कुलुस्सि 3:3 - बारेली पावरी

³ काहाकि तुमु ते मोर गोयला एने तूमरो जीवन मसिह साते परमेश्वरमा डुकायलो छे.

कुलुस्सि 3:3 ပူးပေါင်းရင်းမြစ်များ

मत्ती 11:25

तिनी टेमे येसु कोयू, “हे बासो, सोरग एने धोरतीन प्रभू, मे तारो धन्यवाद कोरो कि तू इनी वातो काजे ग्यानी एने समजदारीसी डुकाळीन मेक्यू, एने पुऱ्या काजे आप देदू.”

योहान 14:19

एने थुलिक टेम रोय गोयली छे कि ओवी संसार मेसेक नि देखे, बाकीन तुमु मेसेक देखसु, इनान कोरता कि मे जीवतलु छे, तुमु बी जीवतला रोयसू.

योहान 3:16

काहाकि परमेश्वर जोगो पोर ओसू मोंग कोऱ्यु कि तेरु मोंगावू पुऱ्यु आप देदु, काहाकि जू कुदू तीना पोर भुरसू कोरे चू नाश नी होये, बाकीन तीनाक ओमोर जीवन जोळे.

योहान 4:14

बाकीन जू कुदु तिना पाणीमा गोथू पीसे जो मी तीनाक आपीस, ओवतेन चू ओमोरकाई तोक तीसलु नि रोये; बाकीन यो पाणी मे तीनाक आपीस, चू तीनामा एक झोर बोन जासे जो ओमोर जीवनोन कोरता उमळतो रोयसे.”

योहान 5:21

जोसू बास मोरला काजे उठाडतेलु एने जीवाळतलु छे, तोसुच पुऱ्यु बी जे गोवतेला तीनुक जीवाळतलु छे.

योहान 5:24

मे तुमु काजे छाचलीन-छाचलीन कोयो, यु मारू बुल सोमवीन मारा मुकलने वावा पोर भुरसू कोरतेलू छे, ओमोर जीवन तेरोत छे; एने तिना पोर दोंडोन आग्या नि होयतेली बाकीन चू मोरनेमा गोथू पार होयीन जीवनमा भोराय गोयलु छे.

योहान 5:40

ते बी तुमु जीवन लेनेन कोरता मारेनचा आवने नि हिंडतला.

रोमी 5:10

काहाकि दुष्मोन होयनेन हालोत तेरा पुऱ्यान मोरनोन लारे आमरू मेव परमेश्वर साते होयू, ती चो ओवी मेव होय जाणे पोर तेरे जीवनोन लारे आमुक छुटकारू काहा नी जोळे?

रोमी 5:21

कि जोसो पाप मोत काजे फैलावतू जायीन राज कोऱ्यु, तोसोत आमरू प्रभू येसु मसिहन लारे दया बी, ओमोर जीवनोन कोरीन धोरमी ठेरावती जायीन राज कोरे.

रोमी 6:11

ओसात तुमु बी आपना खुदो काजे पापोन कोरता ते मोर गोयू बाकीन परमेश्वरोन कोरता मसिह येसुमा जीवतला सोमजू.

रोमी 6:2

कोबी नि, आपु जेतार पापोन कोरता मोर गोया ती ओवतेन ओवी तीनामा कोसा जीवन जोगजे?

रोमी 8:2

काहाकि जीवनोन आत्मान शास्त्रनियमोन जो येसु मसिहमा मेसेक पापोन एने मोतोन शास्त्रनियम सी आजाद कोर देदू.

1 कुरीन्थियो 15:45

ओसोत लिखलो बी छे, कि “पेहेलू माणूस मतलब आदोम जीवतलु जोनावर बोनु” एने आखरी आदोम, जीवन आपनेवावू आत्मा बोन्यू.

1 कुरीन्थियो 2:14

बाकीन डीलोन माणसे परमेश्वरोन आत्मान वाते स्वीकार नी कोरतेला, काहाकि चे हिंदरी नोजोरमा बीना दिमाक वावान वाते छे, एने नी चू हिनुक जान सोकतलु छे काहाकि हिंदरी चौकसी आत्मिक रितीसी होयतेली छे.

2 कुरीन्थियो 5:14

काहाकि मसिहन मोंग आपनु काजे मजबूर कोर देतलो छे, इनान कोरता कि आपनु यो सोमोजतेला कि जेतार एक आखान कोरता मोऱ्यु ती आखा मोर गोया.

2 कुरीन्थियो 5:7

काहाकि आपु रूप देखीन नी बाकीन भुरसू काजे देखीन चालतला.

गलातियों 2:20

मे मसिह पुठी ख्रुस पोर चोळाय गोयू, हिमी मे जीवतलु नी रोयू पुन मसिह मारेमा जीवतला छे; एने मे डीलोम हिमी मे जीवतलु छे, जू परमेश्वर परमेश्वरोन पुऱ्या पोर छे, जू मार पोर मोंग कोऱ्यु एने मारेन कोरीन खुदो काजे आप देदू.

इफिसीयो 3:9

एने आखा काजे जी वात प्रगट तिनी वातोन भेद काय छे जो आखाक बोनावने वावू परमेश्वर पेहेलेन नी देखतू होतु.

फिलिप्पि 4:7

तेत्यार परमेश्वरोन शांती जू आखा सोमोजसी पुरो छे तुमरो मोन एने तुमरू विचार काजे मसिह येसुमा सोमवीन राखसे.

कुलुस्सि 1:5

तिनी आस कोरली चीजोन वजेसी जो तुमरेन कोरता सोरगोमा मेकली छे, जेरा बारामा तुमु तीना वारली खोबरोन खोरलो वचन काजे सोमवी लेदला छे.

कुलुस्सि 2:20

जेतार कि तुमु मसिह साते जोगो काजे पेहेलेन शिक्षा भूनी गोथा मोर गोया, ओवतेन काहा तिंदरे सारखा जे जोगोमा छे जीवन जोगतला छे? तुमु ओसली विधीन ताबामा काहा रोयतला.

कुलुस्सि 2:3

जीनामा बुद्धी एने ग्यानोन आखो भोंडार डूकायलो छे.

कुलुस्सि 3:4

जेतार मसिह जू आमरो जीवन छे प्रगट होयसे तेतार तुमु बी महिमा साते देखाळाय जासे.

इब्रानियो 7:25

आखरी, जू तेरे लारे परमेश्वर साते आवतेला चू तिंदरो पुरो-पुरो छुटकारू कोरनेन ताकत छे काहाकि चू तिंदरेन कोरता निवेदन कोरणे हमेशा जीवतलु होये,

1 पतरस 3:4

नीती तुमरो डूकायलो एने माणसोन, नम्रता एने मोनोन दीनतान अविनाशी सोजावट तीयारीमा रोये, काहाकि परमेश्वरोन नजरमा एरू महत्व मोटलो छे.

1 पतरस 4:2

तेरेन कोरता भविष्यमा आपना रोयला डीलोन जीवन माणसोन भुंडली मोर्जीन अनसारे नि बाकीन परमेश्वरोन मोर्जीन अनसारे जीवे.

1 योहान 3:2

हे मोंगावा, हिमी आपु परमेश्वरोन पुऱ्या छे एने हिमी तोक यो प्रगट नि होयो कि आमु काय-काय होयसु, ओतरो जान लेतला छे कि जेतार चू प्रगट होयसे ती आमु तेरे सामने होयसू, काहाकि तीनाक तोसुच देखसु जोसू चू छे.

प्रकाशित वाक्य 2:17

जेरा कानटा होसे चू सोमवी लेये कि आत्मा मंडव्या काजे काय कोये. जो जय हासील कोरे, तीनु काजे मे डूकाळला मोनोमा गोथो आपीस, एने तीनाक एक धोव्वु दोगळू बी आपीस; एने तिना दोगळा पोर एक नाव लिखलो रोयसे, जीनाक एरू लेणे वावा सिवाय कुदू नी जाणे.