 1:12

एने बासोन धन्यवाद कोरो जू आमु काजे एरे लायक बोनायू कि विजावामा चुखला माणसो साते वाटामा सहभागी होये.

कुलुस्सि 3:24

काहाकि तुमुक मालूम छे कि तुमु काजे एरे बोदले प्रभूनचा गोथो वाटू जोळसे; तुमु प्रभू येसु मसिहन सेवा कोरतेला छे.

तीतुस 2:14

जू खुद काजे आमरेन कोरता आप देदू कि आमु होर एक भातीन पापोमा गोथू छुळाव लेय एने चुखा कोरीन आपनेन कोरता एक ओसी जात बोनाव लेये जे वारला-वारला कामोमा तीयार जुवे.

तीतुस 3:7

जीनासी आमुक तेरा दयासी धोरमी ठोरायू, ओमोर जीवनोन आसोन अनसारे वारीस बोन्या.

इब्रानियो 6:17

इना रितीसी जेतार परमेश्वर वायदान वारीस पोर एने बी साफ रितीसी प्रकट कोरणे चाह्यु कि तेरा उद्देश नि बोदले, ती कोसोम काजे इचमा लाव्या.

याकुब 2:5

हे मारा मोंगावा भाशो, सोमवू काय परमेश्वर इना जोगोन भिकारी काजे नि नेवाळ्यू कि भुरसामा मातभोर एने तीना राज्योन अधिकारी होयसू, जेरु वायदु चू तिंदरे साते कोरे जेरेसी मोंग राखतला छे.

1 पतरस 1:4

काहाकि एक अविनाशी एने निरदोष, एने जिंदरा मनोमा काहना नि होय एने अजर वतन कोरता जी तुमरेन कोरता सोरगोमा राखली छे;

1 पतरस 3:9

भुंडलान बोदले भुंडलो मा कोरु एने लोळनेण बोदले मा लोळायु, बाकीन इना बोदले आशिष आपु, काहाकि तुमु आशिषोन वरीस होयनेन कोरता बुलावला छे.