कुलुस्सि 4:5 - बारेली पावरी

⁵ टेमो काजे किमती सोमजीन बारथे वावा साते ग्यानसी व्यहवार कोरु.

कुलुस्सि 4:5 ပူးပေါင်းရင်းမြစ်များ

मत्ती 10:16

“देखू, मे तुमु काजे गाडरा सारखू कुल्यान इचमा मुकलो इनान कोरता घोळसा सारका बुद्धीवान एने पेरवा सारका भोला बोनू.”

मरकुस 4:11

चू तीनु काजे कोयू, “तुमु काजे ते परमेश्वरोन राजोन भेदोन सोमोज आपलो छे, बाकीन बारथे वावा जुगू आखा वाते दाखलासी होयतेली.”

रोमी 16:19

तुमरी आग्या पावनेन चर्चा आखा माणसोमा पोसरी गोयली छे, इनान कोरता मे तुमरे बारामा खुशी कोरो, बाकीन मेसेक यो जुवे कि तुमु भोलाईन कोरता बुद्धिमान बाकीन बुराईन कोरता वारू बोनीन रोयू.

कुलुस्सि 3:16

मसिहन वचन काजे आपना मोनोमा जादा बोसने देवू, पाका ग्यान साते दिसरा काजे सिकाळू एने जोताळू, एने तुमरा मोनोमा मोंग साते परमेश्वरोन कोरता भजन, एने धन्यवादन गीत एने आत्मिक गीत गावू.

1 थिस्सलुनीकियो 4:12

काहाकि बारथे वावान तोरोफसी आदोर हासील कोरु, एने तुमु काजे कहानला चीजोन कोमी नि होये.

1 तीमथी 3:7

एने बारथे वावामा बी हेरा वारलो नाव होय, ओसो नी होय कि बोढाई होयीन भुतडान फांदामा फोस जाये.

याकुब 1:5

कोदि तुमरे माहीन कुदा काजे बुद्धीन कोमी होसे ती परमेश्वर जू मांगु, जू बिना हीच-किचाये आप देसे.

याकुब 3:13

तुमरेमा ग्यानवान एने समोजदार कून छे? जू ओसो छे चू आपनो कामो काजे वारलो चाल-चलनमा तिना नम्रता साते प्रगट कोरे, जू ग्यानमा उत्पन होयतेली छे.

याकुब 3:17

पुन जो ग्यान उपोर गोथो आवतेलो चो पेहेले चुखला होयतेलो छे ओवतेन मिलनसार, कोमल एने सोमोजनेन एने दया एने वारला फोवो गोथो लागलो एने पक्षपात एने कोपट रोहित होयतलु छे.

1 पतरस 3:1

हे बायरा, तुमु भी आपना ओदमीन अधीन रोयू, एरेन कोरता कि ओगर इनामा गोथो कुदू ओसू होसे जू वचन काजे नि मानतू होसे,