कुलुस्सि 2:2 - बारेली पावरी

² काहाकि तिंदरे मोनोमा शांती जोळे एने चे मोंगसी आपसामा जुळायीन रोये एने चो पुरा समाजोन आखो धोन ली लेये एने परमेश्वर बासोन भेद काजे, मतलब येसु मसिह काजे उवखी लेये.

कुलुस्सि 2:2 ပူးပေါင်းရင်းမြစ်များ

मत्ती 11:25

तिनी टेमे येसु कोयू, “हे बासो, सोरग एने धोरतीन प्रभू, मे तारो धन्यवाद कोरो कि तू इनी वातो काजे ग्यानी एने समजदारीसी डुकाळीन मेक्यू, एने पुऱ्या काजे आप देदू.”

मत्ती 11:27

“मारू बास मेसेक आखो काहीन सोप देदलु छे; एने कुदू बासो काजे नी उवखतलु, निस्तु; पुऱ्या काजे; एने चू जीना पोर पुऱ्यु तीनाक देखाळने हिंडे.”

मत्ती 13:11

येसु जोवाब आप्यू, “तुमु काजे सोरगोन राजोमा भेदोन सोमोज आपाय गोयलो छे, बाकीन तीनु काजे नी.

लुका 1:1

लोकेत जोना तिनी वातो काजे आमरे इचमा वीतली छे, इतिहास लिखनेमा हात लागाळला छे,

योहान 10:30

मे एने बास एकुत छे,”

योहान 10:38

बाकीन ओगर मे कोरो, ती भोले मार पोर भुरसू मा कोरु, बाकीन तीना कामोन ते भुरसू कोरु, काहाकि तुमु जाणे एने सोमजे कि बास मारेमा छे एने मे बासोमा छे.

योहान 16:15

जो काय बासोन छे, चो आखो मारो छे; इनान कोरता मी कोयू कि चू मारी वातोमा गोथू लीन तुमु काजे कोयसे.

योहान 17:3

एने ओमोर जीवन यो छे कि चे तुसेक एक धोळ्या खोरला परमेश्वर काजे येसु मसिह काजे, जीनाक तू मुकेललु छे, जाणे.

योहान 5:17

इनापोरसी येसु तीनु काजे कोयू, “मारू बास हिमी तोक काम कोरणे बाज रोयू, एने मे बी काम कोरणे बाज रोयू.”

योहान 5:23

कि आखा माणसे जोसो बासोन मान राखतला छे तोसोच पुऱ्यान बी मान राखू. जू पुऱ्यान मान नि कोरे, चू बासोन जू तीनाक मुकललु छे, मान नि राखतलु.

योहान 6:69

एने आमु भुरसू कोऱ्या एने जानी लेदा कि परमेश्वरोन चुखलो जोणु तुत छे.”

प्रेषित 4:32

भुरसू कोरणे वावान मंडवी एक मोन लागाळीन एक विचारोन होती न्या तोक कि घोरल्या आपनो धोन मारो नि कोवायतेला बाकीन आखो गोवानदिमा होतो.

रोमी 15:13

परमेश्वर जू आसोन दाता छे तुमुक भुरसू कोरणेमा आखा रितीन खुशी एने शांतीसी पुरेपूर कोरे, कि पवित्र आत्मान ताकतसी तुमरी आस बोढती जाय.

रोमी 16:25

हिमी जो तुमु काजे मारी वारली खोबर मतलब येसु मसिहन सोंदेसोन प्रचार अनसारे पाको कोरतू रोयतलु छे, तिना भेदोन विजावान अनसारे जो ओमोरकाईसी डूकाय रोयो,

रोमी 2:4

काय तू तेरी दया एने सहन शीलता एने धीरोज रूपी धोन काजे गोलोत सोमोजतलु? काय यो नी सोमोजतलु कि परमेश्वरोन दया तुसेक मोन फिरावने सीकाळे?

1 कुरीन्थियो 14:31

काहाकि तुमु आखा एक-एक कोरीन भविष्यवाणी कोर सोकतला, काहाकि आखा सीके एने आखाक शांती जोळे.

1 कुरीन्थियो 2:12

बाकीन आमु जोगोन आत्मा नी, बाकीन ची आत्मा ली लेदला छे जी परमेश्वर भूनी गोथी छे कि आमु तिनी वातो काजे जानजे, जू परमेश्वर आमुक आपलु छे.

गलातियों 3:28

हिमी नी कुदू यहुदि रोयू, नी युनानी, नी कुदू पावोर, नी स्वतंत्र, नी कुदु नोर, नी कुदु नारी, काहाकि तुमु आखा मसिह येसुमा एक छे.

इफिसीयो 1:7

आमु ते तिनान लुयोन लारे छुटकारू मतलब पापोन माफी एने परमेश्वरोन दयान धोनोन अनसारे जोळतो कि.

इफिसीयो 3:16

कि चू आपना महिमान धोनोन अनसारे तुमुक यो दान आपे कि तुमु तेरी आत्मासी आपना डीलोमायलो माणसोन रूपमा ताकतसी बोनता जावू.

इफिसीयो 3:3

मतलब यो कि चू मारे पोर प्रगटीकरण लारे प्रगट होयो जोसो मे पेहेलेत वारू रितीसी लिख देदलु होतु.

इफिसीयो 6:22

तीनाक मे तुमरे साते इनाक कोरता मुकेल्लू छे कि तुमु आमरी हालत काजे सोमजू एने चू मारा मोनो काजे शांती आपे.

फिलिप्पि 2:1

आखरी, अगर मसिहमा काहीन शांती, एने मोंगसी हिंमत एने आत्मान सहभागीता, एने गिन एने दया छे.

फिलिप्पि 3:8

नीती मे आपना प्रभू येसु मसिहन उवखनेन बारामा वारलान वजेसी मे आखा चीजोन नुकसान सोमोजतलु. जेरे कारण मे आखा चीजोन हानी उठावलु छे एने तीनुक कोचरू सोमजतेलु, जेरेसी मे मसिह काजे ली लेदू.

कुलुस्सि 1:26

एने तीना भेद काजे जे टेमोन एने पिढीसी लिखाय रोयो बाकीन हिमी तीनाक तीनु चुखला माणसो पोर होयलो छे.

कुलुस्सि 1:27

जीनु पोर परमेश्वर प्रकट कोरणेन कोऱ्यु तीनुक ग्यान जोळे कि दिसरा जातीमा तीना भेदोकाजे महिमान किमोत काय छे, एने चू जो छे कि मसिह जू महिमान आस छे तुमरेमा रोयतलु छे.

कुलुस्सि 1:9

इनान कोरता जिने दाहळे गोथू यो सोमवलू छे, आमु बी तुमरेन कोरता जी प्रार्थना एने विनता कोरणे नि छुळ्या ती तुमु आखा आत्मिक ग्यान एने सोमोज साते परमेश्वरोन मोर्जीन उवखानमा पुरो होय जाय.

कुलुस्सि 2:19

एने तीना शिरोमणि काजे धोरीन नि मेलतला जीनासी आखा डील जुळायला एने पोट्टान लारे पालन पोषण लीन एने एखठो परमेश्वर भूनी बोळतो जातला.

कुलुस्सि 3:14

इना आखान उपोर मोंगोक जू पुरा बंधन छे, बांध देवू.

कुलुस्सि 4:3

एने इना साते-साते आमरेन कोरता बी प्रार्थना कोरता रोयू, कि परमेश्वर आमरेन कोरता वचन सोमवाळनेन ओसू झोपलु उगाळ देदू कि आमु मसिहन तिना भेदोन वर्णन कोर सोके जिनान वजेसी मे बंदीमा छे.

कुलुस्सि 4:8

तीनु काजे मे इनान कोरता तुमरेनचा मूकल्यु कि तुमुक आमरी हाल मालूम होय जाय, एने चे तुमरा मोन काजे शांती आपे.

1 थिस्सलुनीकियो 1:5

काहाकि आमरी वारली खोबर तुमरेनचा निस्तो बुलोमा नि पुन ताकत एने पवित्र आत्मा एने मोटला पाका वातो पुठी पुगलो छे; जोसो तुमुक मालूम होयो कि आमु तुमरा इनाम कोसा बोन गोयला होता.

1 थिस्सलुनीकियो 3:2

एने आमु तीमथीस काजे जू मसिहन वारली खोबरमा आमरू भाश एने परमेश्वरोन सेवक छे इनान कोरता मूकल्यु कि चू तुमुक पाका कोरे एने तुमरु भुरसान बारामा तुमु काजे सोमजाडे.

1 थिस्सलुनीकियो 5:14

हे भाशो, आमु तुमु काजे सोमजाडतला छे कि जे वारलो चाल नि चालतला तीनुक सोमजाळू, बिहन्या काजे धीर आपु, बिना ताकत वावा काजे सोमावू, आखांचा सहन शीलता देखाळू,

1 तीमथी 3:16

इनुमा शंका नी होय कि भोक्तीन फरक गंभीर छे, मतलब होयो जे डीलोमा प्रगट होयलो, आत्मामा धोरमी ठेरायू, सोरग दूत काजे देखायतू दिसरा जातीमा हेरा प्रचार होयलू, जोगोमा हेरे पोर भुरसू कोरलु होतु, एने महिमामा उपर चुटायलु होतु.

इब्रानियो 10:22

ती आवू आपु खोरला मोनोसी एने पुरा भुरसू साते एने विचारो काजे छेटा कोरणेन मोनोपोर पोर तेळा लीन, एने डीलो काजे चुखला पाणीसी धुवीन परमेश्वर साते आवू.

इब्रानियो 6:11

आखरी मोर्जी छे कि तुमरेमा गोथू आखा आपनी आसोन पुरो निश्चय काजे नी लेये कि आखरी तोक कोशिशमा रोये.

2 पतरस 1:10

एरेन कोरता हे भाशो, आपनुक बुलाय जाणे, एने नेवाळाय जानेन सिद्ध करणेन वारला रितीन कोशिश कोरता जावू, काहाकि कोबी ओसो कोरसु ती कोबी बी ठूकर नि खाये.

2 पतरस 1:3

काहाकि तिंदरी परमेश्वरोन ताकत आखो यो जीवन एने भक्तीसी संबंध राखतेलु, आमुक तेरी ची उवखोन लारे आप देदू, जू आमुक आपनीच महिमा एने वारला गुणोन अनसारे बुलाव्यू.

2 पतरस 3:18

बाकीन आमरा प्रभू एने छुटकारू आपने वावु येसु मसिहन दयामा बोढता जावू, तिनान महिमा हिमी बी छे एने कायम होयती रोयसे. आमेन.

1 योहान 3:19

इनासी आमु जानसु कि आमु खोरलान छे, एने जिना वातोमा आमरे मोन आमुक गुणू आपसे तेरा बारामा, तेरे ओगोव आपना मोनो काजे हिंमत आप सोकसू;

1 योहान 5:7

एने जू गोवायी देतलू छे, चू आत्मा छे; काहाकि आत्मा खोरली छे.