कुलुस्सि 3:5 - बारेली पावरी

⁵ इनान कोरता आपना इना डीलो काजे मार देवू, जो धोरती पोर छे मतलब व्यभिचार, भुंडला काम, दुष्कामना, बुरी लालच एने लोभ काजे मूर्ती पूजान बराबर छे.

कुलुस्सि 3:5 ပူးပေါင်းရင်းမြစ်များ

मत्ती 15:19

काहाकि भुंडला विचार, खुन, सिनावो, भुंडला विचार, चुरी, झुटी गोवायी एने बुराई, मोनोसी निकवतली छे.

रोमी 1:26

इनान कोरता परमेश्वर तीनु काजे भुंडला कामोमा छुळ देदु; न्या तोक कि तिंदरा बायराबी वारला व्यहवार काजे तीनासी जो स्वभावोन खिलापमा छे बोदली नाख्या.

रोमी 1:29

इनान कोरता चे आखा भातीन अधोरमोन एने रीस, खुन कोरनो, एने ओहळायने, एने छोळ एने रीससी घोणा घेरवाय गोया, एने चुगली कोरण्या,

रोमी 6:13

एने नी आपना डीलो काजे धोरमोन हत्यार होयने कोरता पापोन होवाले कोऱ्या एने आपना खुदो काजे मोरलामा गोथा जीव उठनेन जानीन परमेश्वरोन होवाले कोऱ्या एने आपना डीलो काजे अधोरमोन हत्यार होयनेन कोरता परमेश्वर काजे आप देदा.

रोमी 6:6

आमु काजे मालूम छे कि आमरो जूनलो माणसोन रूप तेरे साते ख्रुस पोर चोळाय गोयो, काहाकि पापोन डील बिन कामोन होय जाय एने आपु ओगा पापोन बंधनमा नि रोयजे.

रोमी 7:23

बाकीन मेसेक आपना डीलोमा दिसरे भातीन शास्त्रनियम देखाय देतली छे, जी मारे बुद्धीन नियमोसी लोळायतली छे एने मेसे काजे पापोन शास्त्रनियमोन बंधनमा नाखतेली जी मारे डीलोम छे.

रोमी 7:5

काहाकि जेतार आमु डीलोमा होता ती पापोन लालच जे शास्त्रनियमोन लारे होतो मोरनोन फोव पोयदा कोरनेन कोरता आमरा डीलोमा काम कोरती होती.

रोमी 8:13

काहाकि अगर तुमु डीलोन अनसारे दाहळा निकावसु ती मोरसू अगर आत्मासी डीलोन कामो काजे मारसु ती जीवतला रोयसु.

1 कुरीन्थियो 5:1

न्या तोक सोमवनेमा आवे कि तुमरेमा व्यभिचार होयतला छे, एने ओसू व्यभिचार जू दिसरा जात्यामा भी नी होयतलो कि एक माणूस आपना बासोन लाडी काजे राखतलु.

1 कुरीन्थियो 6:11

एने तुमरेमा गोथा कोतरा ओसात होता, बाकीन तुमु प्रभू येसु मसिहन नावोसी एने आमरा परमेश्वरोन आत्मासी धुवाय गोया एने चुखो होया एने धोरमी ठेराया.

1 कुरीन्थियो 6:13

खाणो पेटोन कोरता, एने पेट खाणान कोरता छे, बाकीन परमेश्वर इना एने हीना काजे दुयू काजे खोतम कोरसे बाकीन डील व्यभिचारोन कोरता नी, बाकीन परमेश्वरोन कोरता छे, एने प्रभू डीलोन कोरता छे.

1 कुरीन्थियो 6:18

व्यभिचारसी वाचीन रोयू. जोतरा दिसरा पाप माणूस कोरतेलू छे चे डीलोन बारथे छे, बाकीन व्यभिचार कोरणे वावू आपनात डीलोन खिलापमा पाप कोरतेलू छे.

2 कुरीन्थियो 12:21

एने कोदि ओसो नी होयनो जुवे कि मारू परमेश्वर मारो पोछोव तुमरेनचा पोछो आवने पोर दोबाव नाखे एने मेसेक ज्यादा जोनान कोरता पोछो एने दुख कोरनो पोळे, जे पेहेले पाप कोरला होता एने भुंडला कामे एने भुंडलु विचार एने लुचळायसी, जो चे कोऱ्या, मोन नि फिराव्या.

गलातियों 5:24

एने जो मसिह येसुन छे, तिंदरा मोर्जी काजे एने भुंडली मोर्जी पुठी ख्रुस पोर चोळाय गोयला छे.

इफिसीयो 4:19

एने चे हुगा होयीन लुचळायमा लाग गोयला छे कि आखा भातीन भुंडला काम लालचसी कोऱ्या कोरे.

कुलुस्सि 2:11

जीनामा तुमरी ओसी सुंता होयली छे जो हातोसी नि होयतला, मतलब मसिहमा सुंता, जेरेसी शारीरिक डील काजे निकाव देतला छे.

1 थिस्सलुनीकियो 4:3

काहाकि परमेश्वरोन मोर्जी जी छे, कि तुमु चुखला बोनु, मतलब व्यभिचारसी वाचीन रोयू.

1 थिस्सलुनीकियो 4:5

एने यो काम गोलोत मोर्जीसी नी, एने नि तिंदरा जातीन तोसा जी परमेश्वर काजे नि मानतली.

1 तीमथी 6:10

काहाकि पोयशान लालच आखा भातीन बुराइन थुळ छे, तीनाक हेरनेन कोरीन कोशिश कोरीन भुरसाम चा गोथा भटकीन आपनु काजे भाती भातीन दुखोसी छलनो बनाव लेदलु छे.

इब्रानियो 12:16

तुमरेन गोथू काहनुबी माणूस भुंडलु एने एसाव सारखु नी रोये जू एक कावा खाणान कोरता आपना पेहेला पुऱ्यान होक वेच देदु.

इब्रानियो 13:4

वियाव आखामा आदरोन वात सोमजनु जुवे, वियाव-आथरून निरदोष रोये, काहाकि परमेश्वर व्यभिचार कोरणे वावान एने दिसरा बायरा साते ओसो कोरणे वावान नियाव कोरसे.

इब्रानियो 13:5

तुमरा स्वभाव बिना पोयशान लालचोन रोये, एने जो तुमरे जू से, तिनामा खुश रोयजी; काहाकि येसु खुद कोयलु छे, “मे तुसेक कोदि नि छुळो, एने कबी नि नाखो”.

याकुब 4:1

तुमरेमा लोळाय एने झोगळू का गोथा आव लाग्या? काय तीना सुख एने विलासो मा नि जो तुमरे डीलोमा लोळायतला एने कुटायतला छे?

1 पतरस 2:11

हे मोंगावा, मी तुमु काजे विनता कोरो कि तुमु खुदो काजे दिसरा देसोन एने पाहांतऱ्या जानीन इना संसारोन लालूच गोथो जू आत्मामा लोळाय कोरतेली छे, वाचीन रोयू.

प्रकाशित वाक्य 21:8

बाकीन बिहीने वावा, एने अविस्वास्या, एने भुंडला, एने खुन कोरणे वावा एने व्यभिचार कोरणे वावा, एने कुहराय कोरणे वावा, एने मूर्ती पुजा कोरणे वावा, एने आखान झुटान वाटू तीना आगठामा जोळसे जो आगठो एने गोंधोकसी धोपतो रोयतलो छे, यो दूसरो मोरोन छे.

प्रकाशित वाक्य 22:15

बाकीन कुत्रा, एने कुहरायने वावा एने व्यभिचार कोरणे वावा एने खुन कोरणे वावा एने मूर्ती पुजा कोरणे वावा एने होर एक झुटोसी मोंग कोरणे वावा एने गाळने वावू बारथे रोयसे.