3 जीनामा बुद्धी एने ग्यानोन आखो भोंडार डूकायलो छे.
इनान कोरता माणसो काजे नि बिहनो काहाकि काहीन ढाकायलो नि होय जो उगळाय नि जाय एने नि काहीन डूकायलो छे चो जाणाय नि जाय.
इनान कोरता परमेश्वरोन ओकोल बी कोयली छे, “मे तिंदरेनचा भविष्य कोरता काजे एने प्रेषितोन काजे मुकलीस, एने चे तिंदरे मायला काहनास काजे मार नाखसे, एने काहनास काजे तोकलीत देसे.”
आहा, परमेश्वरोन धोन एने ओकोल इनी ग्यान काय योत उंडा छे, तेरा विचार कोसा महान एने तेरी वाट कोसी अगम्य छे!.
बाकीन जे बुलावला छे, काय यहुदि काय युनानी, तिंदरे साते मसिह परमेश्वरोन ताकत एने परमेश्वरोन ग्यान छे.
बाकीन हेरे जुव गोथोत तुमु मसिह येसुमा छे, जो परमेश्वर जुव गोथो आमरेन कोरता ग्यान ठोऱ्यु एने मतलब धारमिकता, एने चुखला, एने छुटकारू.
जीनाक चू आखा एने टेम साते आमु काजे घोनो कोरायू.
काहाकि परमेश्वरोन खुशी इनामा छे कि तीनामा आखो पुरो-पुरो रोये.
जेरी वारली खोबर कोरीन आमु होसात माणसोक जोताळतला कि आमु हर एक माणसो काजे मसिहमा पाको कोरीन उबराखो.
इनान कोरता जिने दाहळे गोथू यो सोमवलू छे, आमु बी तुमरेन कोरता जी प्रार्थना एने विनता कोरणे नि छुळ्या ती तुमु आखा आत्मिक ग्यान एने सोमोज साते परमेश्वरोन मोर्जीन उवखानमा पुरो होय जाय.
मसिहन वचन काजे आपना मोनोमा जादा बोसने देवू, पाका ग्यान साते दिसरा काजे सिकाळू एने जोताळू, एने तुमरा मोनोमा मोंग साते परमेश्वरोन कोरता भजन, एने धन्यवादन गीत एने आत्मिक गीत गावू.
काहाकि तुमु ते मोर गोयला एने तूमरो जीवन मसिह साते परमेश्वरमा डुकायलो छे.
इनान वजेसी तुमु आखा भातीन कोशिश कोरीन आपना भुरसा पोर वारला गुणे एने वारला गुणोपोर सोमज,
जेरा कानटा होसे चू सोमवी लेये कि आत्मा मंडव्या काजे काय कोये. जो जय हासील कोरे, तीनु काजे मे डूकाळला मोनोमा गोथो आपीस, एने तीनाक एक धोव्वु दोगळू बी आपीस; एने तिना दोगळा पोर एक नाव लिखलो रोयसे, जीनाक एरू लेणे वावा सिवाय कुदू नी जाणे.
