कुलुस्सि 3:8 - बारेली पावरी

⁸ बाकीन हिमी तुमु बी आखा काजे, मतलब रीस, संताप, दुष्टपणा, भेदभाव, बुराई एने मुयोमा गोथो लोळ देनो आखी वाते छुळ देवु.

कुलुस्सि 3:8 ပူးပေါင်းရင်းမြစ်များ

मत्ती 5:22

बाकीन मे तुमु काजे यो कोयो, कि यु कुदु आपना भाशो पोर रीस कोरसे, चू कुरोटमा दोंडोन लायक रोयसे, एने यु कुदू आपना भाशो काजे गांडवायलु कोयसे चू महासभान दोंडोन कोरता रोयसे; एने जो कुदु कोये, “हे बिना दिमाकोन चू नोरोग आगठान दोंडोन कोरता रोयसे.”

मरकुस 7:22

चुरी, खुन, दिसरी बायरी पुठी संसार, लोभ, दोगु, कपट, लालच, भुंडली नोजोर, चाहाळी, मोटायकी एने बिन ओकली निकवतेली छे.

रोमी 13:13

जोसो दाहळा काजे शोभा आपतलु, तोसोच आपनु बी सुधा चाल चालनो, नी कि खाण्या पिण्या एने मोंदळ्या एने मोटकाईमा नी भुंडला विचारमा एने काम कोरनेन मोर्जीमा, एने नी झोगळामा एने नी रीस धोरणेमा.

1 कुरीन्थियो 3:3

काहाकि हिमी तोक डीलवावा छे इनान कोरता कि जेतार तुमरेमा कुहराय एने झोगळू छे, ती काय तुमु डीलवावा नि होय? एने काय माणसोन रिती पोर नि चालतला?

2 कुरीन्थियो 12:20

काहाकि मेसेक बिक छे, कोदि ओसो नी होयनो जुवे कि मे आवीन जोसो जुवे, तोसो तुमुक नी देखो; एने तुमरेमा झोगळू, डाहा, रीस, खिलाप, रीस, चुगली, अभिमान एने झुटा छे.

गलातियों 5:15

पुन ओगर तुमु एक दिसरा काजे दाते कोरीन चावतला एने फाळीन खातला ती हुशारीमा रोयू एक दिसरान भुंडला मा कोरु.

गलातियों 5:20

मूर्ती पूजा जादू कुहराय, दुष्मोनी, झोगळा, रीस, खिलाप, भेदभाव, अधोरमी.

गलातियों 5:26

आपनु घोमंडी होयीन एक दिसरा काजे मा छेळू एने एक दिसरा पोर रीस मा कोरु.

इफिसीयो 4:22

कि तुमु पोछला चाल-चलन अनसारे जुनलो स्वभाव काजे जी भोरमायलो वावी लालचोन अनसारे नाश होय जातलो छे उतार नाखू.

इफिसीयो 4:25

इनान वोजेसी झुटो बुलनेन छुळीन होर एक साते वावा साते खोरो बुलू काहाकि आपनु खुदोमा एक दिसरान डील छे.

इफिसीयो 4:26

रीस ते कोरु बाकीन पापोमा कोरु; दाहळू बुडनेतोक तुमरी रीस नी रोयनो जुवे.

इफिसीयो 4:29

कानली भुंडली वाते तुमरा मुयोमा नि निकवे, बाकीन गोरोजोन अनसारे चोत निकवे जो बोढती वाटू वारू छे, काहाकि तिनासी सोमवने वावा पोर दया होये.

इफिसीयो 5:4

एने नी बिन लाज्या नी ठगनेन वाते नी मोजाकोन; काहा यो वाते शोभा नी देती, पुन धन्यवाद सोमवायनो जुवे.

कुलुस्सि 3:5

इनान कोरता आपना इना डीलो काजे मार देवू, जो धोरती पोर छे मतलब व्यभिचार, भुंडला काम, दुष्कामना, बुरी लालच एने लोभ काजे मूर्ती पूजान बराबर छे.

कुलुस्सि 3:9

एक दिसरा काजे झूट मा मेकू काहाकि तुमु जूनला माणसो काजे तिंदरा कामो साते उतार नाखलो छे.

1 तीमथी 1:13

मे ते पेहेल बुराई कोरणे वावू एने तोकलीत आपनेवावू एने आंदारो कोरणे वावू होतु; ते बी मार पोर दया होयली, काहाकि मे अविस्वासन हालोतमा बिना सोमजे यो काम कोरलु होतु.

1 तीमथी 1:20

हिनुमा गोथू हुमीनुयस एने सिकनदर छे, जीनाक मे भुतडा काजे आप देदलु छे, कि होया परमेश्वरोन बुराई कोरनो नी सिके.

इब्रानियो 12:1

इना वजेसी जेतार कि गोवा एक ओसो मोटला वादवो आपनुक घेरवी रोयो, ती आवू, आखा रुकने वावी चीजे एने घेरनेवावा पाप काजे छेटा कोरीन, जी दोवोळ जीनामा आपनु काजे दोवळनो छे धीर धोरीन दोवळू.

याकुब 2:7

काय चा तीना वारला नावोन बुराई नि कोरतेला जिनान तुमु कोवायतेला छे?

1 पतरस 2:1

एरेन कोरता आखा भातीन भेदभाव एने छोळ एने ढोंग एने खोर एने बुराई काजे नांबे कोरीन,

2 पतरस 2:18

चे वायबार मोटायन वाते कोरीन लुचळान कामोन लारे, तिना माणसोन डीलोन भुंडली मोर्जी आपतला छे जे भोटकलामा गोथा हिमी निकवनेण बाजरोयला छे.

2 पतरस 2:7

एने धोरमी लुत काजे जो अधोरमीन भुंडला चाल चलन सी घोणा दुखी होता, छुटकारू आप्यू,

यहुदा 1:13

ये दोरीयान जादा झेलके छे, जो आपनी लाजोन फेन उछावतेला छे; जे चोमोकने वावा तारा छे, जिंदरेन कोरता हमेशान कोरता आंदारो मेकाय गोयलो छे.

यहुदा 1:8

तिना रितीसी जे सोपनो देखणे वावा बी आपना-आपना डीलो काजे विटोव कोरतेला, एने प्रभूता काजे विटोव जानतेला छे, एने उचला पोदो वावा काजे वारु भुंड कोयतेला छे.

प्रकाशित वाक्य 16:9

माणसे मोटला तमन्ना सी झुलस गोया, एने परमेश्वरोन नावोन जीनासी झुलसी गोया एने परमेश्वरोन नावोसी, जिनासी इना तोकलीत पोर होक छे बुराई कोऱ्या बाकीन तेरी महिमा कोरनेन कोरता मोन नि फिराव्या.