इफिसीयो 1:10 - बारेली पावरी

¹⁰ कि टेमोन पुरो होयने पोर जो काय सोरगोमा एने धोरती पोर आखो काय चो मसिहमा एखठा कोरे.

इफिसीयो 1:10 ပူးပေါင်းရင်းမြစ်များ

मत्ती 25:32

एने आखा देसोन माणसे तेरे ओगोव एखठा कोरायसे, एने जोसो राखवाव गाडरा काजे बुकळामा गोथू ओलोग कोरतेलू, तोसोत चू तीनुक एक दिसराक ओलोग कोरसे.

मरकुस 1:15

एने कोयू, “टेम पुरी होय गोयली छे, एने परमेश्वरोन राज साते आव गोयलो छे; मोन फिरावू एने वारली खोबर पोर भुरसू कोरू.”

1 कुरीन्थियो 10:11

बाकीन जे आखा वाते जी तिंदरे पोर पोळी दाहळान रिती पोर होती; एने ची आपनी चेतावनीन कोरता संसारोन आखरी टेमोमा रोयनेन टेमोमा लिखाय गोयलो छे.

1 कुरीन्थियो 11:3

बाकीन मेसेक जुवे कि तुमु यो जान लेवू कि होर एक ओदमीन मुंडको मसिह छे, एने बायरोन मुंडको ओदमी छे एने मसिहन मुंडको परमेश्वर छे.

गलातियों 4:4

बाकीन जेतार टेम पुरी होय गोयी ती परमेश्वर आपना पुऱ्या काजे मूकल्यु जू बायरा गोथू जन्मो लेदू एने नियम शास्त्रान तेरे हातोन बोनलु छे.

इफिसीयो 1:22

एने आखो काहीन तेरो पायो तोवे कोर देदु एने तीना काजे आखा चीजो पोर मुंडको ठेरावीन मंडवी काजे आप देदू.

इफिसीयो 2:15

एने आपना डीलोमा दुष्मोनी मतलब चे नियम शास्त्र जेरी आग्या नियमोपोर होती मिटाळ देदु कि दुयोसी आपनेमा एने नोवलु माणूस पोयदा कोरीन मेवाळ देदु.

इफिसीयो 3:15

जीनासी सोरग एने धोरती पोर होर एक घोरोन नाव मेकाय जातलो छे.

इफिसीयो 3:2

अगर तुमु परमेश्वरोन तीना मोंगोन व्यवस्थान वारली खोबर सोमेवला छे, जो तुमरेन कोरता मेसे काजे आपलो होतो.

कुलुस्सि 1:16

काहाकि तीनामात आखा चीजोन बोनलो छे, सोरगो मायलो होय अगर धोरती पोरलो होय, देखाये एने नि देखाये, काय सिहासन, काय प्रभूत्व, काय प्रधानता, काय होक आखी चीजे तेरे लारे एने तेरेन कोरता बोनली छे.

कुलुस्सि 1:20

एने तेरे ख्रुस पोर वोयलो लुयोन लारे मेवाळने कोरीन आखा चीजोन तेरेत लारे आपने साते मेवाय जाय चाहे चे धोरती पोरला होय कि सोरगो मायला होय.

कुलुस्सि 3:11

तीनामा नि ते युनानी, नि यहुदि, नि सुंता, नि बिगर सुंता वावू, नि जोंगली, नि स्कुती, नी गुलाम, एने नि आजादी, निस्तु आखा काहीन एने आखामा मसिह छे.

इब्रानियो 1:2

इना आखरी दाहळामा आमु काजे आपना पुऱ्यान लारे वात कोरलु छे, जिना काजे चू आखा चीजोन वारीस ठोराव्यू, एने तिनान लारे चू, आखा संसारोक बोनाव्यू.

इब्रानियो 11:40

काहाकि परमेश्वर आमरेन कोरता पेहेले गोथू एक वारली वात ठेरावलु होतु कि चे वायदू कोरली चीजो काजे नी लेदा.

इब्रानियो 9:10

काहाकि यो निसतो खाणो पिणेन चीजे एने भाती भातीन उंगवनेन विधीन बारामा डीलोन नियम छे यो सुधार कोरनेन टेमे तोक ठेराय गोयलो छे.

1 पतरस 1:20

तेरो ग्यान ते जोगोन घोडनेन पेहेलेसी जान लेदलु होतु, पुन हिमी आखरी युगमा तुमरेन कोरता प्रकट होयलू.

प्रकाशित वाक्य 5:9

चे यो नोवलो गीत गावणे बाज गोया, “तू इना किताब काजे लेणे, एने तेरा छापा काजे उगाळनेन लायक छे; काहाकि तू जीव आपीन तारा लुयसी होर एक जाती एने भाषान एने माणसे एने जात्यामा गोथू परमेश्वरोन कोरता माणसो काजे मुले ली लेदलु छे,