कुलुस्सि 3:16 - बारेली पावरी

¹⁶ मसिहन वचन काजे आपना मोनोमा जादा बोसने देवू, पाका ग्यान साते दिसरा काजे सिकाळू एने जोताळू, एने तुमरा मोनोमा मोंग साते परमेश्वरोन कोरता भजन, एने धन्यवादन गीत एने आत्मिक गीत गावू.

कुलुस्सि 3:16 ပူးပေါင်းရင်းမြစ်များ

मत्ती 26:30

ओवतेन चे गीते गावीन जयतुन बोयळा पोर गोया.

लुका 2:51

तेत्यार चू तिंदरे पुठी गोयू, एने नासरेथमा आव्यु, एने तिंदरा कोयामा रोयू; एने तेरी आया जे आखा वाते आपना मोनोमा राखी.

योहान 15:7

ओगर तुमु मारेमा जूळायीन रोये एने मारो वचन तुमरेमा बोनीन रोये, ती जो जुवे मांगु एने चो तुमरेन कोरता होय जासे.

रोमी 10:17

आखरी भुरसू सोमवनेसी मसिहन वचनोसी होयतलो छे.

रोमी 15:14

हे मारा भाशो, मे खुद तारा बारामा जरूर मालूम छे कि तुमु बी खुद भोलाई सी भोरू एने परमेश्वरोन ग्यानसी घोणा सोवटा होये इनीक दिसरा काजे जोताळ सोकतेला.

1 कुरीन्थियो 14:15

आखरी काय कोरनो जुवे? मे आत्मामा भोरायीन बी प्रार्थना कोरिस, एने ओकोलसी बी प्रार्थना कोरिस; मे आत्मामा भोरायीन गावीस, एने ओकोलसी बी गावीस.

1 कुरीन्थियो 14:26

इनान कोरता हे भाशो, काय कोरनो जुवे? जेतार एखठा होयतला, ती एकुत दिलमा भजन नीती प्रचार नीती दिसरी भाषा नीती विजावो नीती दिसरीबुलीन मतलब देखाळ रोयतलु आखो काहीन आत्मान बोढाईन कोरता होयनो जुवे.

इफिसीयो 1:17

कि आमरा प्रभू येसु मसिहन परमेश्वर जू महिमान बास छे तुमु काजे आपनी उवखमा ग्यान एने विजावान आत्मा आपे.

इफिसीयो 5:17

इनान वोजेसी बिन ओकल्या मा होयू पुन ध्यानसी सोमजू कि प्रभून मोर्जी काय छे.

इफिसीयो 5:19

एने आपसमा भजन एने गीते एने आत्मिक गीत गाव्या कोरु एने आपना-आपना मोनोम प्रभून ओगोव गावता एने भजोन कोरता रोयू.

इफिसीयो 5:26

कि तीनु काजे वचनोन लारे पाणीसी चुखो कोरीन पवित्र बोनावू.

कुलुस्सि 1:28

जेरी वारली खोबर कोरीन आमु होसात माणसोक जोताळतला कि आमु हर एक माणसो काजे मसिहमा पाको कोरीन उबराखो.

कुलुस्सि 1:9

इनान कोरता जिने दाहळे गोथू यो सोमवलू छे, आमु बी तुमरेन कोरता जी प्रार्थना एने विनता कोरणे नि छुळ्या ती तुमु आखा आत्मिक ग्यान एने सोमोज साते परमेश्वरोन मोर्जीन उवखानमा पुरो होय जाय.

कुलुस्सि 4:6

तुमरो वचन हमेशा मोंगसी एने सोहलानिसी तुमरे आखा माणसो काजे वारला रितीसी जोवाब आपने आवळी जासे.

1 थिस्सलुनीकियो 1:8

काहाकि तुमरेनचा गोथा जी मकीदुनीया एने अखायामा प्रभून वचन सोमवाळ्या बाकीन तुमरा भुरसान जो परमेश्वर पोर छे, हर जागे ओसी वात पोसरी गोयली कि आमुक कोयनेन जोरुरत नि होय.

1 थिस्सलुनीकियो 4:18

इना रितीसी इना वातोसी एक दिसरा काजे शांती आप्या कोरु.

2 थिस्सलुनीकियो 3:15

तीबी तीनाक दुष्मोन मा सोमजू बाकीन भाश जानीन जोताळू.

1 तीमथी 6:17

इनी संसारन मालदार माणसोक आग्या आप कि होया लालची नी होय एने चूलबुल धोनोपोर आस नी कोरे, पुन परमेश्वर पोर जू आमरे सुखोन कोरता आखो एने घोनो सोवटो आप देतलु.

2 तीमथी 3:15

एने बचपनसी नियम शास्त्र तारो जानलो छे, जो तुसेक येसु मसिह पर भुरसू कोरनेसी छुटकारू हासील कोरनेन कोरता बुद्धिमान बोनाव सोकतलु छे.

तीतुस 3:6

जीनाक चू आमरा छुटकारू आपने वावु येसु मसिहन लारे आमरेपोर लोकेत रेचव्यू.

याकुब 1:5

कोदि तुमरे माहीन कुदा काजे बुद्धीन कोमी होसे ती परमेश्वर जू मांगु, जू बिना हीच-किचाये आप देसे.

याकुब 3:17

पुन जो ग्यान उपोर गोथो आवतेलो चो पेहेले चुखला होयतेलो छे ओवतेन मिलनसार, कोमल एने सोमोजनेन एने दया एने वारला फोवो गोथो लागलो एने पक्षपात एने कोपट रोहित होयतलु छे.

याकुब 5:13

ओगर तुमरेमा कुदू दुखी छे, ती चू प्रार्थना कोरे ओगर खुशीमा छे, ती चू स्तुतीन भोजन गावू.

1 योहान 2:14

हे बास मे तुमुक इनान कोरता लिखलू छे कि जो पेहेलेन छे तू हिनाक जान गोयलु छे, ए जुवान्या मे तुमुक इनान कोरता लिखलू छे कि तुमु बोलवान छे, एने परमेश्वरोन वचन तुमरेमा बोनलू रोयतलु छे, एने तू हीना भुतडा पोर जीत कोरलु छे.

1 योहान 2:24

जो काय तू पेहेलेन सोमवला छे चो होयू तारेमा बोनलु रोये ती तू बी पुऱ्यामा एने बासोमा बोनलु रोयीस.

1 योहान 2:27

पुन तुमरु होयू अभिषेक जू हेरेनचा गोथो कोरलु होतु, तारेमा बोनी रोयतलु छे; एने तुसेक एरू गोरोज नि होय कि कुदू तुमुक सिकाळे नीती जोसो होयो अभिषेक जू हेरेनचा गोथू कोरलु गोयू तुमुक आखी वात सिकाळतला छे एने यो खोरलो छे एने झूट नि होय; एने जोसू होयू तुमुक सिकाळलु छे होसात तुमु हिनामा बोनला रोयतला छे.

2 योहान 1:2

चो खोरलो, जो आमरेमा वातडा राखतेलो छे एने हमेशा आमरे साते रोये.

प्रकाशित वाक्य 14:3

चे सिहासनोन सामने एने चारू जोनावरे एने पुढाऱ्यान ओगोव एक नोवलो गीत गाव रोया होता, चे एक लाख चौरेचाळीस हजार जना काजे कोवीमा गोथू मुले लेवाय गोयलु होतु, कुदू चो गीत नी सिक सोकतू होतो.

प्रकाशित वाक्य 15:3

चे परमेश्वरोन दास मुसान गीत, एने गाडरान गीत गावीन-गावीन कोयता होता, “हे आखी ताकत वावा प्रभू परमेश्वर, हे युगान युग राजा, तारी चाल ठीक एने खोरली छे.”

प्रकाशित वाक्य 19:10

तेत्यार मे हिनाक नोमोन कोरणेन कोरता तेरा पायो पोर पोड गोयू चू मेसे काजे कोयू, “देख, ओसू मा कोरे, मे तारो एने तारा भाशो साते वावू दास छे जू येसुन गोवायी देणेपोर पाकु छे परमेश्वर काजे नोमोन कोर; काहाकि येसुन गोवायी भविष्यवाणीन आत्मा छे.”

प्रकाशित वाक्य 5:9

चे यो नोवलो गीत गावणे बाज गोया, “तू इना किताब काजे लेणे, एने तेरा छापा काजे उगाळनेन लायक छे; काहाकि तू जीव आपीन तारा लुयसी होर एक जाती एने भाषान एने माणसे एने जात्यामा गोथू परमेश्वरोन कोरता माणसो काजे मुले ली लेदलु छे,