कुलुस्सि 3:9 - बारेली पावरी

⁹ एक दिसरा काजे झूट मा मेकू काहाकि तुमु जूनला माणसो काजे तिंदरा कामो साते उतार नाखलो छे.

कुलुस्सि 3:9 ပူးပေါင်းရင်းမြစ်များ

योहान 8:44

तुमु तुमरा बास भुतडासी छे एने तुमरा बासोन मोर्जी काजे पुरी कोरणे चाहतला. चू ते सुरवाती गोथूच हत्यारु एने खोरला पोर सुदू नि रोयू, काहाकि खोरलो तीनामा होतो नि जेतार चू झूट बुलतलु, ती तेरा स्वभावमा गोथूच बुलतलू; काहाकि चू झुटू छे एने झुटोन बास छे.

रोमी 6:6

आमु काजे मालूम छे कि आमरो जूनलो माणसोन रूप तेरे साते ख्रुस पोर चोळाय गोयो, काहाकि पापोन डील बिन कामोन होय जाय एने आपु ओगा पापोन बंधनमा नि रोयजे.

इफिसीयो 4:22

कि तुमु पोछला चाल-चलन अनसारे जुनलो स्वभाव काजे जी भोरमायलो वावी लालचोन अनसारे नाश होय जातलो छे उतार नाखू.

इफिसीयो 4:25

इनान वोजेसी झुटो बुलनेन छुळीन होर एक साते वावा साते खोरो बुलू काहाकि आपनु खुदोमा एक दिसरान डील छे.

कुलुस्सि 3:8

बाकीन हिमी तुमु बी आखा काजे, मतलब रीस, संताप, दुष्टपणा, भेदभाव, बुराई एने मुयोमा गोथो लोळ देनो आखी वाते छुळ देवु.

1 तीमथी 1:10

व्यभिचारी, पुरुषगामियों, माणसो काजे वेचने वावू, एने इंदरे जागे खोरलु प्रचारोन आखा खिलाप वावान कोरता ठरावली छे.

प्रकाशित वाक्य 21:27

बाकीन हेरेमा कुदू विटोव चीजे, नीती भुंडला काम कोरणे वावा, नीती झुटान गाळने वावू काहना रितीसी जाय नि सोके, बाकीन निस्ता चे माणसे जिंदरा नावे गाडरान जीवनोन किताबमा लिखला छे.

प्रकाशित वाक्य 21:8

बाकीन बिहीने वावा, एने अविस्वास्या, एने भुंडला, एने खुन कोरणे वावा एने व्यभिचार कोरणे वावा, एने कुहराय कोरणे वावा, एने मूर्ती पुजा कोरणे वावा, एने आखान झुटान वाटू तीना आगठामा जोळसे जो आगठो एने गोंधोकसी धोपतो रोयतलो छे, यो दूसरो मोरोन छे.

प्रकाशित वाक्य 22:15

बाकीन कुत्रा, एने कुहरायने वावा एने व्यभिचार कोरणे वावा एने खुन कोरणे वावा एने मूर्ती पुजा कोरणे वावा एने होर एक झुटोसी मोंग कोरणे वावा एने गाळने वावू बारथे रोयसे.